ເອັມຊີ ເປີດສາຂາຮ້ານ MONTRA CAFE ຢູທີ່ເຂດເສດຖະກິດສາມຫຼ່ຽມຄຳ

ເພື່ອເປັນການຕອບສະໜອງຄວາມຕ້ອງການຂອງລູກຄ້າໃນການບໍລິການທີ່ສະດວກສະບາຍວັນທີ 1 ສິງຫາ 2022 ນີ້ ທ່ານນາງ ສົມຈິດ ສຸວັນນະຈັກ ປະທານບໍລິສັດ ເອັມຊີ ບໍລິການຈັດຫາງານພ້ອມດ້ວຍພະນັກງານພາຍໃນບໍລິສັດ ໄດ້ຈັດພິທີເປີດຫ້ອງການຕາງໜ້າບໍລິສັດບໍລິການຈັດຫາ ແລະ ເປີດສາຂາຮ້ານ MONTRA CAFE ຢູທີ່ເຂດເສດຖະກິດພິເສດສາມຫຼ່ຽມຄຳໃຫ້ກຽດເຂົ້າຮ່ວມພິທີມີທ່ານ ພົງໄຊສັກ ອິນຖາລາດ ຮອງລັດຖະມົນຕີກະຊວງແຮງງານ ແລະສະຫວັດດີການສັງຄົມ, ທ່ານ ເຄື່ອນເພັດ ວົງຈັນ ຮອງເຈົ້າແຂວງໆ ບໍ່ແກ້ວ, ທ່ານ ບຸນທອງ ແສງສີກອງຫົວໜ້າຄະນະຄຸ້ມຄອງເຂດເສດຖະກິດພິເສດແຂວງບໍ່ແກ້ວພ້ອມດ້ວຍການນໍາຂອງແຂວງ -ເມືອງ, ຄະນະຄຸ້ມຄອງເຂດ ແລະບັນດາແຂກເຂົ້າຮ່ວມ.

ທ່ານ ນາງ ສົມຈິດ ສຸວັນນະຈັກ ປະທານບໍລິສັດ ເອັມຊີ ບໍລິການຈັດຫາງານ ໄດ້ໃຫ້ຮູ້ວ່າ: ບໍລິສັດ ເອັມຊີ ບໍລິການຈັດຫາງານ ເປັນບໍລິສັດທີ່ດຳເນີນການບໍລິການຈັດຫາງານພາຍໃນປະເທດ ແລະສົ່ງອອກຕ່າງປະເທດແບບຖືກຕ້ອງຕາມກົດໝາຍ, ບໍລິການແລ່ນເອກະສານແຮງງານໄປເຮັດວຽກຢູ່ຕ່າງປະເທດຕາມລະບົບ MOU, ບໍລິການໃຫ້ຄຳປຶກສາແກ່ຜູ້ໃຊ້ແຮງງານ ແລະຜູ້ອອກແຮງງານ, ສຳນັກງານໃຫຍ່ຕັ້ງຢູ່ບ້ານໂພນທັນ ເມືອງໄຊເຊດຖາ ນະຄອນຫຼວງວຽງຈັນ,ສຳລັບຢູ່ແຂວງບໍ່ແກ້ວ ມີຫ້ອງການຕາງໜ້າບໍລິສັດຈັດຫາງານຢູ່ເມືອງ ຫ້ວຍຊາຍ ແລະ ເຂດເສດ ຖະກິດພິເສດສາມຫຼ່ຽມຄຳ.ເຊິ່ງໄດ້ຮັບອະນຸຍາດຈາກກະຊວງ ຮສສ ແລະກະຊວງອື່ນໆທີ່ກ່ຽວຂ້ອງກໍ່ຄືເຂດເສດຖະກິດພິເສດສາມຫຼ່ຽມຄຳໃຫ້ມາສ້າງຕັ້ງຫ້ອງການຕາງໜ້າບໍລິສັດເພື່ອບໍລິການຈັດຫາງານໃຫ້ແຮງງານລາວ ແລະຕ່າງປະເທດຕາມຈຸດປະສົງຂອງເຂດເສດຖກິດພິເສດສາມຫຼ່ຽມຄຳທີ່ຢາກໃຫ້ຫຼາຍໆບໍລິສັດຈັດຫາງານເຂົ້າມາສ້າງຕັ້ງບໍລິສັດຢູ່ພາຍໃນເຂເ ເພື່ອບໍ່ໃຫ້ມີການຈັດງານໂດຍຜ່ານນາຍໜ້າເພື່ອຫຼີກລ່ຽງການຖືກເອົາລັດເອົາປຽບ ແລະ ບັນຫາອື່ນໆ.

ສ່ວນຮ້ານກາເຟທີ່ເປີດບໍລິການໃໝ່ຢູ່ເຂດເສດຖະກິດພິເສດສາມຫຼ່ຽມຄັ້ງນີ້ແມ່ນສາຂາຮ້ານກາເຟສວນມົນຕາຈໍາປາລາວເມືອງ ປາກຊ່ອງ ແຂວງຈໍາປາສັກ ເຊິ່ງເປັນກາເຟສາຍພັນ Arabica ແລະ Robusta ທີ່ປູກແບບອໍແກນິກ ຢູ່ສວນມົນຕາຈໍາປາລາວເອງ ເຊິ່ງລູກຄ້າຈະໄດ້ດື່ມກາເຟສົດທີ່ມີລົດຊາດເປັນເອກະລັກຫອມເຂັ້ມຂຸ້ນ, ມີຫຼາຍເມນູຫຼາຍລົດຊາດໃຫ້ເລືອກບໍ່ວ່າຈະເປັນເອສເປຣສໂຊ, ອາເມລິກາໂນ, ລາເຕ້, ຄາປູຊິໂນ, ມັກຄີອາໂຕ້, ມັອກຄ້າ, ສະຖານທີ່ສະອາດ, ມີເພງມ່ວນໆໃຫ້ຟັງ, ພະນັກບໍລິການຍິ້ມແຍ້ມແຈ່ມໃສເປັນກັນເອງ.

แชร์