ຍົກລະດັບຄວາມຮູ້ເຕັກນິກ IT ບໍລິຫານ ໂຄງການອະນຸລັກຊີວະນາໆພັນ

ຂະແໜງພັດທະນາຊົນນະບົດແນກກະສິກຳ ແລະປ່າໄມ້ ແຂວງຫຼວງນໍ້າທາ ຈັດຝຶກອົບຮົບ ກລະດັບຄວາມຮູ້ເຕັກນິກ IT ບໍລິຫານໂຄງການອະນຸລັກຊີວະນາໆພັນ ແລະ ປ່າໄມ້ແບບປະສົມປະສານ (ICBF) ໃນວັນທີ 16 ສິງຫາ 2022 ໂດຍການເປັນປະທານຂອງທ່ານ ສິດທິສັກ ປ້ານອິນຫວນ ຫົວໜ້າໂຄງການ ICBF ຂັ້ນແຂວງ, ຮອງກອງຄຸ້ມຄອງປ່າສະຫງວນ, ມີສຳມະນາກອນມາຈາກກອງຄຸ້ມຄອງປ່າສະຫງວນແຫ່ງຊາດນໍ້າຫ້າ, ຂະແໜງບໍລິຫານ ແລະພະນັກງານວິຊາການພາຍໃນຂະແໜງພັດທະນາຊົນນະບົດເຂົ້າຮ່ວມ.

ຊຸດຝຶກອົບຮົມຄັ້ງນີ້, ສຳມະນາກອນຈະໄດ້ຮຽນຮູ້ກ່ຽບກັບເຕັກນິກ IT ບໍລິຫານໂຄງການອະນຸລັກຊີວະນາໆພັນ ແລະ ປ່າໄມ້ແບບປະສົມປະສານ ICBF,bການນໍາໃຊ້ Word , ການສ້າງເອກະສານທາງການ, ການນຳໃຊ້ Excel, ການນຳໃຊ້ Google drive ແລະການນຳໃຊ້ Powerpoint. ທັງນີ້, ກໍເພື່ອເຮັດໃຫ້ພະນັກງານໄດ້ມີຄວາມຮູ້ຄວາມສາມາດໃນການນໍາໃຊ້ເຕັກນິກດ້ານວິຊາການເຂົ້າໃນວຽກງານຕົວຈິງໃນການບໍລິຫານປະຕິບັດວຽກງານຂອງໂຄງການຊີວະນາໆພັນ ແລະປ່າໄມ້ແບບປະສົມປະສານ ICBF ໃຫ້ມີຄວາມສະດວກວ່ອງໄວ ແລະຮັບປະກັນຄຸນນະພາບເຮັດໃຫ້ການຈັດຕັ້ງປະຕິບັດວຽກງານມີຜົນສຳເລັດເປັນກ້າວໆ.

ຂ່າວ: ອຸ້ມ

แชร์