ລາວ ມີສະຖານທີ່ທ່ອງທ່ຽວຫຼາຍກວ່າ 2 ພັນແຫ່ງ

  ສປປ ລາວ ເປັນປະເທດທີ່ບໍ່ມີຊາຍແດນຕິດກັບທະເລ, ແຕ່ອຸ ດົມສົມບູນໄປດ້ວຍຫ້ວຍນ້ຳລຳເຊຊຶ່ງຢາຍຢູ່ແຕ່ເໜືອຮອດໃຕ້ພິເສດແມ່ນ ແມ່ນ້ຳຂອງຊຶ່ງມີຄວາມຍາວ 1.835 ກິໂລແມັດ ແລະມີພູມອາກາດທີ່ເປັນ ເຂດຮ້ອນຊຸ່ມມັນໄດ້ສ້າງເງື່ອນໄຂ ໃຫ້ ສປປ ລາວ ອຸດົມສົມບູນໄປດ້ວຍຊັບພະຍາກອນທຳມະຊາດນາໆຊະນິດ, ບໍ່ວ່າຈະເປັນພູຜາປ່າ ໄມ້, ນໍ້າຕົກຕາດ,ວັດຖຸບູຮານເກົ່າ ແກ່ ແລະອື່ນໆ, ຊຶ່ງປະຈຸບັນເຮັດໃຫ້ສປປ ລາວ ມີແຫຼ່ງທ່ອງທ່ຽວຫຼາຍກວ່າ 2 ພັນແຫ່ງໃນນີ້ມີທັງແຫຼ່ງ ທ່ອງທ່ຽວມໍລະດົກໂລກ, ເຊັ່ນ: ວັດພູຈຳປາສັກ, ເມືອງມໍລະດົກໂລກຫຼວງພະບາງ ແລະທົ່ງໄຫຫີນແຂວງ ຊຽງຂວາງ ຊຶ່່ງກໍາລັງສະເໜີກຽມ ເຂົ້າເປັນມໍລະດົກໂລກ.

ອີງຕາມບົດສະຫຼຸບຂອງກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວປີ 2018 ໃຫ້ຮູ້ວ່າ: ປະ ຈຸບັນໃນທົ່ວປະເທດມີແຫຼ່ງທ່ອງ ທ່ຽວທັງໝົດ 2.104  ແຫ່ງ, ໃນນັ້ນມີ ແຫຼ່ງທ່ອງທ່ຽວທາງທຳມະຊາດ 1.194 ແຫ່ງ, ວັດທະນະທຳ 620 ແຫ່ງ ແລະປະຫວັດສາດ 282  ແຫ່ງ. ຊຶ່ງໃນປີ 2018ຜ່ານມາ ລັດຖະ ບານໄດ້ເອົາໃຈໃສ່ໃນການພັດທະ ນາໂຄ່ງລ່າງພື້ນຖານເພື່ອອຳນວຍຄວາມສະແດງດ້ານການທ່ອງທ່ຽວ ເປັນຕົ້ນແມ່ນການກໍ່ສ້າງເສັ້ນທາງ ເຂົ້າແຫຼ່ງທ່ອງທ່ຽວຢູ່ບັນດາແຂວງ, ພັດທະນາແຫຼ່ງທ່ອງທ່ຽວ, ສະຖານ ທີ່ຈອດລົດ, ຫ້ອງນໍ້າສາທາລະນະ ແລະປ້າຍຊີ້ບອກຕ່າງໆ. ໂຄງການ ພັດທະນະໂຄ່ງລາງພື້ນຖານເພື່ອສົ່ງ ເສີມການທ່ອງທ່ຽວດ້ວຍທຶນກູ້ຢືມ ຈາກທະນາຄານພັດທະນາອາຊີກໍໄດ້ ດຳເນີນການກໍ່ສ້າງເສັ້ນທາງປູຢາງ ແຕ່ທາງແຍກບ້ານຊ່າງໄຫຫາບ້ານ ປາກອູ ເມືອງປາກອູ ແລະກໍ່ສ້າງທ່າເຮືອບັກທີ່ບ້ານຈອມເພັດ ເມືອງຈອມເພັດ ແຂວງຫຼວງພະບາງ, ຊຶ່ງຄາດວ່າຈະສຳເລັດພາຍໃນຕົ້ນເດືອນເມສາ 2019 ນີ້, ການກໍ່ສ້າງເສັ້ນ ທາງປູຢາງແຕ່ສາມແຍກທາງເລກ ທີ 12 ໄປຫາຖໍ້າຊ້າງ  ແລະກໍ່ສ້າງສິ່ງ ອຳນວຍຄວາມສະດວກໃນບໍລິເວພະທາດສີໂຄດຕະບອງ ເມືອງທ່າ ແຂກ  ແຂວງຄຳມ່ວນ ຊຶ່ງປະກອບ ດ້ວຍຂົວຂ້າມຫ້ວຍ, ເສັ້ນທາງພາຍ ໃນເດີ່ນພະທາດ, ບ່ອນຈອດລົດ, ຮ້ານຂາຍເຄື່ອງທີ່ລະນຶກ, ຫ້ອງວາງ ສະແດງ ແລະຫ້ອງສະໜອງຂໍ້ມູນ ຂ່າວສານການທ່ອງທ່ຽວ ແລະຫ້ອງນ້ຳສາທາລະນະກໍຈະສຳເລັດພາຍ ໃນກາງເດືອນກຸມພາ 2019 ນີ້, ພ້ອມຍັງມີການກໍ່ສ້າງເສັ້ນທາງປູ ຢາງແຕ່ເທສະບານເມືອງໄຊ ຫາຖໍ້າຈອມອອງ  ແຂວງອຸດົມໄຊ  ຍາວ 39 ກິໂລແມດ ຄາດຄະເນຈະສຳ ເລັດໃນທ້າຍປີ 2020.

ພ້ອມນີ້, ພາກສ່ວນທຸລະກິດກໍໄດ້ມີການລົງທຶນພັດທະນາສິ່ງອຳ ນວຍຄວາມສະດວກຮອງຮັບການ ທ່ອງທ່ຽວ ແລະແຫຼ່ງທ່ອງທ່ຽວເຊັ່ນ: ການກໍ່ສ້າງໂຮງແຮມ, ເຮືອນພັກ ແລະຮ້ານອາຫານຢູ່ບັນດາແຂວງ, ພັດທະນາແຫຼ່ງທ່ອງທ່ຽວ ໂດຍສະ ເພາະແມ່ນນໍ້າກັດຢໍຣະປາ ທີ່ແຂວງອຸດົມໄຊ, ສວນພຶກສາທີ່ແຂວງຫຼວງ ພະບາງ, ສວນພຶກສາທີ່ນະຄອນຫຼວງວຽງຈັນ, ຟາມພູຕາເວັນທີ່ແຂວງບໍລິຄຳໄຊ, ກິດຈະກຳຂີ່ສະລິງທີ່ຕາດຟາກ, ແຫຼ່ງທ່ອງທ່ຽວຕາດເຢືອງ,ນ້ຳຕົກຕາດຄອນພະເພັງແຂວງຈຳ ປາສັກ ແລະອື່ນໆອີກຫຼາຍແຫ່ງ.

ໂດຍ: ນໍ້າເໝີຍ

แชร์