ໃນກອງປະຊຸມຄັ້ງນີ້ບັນດາຜູ້ແທນໄດ້ສຳຫຼວດກວດກາຄືນ ແລະວາງທິດທາງຊຸກຍູ້ການຮ່ວມມື. ສຳລັບບັນດາຄູ່ຮ່ວມມືລ້ວນແຕ່ສະແດງຄວາມເຄົາລົບຕໍ່ການພົວພັນສະໜັບສະໜູນບົດບາດເປັນໃຈກາງຂອງອາຊຽນ. ນອກນີ້ຍັງແລກປ່ຽນກ່ຽວກັບສະພາບການສາກົນ ແລະ ພາກພື້ນ, ບັນດາຝ່າຍສະແດງຄວາມວິຕົກກັງວົນຕໍ່ຄວາມສັບສົນ, ຄວາມເຄັ່ງຕຶງທີ່ພວມເກີດຂຶ້ນຢູ່ພາກພື້ນ. ບັນດາປະເທດອາຊຽນກໍ່ຢັ້ງຢືນການສະໜັບສະໜູນນະໂຍບາຍ “ຈີນດຽວ” ແລະ ໃນໂອກາດນັ້ນໄດ້ເນັ້ນໜັກເຖິງຄວາມສຳຄັນຂອງການປະຕິບັດບັນດາຫຼັກການຂອງກົດບັດ ສປຊ, ສົນທິສັນຍາມິດຕະພາບ ແລະການຮ່ວມມື ອາຊີຕາເວັນ ອອກສ່ຽງໃຕ້. ຂະນະທີ່ບັນຫາຢູ່ທະເລຈີນໃຕ້, ອາຊຽນຮຽກຮ້ອງໃຫ້ບັນດາຝ່າຍຈົ່ງອົດກັ້ນ, ຫຼີກລ້ຽງການເຮັດໃຫ້ສະພາບການສັບສົນຂຶ້ນຕື່ມ, ແກ້ໄຂການຂັດແຍ້ງກັນບົນພື້ນຖານກົດໝາຍສາກົນ. ອາຊຽນກໍ່ເນັ້ນໜັກເຖິງຄວາມສຳຄັນຂອງການໂອ້ລົມສົນທະນາໃນການສຳຜັດກັບບັນຫານິວເຄລຍຢູ່ແຫຼມເກົາຫລີ.

 

ຮຽບຮຽງຂ່າວໂດຍ: ສະໄຫວ ລາດປາກດີ