ເປີດແລ້ວສະລອຍນໍ້າ VIP Fitness Club ທີ່ອາພາດເມັ້ນນາກາ ຕິດກັບສູນການຄ້າພາກຊັນ

ເປີດຕົວຢ່າງເປັນທາງການສະລອຍນໍ້າຂອງ VIP Fitness Club ຮ່ວມກັບ Naga Apartment ຈັດຂຶ້ນໃນຕອນຄໍ່າຂອງວັນທີ 30 ກໍລະກົດ 2022 ຕັ້ງຢູ່ຊັ້ນ 4 Naga Apartment ຕິດກັບສູນການຄ້າພາກຊັນ, ນະຄອນຫຼວງວຽງຈັນ ກ່າວເປີດໂດຍ ທ່ານ ດາວທະວີ ເທບສຸວັນ, ຜູ້ບໍລິຫານ VIP Fitness Club, ມີຄູ່ຮ່ວມທຸລະກິດ, ແຂກຖືກເຊີນ ແລະພາກສ່ວນກ່ຽວຂ້ອງເຂົ້າຮ່ວມ.

ທ່ານ ດາວທະວີ ເທບສຸວັນ ກ່າວວ່າ: ສະລອຍນໍ້າແຫ່ງນີ້ເປັນສະໃນຮົ່ມ ບໍ່ຕ້ອງກັງວົນເລື່ອງຝົນຈະຕົກ ຫຼືແດດອອກ ສາມາດລອຍໄດ້ຕະຫຼອດ, ຕັ້ງຢູ່ຊັ້ນ 4 ຂອງນາຄາອາພາດເມັ້ນ, ເປັນສະທີ່ມີຂະໜາດມາດຕະຖານ ຍາວ 25 ແມັດ, ກວ້າງ 8 ແມັດ, ເລິກສຸດ 1,5 ແມັດ ແລະ ຕື້ນສຸດ 1,2 ແມັດ. ມີລະບົບຂ້າເຊື້ອ 3 ແບບຄື: ຂ້າເຊື້ອດ້ວຍ UV, OZONE, ຄໍລີນ.

ນອກຈາກນີ້, ຍັງມີລ໋ອກເກີໄວ້ເກັບເຄື່ອງ ແລະຫ້ອງນໍ້າກວ້າງຂວາງສະດວກສະບາຍ. ພາຍໃນບໍລິເວນສະລອຍນໍ້າຍັງມີຍີມໄວ້ໃຫ້ບໍລິການເຊັ່ນ: ອຸປະກອນອອກກຳລັງກາຍແບບ weight machine, cardio machine, functional training, free weights- ມີຄລາສອອກກໍາລັງກາຍເຊັ່ນ : ອາຄວາຊຸມບາ, ອາຄວາແອໂລບິກ, ອາຄວາພິລາທິດ, ອາຄວາໂຍຄະ.- ມີຄລອດສອນລອຍນໍ້າສໍາລັບເດັກນ້ອຍ ແລະຜູ້ໃຫຍ່ອີກດ້ວຍ. -ມີບານໍ້າ ແລະອາຫານໄວ້ຄອຍບໍລິການໃນສະຖານທີ່ອີກດ້ວຍ.

ທ່ານ ດາວທະວີ ເທບສຸວັນ ໃຫ້ຮູ້ຕື່ມວ່າ:ພວກເຮົາມີສູນອອກກຳລັງກາຍ ແລະເປັນຜູ້ນຳເຂົ້າອຸປະກອນອອກກຳລັງກາຍແບຣນຊັ້ນນໍາຈາກປະເທດສະຫະລັດອາເມຣິກາເຊັ່ນ: CYBEX, TUFFSTUFF, STAR TRAC, Stair Master, NAUTILUS, SCHWINN ເຊິ່ງເປັນຕົວແທນຜູ້ດຽວໃນ ສປປ ລາວ. ນອກຈາກນີ້, ພວກເຮົາຍັງໃຫ້ຄຳປຶກສາ ແລະອອກແບບສູນອອກກຳລັງກາຍແບບທົ່ວໄປ ແລະຫ້ອງອອກກຳລັງກາຍໃນໂຮງແຮມ, ຄອນໂດ, ອາພາດເມັ້ນ, ບ້ານຢູ່ອາໄສ ຄຽງຄູກັນນັ້ນ. ພວກເຮົາຍັງເປັນຜູ້ນຳເຂົ້າອາຫານເສີມ, ເວໂປຣຕີນຜະລິດຕະພັນກ່ຽວກັບການເຜົ່າຜານໄຂມັນ ແລະເສີມສ້າງກ້າມເນື້ອແບຣນນາແລບ ແລະ MFL ເຊິ່ງເປັນແບຣນຈາກປະເທດສະຫະລັດອາເມຣິກາອີກດ້ວຍ.

แชร์