ຮ້ານຊີ້ນດາດປ່າພ້າວ ບໍລິການດີ ແລະ ອາຫານແຊບ

  ການເຮັດທຸລະກິດຮ້ານອາຫານກໍ່ເປັນອີກອາຊີບໜຶ່ງທີ່ມີຄວາມສໍາຄັນ ແລະໄດ້ເອົາໃຈໃສ່ຕໍ່ຜູ້ບໍລິໂພກແຕ່ສະເພາະຮ້ານບໍລິການດີລວມທັງອາຫານມີຄຸນນະ ພາບສະອາດປອດໄພຕ້ອງແມ່ນຮ້ານຊີ້ນດາດປ່າພ້າວຊຶ່ງເປັນຮ້ານສູດປຸງແຕ່ງດັ່ງເດີມທີ່ໄດ້ສືບທອດຈາກຄອບຄົວພ້ອມນັ້ນຍັງນຳວັດຖຸດິບສົດສະອາດເຂົ້າປຸງແຕ່ງອາຫານ ແລະມີໂປຣໂມຊັນສ້າງສີສັນຮອຍຍິ້ມລາຄາຖືກທີ່ເປັນເອກະລັກແຕກຕ່າງກັບຮ້ານທົ່ວໄປ.

  ທ່ານ ນາງ ວິວໍລະດາ ຫຼວງໂຄດ ເຈົ້າຂອງຮ້ານຊີ້ນດາດປ່າພ້າວໃຫ້ສຳພາດວ່າ: ຈຸດເລີ່ມຕົ້ນຮ້ານຊີ້ນດາດຂອງເຮົາແມ່ນສ້າງຕັ້ງຂຶ້ນປີ 1975 ເປັນທຸລະກິດ ຄອບຄົວຈາກນັ້ນທີ່ໄດ້ມາບໍລິຫານສືບຕໍ່ມາຮອດປີ 2011 ໄດ້ປັບປຸງໃໝ່ບໍ່ວ່າຈະເປັນການອອກແບບໜ້າຮ້ານ, ເມນູອາຫານ, ການບໍລິການ ແລະອື່ນໆເພື່ອປັບປຸງ ໃຫ້ເຂົ້າກັບຍຸກຕາມສະໄໝ ປະຈຸ ບັນຮ້ານຊີ້ນດາດທາດ ປ່າພ້າວມີ 80 ໂຕະສາມາດຮອງຮັບແຂກໄດ້ 800 ກວ່າຄົນຈຸດເດັ່ນຂອງຮ້ານແມ່ນໄດ້ເນັ້ນວັດຖຸດິບທີ່ມີຄຸນນະພາບເຂົ້າໃນການປຸງແຕ່ງອາຫານຄື: ຊີ້ນງົວ, ຊີ້ນໝູ, ປາ ແລະພືດຜັກຕ່າງໆທັງທີ່ນຳເອົາຢູ່ໃນບ້ານເຮົາ ແລະປະເພດອາຫານທະເລແມ່ນ ໄດ້ນຳເຂົ້າຈາກຕ່າງປະເທດນອກນັ້ນຍັງມີແຈ່ວຊີ້ນດາດປຸງແຕ່ງຈາກພໍ່ຄົວສີມືດີປະສົບການ 45 ປີເຂົ້າປຸງສູດເຄັດລັບທີ່ເປັນເອກະລັກຂອງຮ້ານ ແລະ ມີນ້ຳຊຸບທີ່ຕົ້ມຄ້ຽວຈາກກະດູກໃຫ້ມີຊົດຊາດຫອມແຊມຖ້າຫາກລູກຄ້າທ່ານໃດໄດ້ເຂົ້າຊີມສຳພັດຄວາມແຊບແລ້ວຮັບຮອງວ່າຫອມແຊບແທ້.

   ສຳລັບເມນູອາຫານຫຼັກຂອງຮ້ານຈະເປັນຊີ້ນດາດພັນ, ຈຸ່ມເພ້ຍ, ອາຫານຕາມສັ່ງຊຶ່ງຫຼາຍລາຍການເຊັ່ນ: ຊີ້ນໝູສາມຊັ້ນ, ຊີ້ນງົວ, ນົມ, ເສື່ອ, ປາໜັງ, ກຸ້ງ, ປາທະເລ ແລະ ອື່ນໆລາຄາເລີ່ມຕົ້ນແມ່ນຈານ 30 ກວ່າພັນກີບຂຶ້ນໄປສຳລັບລູກ ຄ້າບໍ່ສະດວກ ຫຼື ບໍ່ມີເວລາມາກິນຢູ່ຮ້ານກໍ່ສາມາດໂທສັ່ງເອົາເມືອກິນຢູ່ເຮືອນໄດ້ຊຶ່ງຈະມີພະນັກງານຈັດສົ່ງເຖິງສະຖານທີ່ໃນຊ່ວງເທສະການຍັງມີກິດຈະກຳໂປຣໂມຊັນສ່ວນຫຼຸດອື່ນໆເພື່ອເປັນການສ້າງສີສັນຮອຍຍິ້ມໃຫ້ແກ່ລູກຄ້າ ນອກ ນັ້ນຮ້ານຊີ້ນດາດປ່າພ້າວຍັງໄດ້ ຝຶກອົບຮົມພະນັກງານກ່ຽວກັບ ການບໍລິການເພື່ອສາມາດຕອບ ໂຈດວ່ອງໄວທັນໃຈໃຫ້ແກ່ຜູ້້ບໍລິໂພກບໍ່ວ່າຈະເປັນຮັບຈັດງານລ້ຽງ ແລະ ງານສັງສັນຕ່າງໆປະຈຸບັນມີພະນັກງານທັງໝົດ 50 ຄົນ ຄຽງຄູ່ກັນນັ້ນຮ້ານເຮົາຍັງເປັນອີກສ່ວນໜຶ່ງເປັນຜູ້ເບິ່ງແຍ່ງບໍລິການໃຫ້ແກ່ສັງ ຄົມນັ້ນກໍ່ຄືໄດ້ສ້າງວຽກເຮັດງານທຳໃຫ້ແກ້ນ້ອງນັກຮຽນຜູ້ດ້ອຍໂອກາດ ແລະລາຍການອາຫານທຸກປະເພດແມ່ນເນັ້ນຄວາມສະອາດຊຶ່ງຈຸດນີ້ສາມາດຢຶດຖືເອົາ ຜູ້ໃຊ້ບໍລິການເພີ່ມຂື້ນເລື້ອຍໆກໍ່ຄືມີກຸ່ມລູກຄ້າມາແບບຄອບຄົວ,ພະນັກງານອົງກອນຕ່າງໆມາເປັນລູກຄ້າປະຈຳເພາະວ່າຮ້ານເຮົາຮັກສາມາດຕະຖານໃຫ້ຢູ່ໃນລະດັບເພິ່ງພໍໃຈຂອງລູກຄ້າໃນທຸກໆດ້ານ.

  ແນວໃດກໍ່ຕາມຖ້າຫາກທ່ານໃດຢາກກິນຊີ້ນດາດທີ່ມີຄຸນນະພາບລົດຊາດຫອມແຊບ ແລະ ຢາກຜ່ອນຄາຍອາລົມພ້ອມກັບດື່ມເຄື່ອງດື່ມເຢັນໆກໍ່ສາມາດມາລອງຊິມຢູ່ທີ່ຮ້ານຊີ້ນດາດປ່າພ້າວຂອງພວກເຮົາໄດ້ທີ່ບ້ານໂພນໄຊ ເມືອງໄຊເສດຖາ ນະຄອນຫຼວງວຽງຈັນ ໂທ: 021 413070, 020 55 40 6555 ເຟດສ໌ບຸກ: ຊີ້ນດາດ ພັນປ່າພ້າວ Up2U.

ໂດຍ: ແພງຕາ

แชร์