ເຊກອງ ເຜີຍແຜ່ຂໍ້ຕົກລົງວ່າດ້ວຍການຄຸ້ມຄອງ ແລະບໍລິຫານຕົວເມືອງ

ຂປລ. ແຫລ່ງຂ່າວຈາກ ແຂວງເຊກອງ ໃຫ້ຮູ້ວ່າ: ເມື່ອບໍ່ດົນມານີ້, ແຂວງເຊກອງ ຈັດເຜີຍແຜ່ຂໍ້ຕົກລົງຂອງທ່ານເຈົ້າແຂວງເຊກອງ ສະບັບເລກທີ 89/ຈຂ-ຊກ, ລົງວັນທີ 16 ພຶດສະພາ 2022 ວ່າດ້ວຍການຄຸ້ມຄອງ ແລະ ບໍລິຫານຕົວເມືອງລະມາມ ໂດຍມີຫົວໜ້າ-ຮອງຫົວໜ້າພະແນກ, ຫ້ອງການ, ບໍລິສັດລັດວິສາຫະກິດອ້ອມຂ້າງແຂວງ ແລະ ອໍານາດການປົກຄອງບ້ານເທສະບານເມືອງລະມາມເຂົ້າຮ່ວມ.

ທ່ານ ວົງເດືອນ ຈັນທະບຸດຊຽງ ເຈົ້າເມືອງລະມາມ, ປະທານອົງການພັດທະນາ ແລະບໍລິຫານຕົວເມືອງລະມາມ ໄດ້ເຜີຍແຜ່ແນະນໍາບັນດາເນື້ອໃນ, ຈຸດປະສົງ, ຫລັກ ການ, ລະບຽບການ ແລະມາດຕະການເພື່ອໃຫ້ພວກເຮົາຮັບຮູ້ເຂົ້າໃຈຢ່າງເລິກເຊິ່ງມີບ່ອນອີງໃນການຈັດຕັ້ງປະຕິບັດແນໃສ່ການຄຸ້ມຄອງ, ການພັດທະນາ ແລະການບໍລິ ຫານຕົວເມືອງລະມາມໃຫ້ມີຄວາມຖືກຕ້ອງແນໃສ່ເຮັດໃຫ້ບ້ານ-ເມືອງມີຄວາມສະອາດສວຍງາມ, ເປັນລະບຽບຮຽບຮ້ອຍ ແລະສີວິໄລ, ທັງຮັກສາໄດ້ສະຖາປັດຕະຍະກໍາ, ບູ ຮານນະສະຖານ, ມໍລະດົກທາງວັດທະນະທໍາສາມາດຕອບສະໜອງໄດ້ກັບຄວາມຮຽກຮ້ອງຕ້ອງການໃນການພັດທະນາເສດຖະກິດ-ສັງຄົມ, ການພັດທະນາຕົວເມືອງ ແລະ ການພັດຊີວິດການເປັນຢູ່ຂອງປະຊາຊົນໃຫ້ດີຂຶ້ນເປັນກ້າວໆ.

ພ້ອມນີ້, ຜູ້ເຂົ້າຮ່ວມຍັງໄດ້ຮັບຟັງການເຜີຍແຜ່ກົດໝາຍວ່າດ້ວຍການກໍ່ສ້າງ ແລະກົດໝາຍວ່າດ້ວຍຜັງເມືອງຕື່ມອີກ.
ຂ່າວ-ພາບ: ສັນຍາ

แชร์