ທະນາຄານ ເອຊີລີດາ ລາວ ຈຳກັດ ມີວິໄສທັດໃນການເປັນທະນາຄານ SME ຊັ້ນນຳ ໃນ ສປປ ລາວ ໄດ້ຮັບກຽດຢ່າງສູງໃນການໄດ້ຮັບໃບຍ້ອງຍໍຫຼຽນກາແຮງງານຈາກທ່ານນາຍົກລັດຖະມົນຕີຊຶ່ງມີພິທີມອບໃບຍ້ອງຍໍດັ່ງກ່າວຈັດຂື້ນໃນວັນທີ 28 ມີນາ 201 ທີ່ທະນາຄານແຫ່ງ ສປປ ລາວ ໂດຍການເປັນປະ ທານ ແລະ ຕາງໜ້າມອບຂອງ ສອນໄຊ ສິດພະໄຊ, ຜູ້ວ່າການທະນາຄານແຫ່ງ ສປປ ລາວ ຊຶ່ງ ດຣ. ຮາຍ ສະວາຍ ຜູ້ອຳນວຍການໃຫຍ່ທະນາຄານ ເອຊີລີດາ ລາວ ຈຳກັດ, ໄດ້ຕາງໜ້າຮັບ.
ໃບຍ້ອງຍໍຫຼຽນກາແຮງງານດັ່ງກ່າວນີ້ແມ່ນເປັນການຍ້ອງຍໍຊົມເຊີຍທະນາຄານ ເອຊີລີດາ ລາວ ຈຳກັດ ທີ່ໄດ້ມີສ່ວນຮ່ວມເຂົ້າໃນການພັດທະນາປະເທດ ຊາດໂດຍສະເພາະແມ່ນການເສດຖະກິດ-ສັງຄົມຂອງລາວນັບຕັ້ງແຕ່ທະນາຄານໄດ້ໃຫ້ບໍລິການໃນປີ 2008 ປັນຕົ້ນມາ.
ທະນາຄານ ເອຊີລີດາ ລາວ ຈຳກັດ ມີຄວາມຮູ້ສຶກພາກພູມໃຈເປັນຢ່າງຍິ່ງທີ່ເປັນສ່ວນໜຶ່ງຂອງການພັດທະນາປະເທດຊາດ ແລະ ຈະສືບຕໍ່ເຂົ້າຮ່ວມການພັດທະນານີ້ໄປເລື້ອຍໆ. ທະນາຄານ ເອຊີລີດາ ລາວ ຈັດເປັນທະນາຄານທຸລະກິດອັນດັບ 1 ໃນການມີສ່ວນຮ່ວມໃຫ້ວຽກເຮັດງານທຳແກ່ປະຊາຊົນລາວໃນຂະແໜງການດັ່ງກ່າວ, ທະນາຄານໄດ້ສຸມໃສ່ການໃຫ້ບໍລິການບັນຊີເງິນຝາກບຸກຄົນ ແລະ ນິຕິບຸກຄົນ, ການໂອນເງິນພາຍໃນ ແລະ ຕ່າງປະເທດ, ການຄຸ້ມຄອງເງິນສົດ ແລະ ການໃຫ້ກູ້ຢືມເງິນແກ່ MSMEs, ທຸລະກິດຂະໜາດກາງ ແລະ ໃຫຍ່ໃນວົງເງິນກູ້ສູງສຸດເຖິງ 17 ຕື້ກີບໃນລາວ.
ປະຈຸບັນ, ກຸ່ມຂອງເອຊີລີດາມີ ທະນາຄານ ເອຊີລີດາ ມະຫາຊົນ ເຊິ່ງເປັນບໍລິສັດແມ່ ແລະ ມີ 5 ບໍລິສັດລູກຄື ທະນາຄານ ເອຊີລີດາ ລາວ ຈຳກັດ, ACLEDA Securities Plc., ACLEDA Institute of Business, ACLEDA MFI Myanmar Co., Ltd. and ACLEDA Properties Ltd. ແລະ ທະນາຄານຍັງມີຫ້ອງການຕົວແທນຢູ່ປະເທດມຽນມາ ແລະ ໃຫ້ບໍລິການໂອນເງິນໄປທົ່ວໂລກອີກດ້ວຍ. ກຸ່ມເອຊີລີດາມີຊັບສິນລວມທັງໝົດເກືອບ 6 ຕື້ໂດລາສະຫະລັດ ແລະ ມີ 310 ສາຂາ ແລະ 578 ເອທີເອັມ ແລະ ຍັງມີລູກຄ້າໃຊ້ຜະລິດຕະພັນ-ການບໍລິການຫຼາຍກວ່າ 2,6 ລ້ານຄົນ, ຂໍຂອບໃຈເຕັກໂນໂລຊີທີ່ທັນສະໄໝ, ຜະລິດຕະພັນFinTech“ ເອຊີລີດາ ທັນໃຈ" (ໃນ ສປປ ລາວ), ທີ່ຊ່ວຍໃຫ້ທະນາຄານ ເອຊີລີດາ ລາວ ສາມາດເຂົ້າເຖິງລູກຄ້າທຸກພາກສ່ວນໄດ້ນຳໃຊ້ໃນການເຮັດທຸລະກຳການໂອນເງິນ ແລະ ທຸລະກຳອື່ນໄດ້ທຸກໆວັນ ທຸກເວລາ ທຸກສະຖານທີ່.
File 08 29.3
ນສພ ເສດຖະກິດ-ສັງຄົມ
| ສະກຸນເງີນ | ອັດຕາຊື້ | ອັດຕາຂາຍ | |
|
EUR | 21.356 | 21.571 |
|
USD | 21.996 | 22.140 |
|
THB | 683 | 690 |
|
CNY | 2.713 | 2.740 |