ເຂດເສດຖະກິດພິເສດສີຫານຸວິນ ຕົວຢ່າງການຮ່ວມມືທີ່ສໍາຄັນພາຍໃຕ້ຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ

ສໍານັກຂ່າວຊິນຮວາຂອງຈີນ ລາຍງານວ່າ: ທ່ານ ເອິດ ຊໍາເຮັງ, ລັດຖະມົນຕີກະຊວງແຮງງານ ແລະການຝຶກອົບຮົມວິຊາຊີບຂອງກໍາປູເຈຍ ໄດ້ປະຊຸມຮ່ວມກັບ ທ່ານ ເສິງ ຈຽງກັງ (Chen Jiangang), ປະທານເຂດເສດຖະກິດພິ ເສດສີຫານຸວິນ (SSEZ) ໃນກໍາປູເຈຍເມື່ອບໍ່ດົນມານີ້ ເຊີ່ງທ່ານໄດ້ສະແດງຄວາມຊົມເຊີຍຕໍ່ນັກລົງທຶນຈີນທີ່ເຂົ້າໄປລົງທຶນຢູ່ເຂດເສດຖະກິດພິເສດດັ່ງກ່າວເຖີງວ່າໄລຍະຜ່ານມາປະສົບກັບສະພາບການລະບາດຂອງພະຍາດໂຄວິດ-19 ກໍຕາມ.

ໂອກາດນີ້, ທ່ານກ່າວຕື່ມວ່າ: ການຮັກສາການພັດທະນາທີ່ເຂັ້ມແຂງຂອງ SSEZ ແມ່ນເປັນສິ່ງພິສູດເຖິງມິດຕະພາບທີ່ດີລະຫວ່າງ ກໍາປູເຈຍ-ຈີນ, ທັງເປັນສ່ວນຫນຶ່ງຂອງການຮ່ວມມືຂອງສອງປະເທດພາຍໃຕ້ຂໍ້ລິເລີ່ມແລວ ໜຶ່ງເສັ້ນ ທາງໄດ້ນໍາເອົາຜົນປະໂຫຍດທີ່ສໍາຄັນມາສູ່ກໍາປູເຈຍ, ພ້ອມນີ້ທ່ານໄດ້ສະແດງຄວາມຍ້ອງຍໍຜູ້ປະກອບການພາຍໃນເຂດດັ່ງກ່າວທີ່ມີຄວາມເອົາໃຈໃສ່ເປັນພິເສດຕໍ່ການຢູ່ດີກິນດີຂອງພະນັກງານໂດຍຜ່ານການເບິ່ງແຍງສຸຂະພາບ,ລວມເຖີງພະນັກງານທີ່ຖືພາ ແລະການສ້າງທີ່ພັກໃຫ້ແກ່ພະນັກງານ. ນອກຈາກນີ້ທ່ານຍັງໄດ້ກ່າວເຖີງໂຄງການທາງດ່ວນແຕ່ນະຄອນຫລວງພະນົມ-ສີຫານຸວິນເຊີ່ງເຊື່ອມນະຄອນ ຫລວງພະນົມເປັນ ຫາ ພຣະສີຫານຸ ຈະເຮັດໃຫ້ການເດີນ ທາງມີຄວາມສະດວກສະບາຍຫລາຍເມື່ອທຽບໃສ່ເມື່ອກ່ອນ, ພ້ອມທັງກ່າວຢໍ້າວ່າ: ສັນຍາຄູ່ຮ່ວມມືດ້ານເສດຖະກິດຮອບດ້ານ (RCEP) ແລະຂໍ້ຕົກລົງການຄ້າເສລີ ກໍາປູເຈຍ-ຈີນ ຊຶ່ງທັງສອງຢ່າງມີຜົນບັງຄັບໃຊ້ໃນວັນທີ 1 ມັງກອນ 2022 ເປັນຕົ້ນມາໄດ້ສົ່ງເສີມການຮ່ວມມືດ້ານການຄ້າ ແລະ ການລົງທຶນລະຫວ່າງກໍາປູເຈຍ-ຈີນ ນັບມື້ດີຂຶ້ນຢ່າງຕໍ່ເນື່ອງ.

ໃນກອງປະຊຸມຄັ້ງນີ້ຍັງໄດ້ມີການລາຍງານກ່ຽວກັບການເຄື່ອນໄຫວກໍຄືຜົນສໍາເລັດຂອງເຂດເສດຖະກິດພິເສດສີຫານຸວິນ ເຊີ່ງໃນໄລຍະ 6 ເດືອນຕົ້ນປີນີ້ ມູນຄ່າການນໍາເຂົ້າ ແລະສົ່ງອອກຂອງເຂດບັນລຸ ເຖິງ 1,37 ຕື້ໂດລາສະຫະລັດ, ເພີ່ມຂຶ້ນຂຶ້ນ 38% ເມື່ອທຽບໃສ່ໄລຍະດຽວກັນຂອງປີຜ່ານມາ. ປັດຈຸບັນ SSEZ ມີວິສາຫະກິດ 170 ແຫ່ງທີ່ເຂົ້າໄປລົງທຶນ, ໃນນີ້ ໄປຈາກຈີນ, ເອີຣົບ, ສະຫະລັດອາເມລິກາ ແລະບາງປະເທດໃນອາຊີໂດຍສາມາດສ້າງວຽກເຮັດງານທໍາໄດ້ເກືອບ 30.000 ຄົນ ເຊີ່ງກໍາປູເຈ່ຍ ຕີລາຄາວ່າ: SSEZ ແມ່ນຕົວຢ່າງທີ່ສົມບູນແບບຂອງການຮ່ວມມືຕ່າງຝ່າຍຕ່າງໄດ້ຮັບຜົນປະໂຫຍດຮ່ວມກັນພາຍໃຕ້ຂໍ້ລິເລີ່ມໜຶ່ງແລວໜຶ່ງເສັ້ນທາງ ເຊີ່ງນອກຈາກສາມາດສ້າງວຽກເຮັດງານທໍາໄດ້ເປັນຈໍານວນຫລາຍຍັງເປັນແບບຢ່າງທີ່ດີໃນດ້ານອຸດສາຫະກໍາເພື່ອສົ່ງອອກຕື່ມອີກ.

Sorce: Xinhua
Cr: BT

แชร์