ລູກຄ້າ “ປະຕູຄຳ” ຍົກລະດັບພື້ນຖານດ້ານການເງິນ

ສະມາຄົມການເງິນຈຸລະພາກ (ສມກຈ) ຮ່ວມກັບສະຖາບັນການເງິນ ຈຸລະພາກທີ່ຮັບຝາກເງິນ (ສກຈຮ) ປະຕູຄໍາ  ໄດ້ຈັດການຝຶກອົບຮົມຫົວຂໍ້: “ຄວາມຮູ້ພື້ນຖານທາງດ້ານການເງິນ ແລະ ການຂຽນແຜນທຸລະກິດຂະໜາດ ຄອບຄົວ” ທີ່ຫ້ອງປະຊຸມການຈຽນ, ຫ້ອງການ ສມກຈ ແລະໄດ້ເດີນທາງທັດສະນະສຶກສາຜົນງານທີ່ພົ້ນເດັ່ນຂອງລູກຄ້າຂອງ ສກຈຮ ຢູ່ເມືອງສັງທອງ, ນະຄອນຫຼວງວຽງຈັນ  ລະຫວ່າງວັນທີ  22-23 ກໍລະກົດ 2022 ພາຍໃຕ້ການ ສະໜັບສະໜູນ ໂດຍກອງທຶນສົ່ງເສີມ ວິສາຫະກິດຂະໜາດນ້ອຍ ແລະກາງ  (SME) ໂດຍການເປັນປະທານຮ່ວມ ຂອງທ່ານ ນາງ ຂັນມະນີ ສຸທຳມະວົງ ຜູ້ອຳນວຍການ ສກຈຮ ປະຕູຄໍາ, ຮອງປະທານ ສມກຈ; ທ່ານ ນາງ ປະມວນ ເພັດທານີ ຜູ້ອຳນວຍການ ສມກຈ ພ້ອມ ດ້ວຍພະນັກງານຄູຝຶກຈາກ ສມກຈ ແລະລູກຄ້າຂອງ ສກຈຮ ປະຕູຄໍາ ເຂົ້າຮ່ວມ ຈຳນວນໜຶ່ງ.

ການຝຶກອົບຮົມຄັ້ງນີ້ ເພື່ອສ້າງຂີດ ຄວາມອາດສາມາດໃຫ້ລູກຄ້າທາງດ້ານ ການຝຶກອົບຮົມເພີ່ມທັກສະຄວາມຮູ້, ບໍລິການດ້ານການເງິນ ແລະຝຶກການຂຽນແຜນທຸລະກິດຕົວຈິງ  ເພື່ອປັບປຸງ ທຸລະກິດ ທີ່ດໍາເນີນຢູ່ມີຄວາມເຕີບໃຫຍ່ຂະຫຍາຍຕົວ ແລະໃຫ້ລູກຄ້າໄດ້ມີການ ແລກປ່ຽນປະສົບການໃນການບໍລິຫານ ເຊັ່ນ: ແຮງບັນດານໃຈ, ແຮງຈູງໃຈ, ການຕະຫຼາດ ແລະຜະລິດຕະພັນ, ການ ບໍລິການລູກຄ້າພາຍໃນລູກຄ້າດ້ວຍກັນ ແລະທັງເປັນການເປີດໂອກາດໃຫ້ກັບລູກ ຄ້າຂອງ ສກຈຮ ປະຕູຄໍາ ໄດ້ສ້າງພັນ ທະມິດເຄືອຂ່າຍໃນການເຮັດທຸລະກິດ, ໄດ້ຮຽນຮູ້ຈາກເຊິ່ງກັນ ແລະກັນ ຊຶ່ງ ເກີດຜົນດີໃຫ້ແກ່ລູກຄ້າກໍ່ຄືປະຊາຊົນທີ່ ເຂົ້າຫາແຫຼ່ງທຶນ.

ການຝຶກອົບຮົມໄດ້ນຳສະເໜີ ກ່ຽວກັບ ນິຍາມປະຊາສຶກສາທາງດ້ານການເງິນ ແລະວົງຈອນຊີວິດ, ລາຍຮັບ-ລາຍຈ່າຍ,  ສິ່ງທີ່ຈໍາເປັນ ແລະບໍ່ຈໍາເປັນ, ຄວາມ ຕ້ອງການໄລຍະສັ້ນ ແລະໄລຍະຍາວ; ວິທີການສ້າງແຜນ (ເປັນຫຍັງຈຶ່ງສ້າງແຜນ), ແຜນລາຍຮັບ-ລາຍຈ່າຍ  (ກະແສເງິນສົດ), ເປັນຫຍັງຈຶ່ງທ້ອນເງິນ, ເປັນ ຫຍັງຈຶ່ງກູ້ເງິນ, ການບໍລິຫານເປັນກຸ່ມ ຄວາມສ່ຽງ ແລະພ້ອມນັ້ນ, ລູກຄ້າປະ ຕູຄຳຍັງໄດ້ຮຽນຮູ້ ແລະເຂົ້າໃຈກ່ຽວກັບ ທຸລະກິດ ເປັນຕົ້ນປະຫວັດຄວາມເປັນ ມາຂອງທຸລະກິດ, ວິໄສທັດຂອງທຸລະກິດ, ພາລະກິດຂອງທຸລະກິດ, ຫຼັກການ/ຫຼັກຄວາມເຊື່ອຖືສໍາລັບທຸກຄົນໃນທຸລະກິດ ຄອບຄົວ, ເປົ້າໝາຍພາຍໃນ 3 ປີ ຂ້າງ ໜ້າ, ຜະລິດຕະພັນ/ສິນຄ້າທີ່ຈະຜະລິດ ຫຼື ຈະຂາຍ, ລູກຄ້າທີ່ຈະມາຊື້ສິນຄ້າ, ຄູ່ແຂ່ງໃນທຸລະກິດ, ວິທີການຂາຍ/ຊ່ອງ ທາງການຈ່ຳໜ່າຍ, ທຸລະກິດທີ່ຈະເຮັດ ໃຫ້ຄຸນຄ່າຫຍັງແດ່ກັບລູກຄ້າ, ການວິເຄາະສະພາບແວດລ້ອມຂອງທຸລະກິດ   (SWOT), ຈາກ SWOT ຫາການ ວາງຍຸດທະສາດ, ສິນຄ້າ-ການບໍລິການ ແລະລາຄາ, ຂັ້ນຕອນການຜະລິດ, ການ ແບ່ງຄວາມຮັບຜິດຊອບ-ຕໍາແຫນ່ງງານ ແລະຄ່າໃຊ້ຈ່າຍບຸກຄະລາກອນ, ຄູ່ຮ່ວມ ທຸລະກິດ ຫຼື ຜູ້ສະໜັບສະໜູນ ແລະປັດ ໃຈຫຼັກທີ່ພາໃຫ້ທຸລະກິດຄອບຄົວປະສົບຜົນສໍາເລັດ.

ໃນວັນທີ 23 ກໍລະກົດ; ຄະນະນັກ ຝຶກອົບຮົມຂອງ ສກຈຮ ປະຕູຄໍາ ກໍ່ໄດ້ເດີນທາງໄປທັດສະນະສຶກສາທີ່ເມືອງ ສັງທອງ ໂດຍໄດ້ເຂົ້າພົບປະຢ້ຽມຢາມ ແລະແລກປ່ຽນບົດຮຽນໃນການລ້ຽງໝູຢູ່ ຟາມໝູ ທ່ານ ແອ ບຸນທະວີ; ຢ້ຽມຢາມ ສວນໝາກໂກໂກ້ ທ່ານ ຫຸມພັນ ຈູມມາ ລາ ຊຶ່ງຢູ່ແຕ່ລະແຫ່ງແມ່ນໄດ້ຮັບຮູ້ຂໍ້ມູນ ແລະບົດຮຽນໃນການລ້ຽງ ແລະ                            ການປູກ  ຊຶ່ງມີທັງຂໍ້ສະດວກ-ຂໍ້ຫຍຸ້ງ ຍາກບາງດ້ານ ໂດຍສະເພາະການປູກ ໝາກໂກໂກ້  ເປັນພືດຊະນິດໜຶ່ງທີ່ປູກ ງ່າຍ, ເກີດຜົນໄວ ແລະຕະຫຼາດສົນໃຈແຕ່ກໍ່ພົບກັບສັດຕູພືດເປັນຕົ້ນຈຳພວກ ແມງໄມ້  ແລະຕ້ອງບົວລະບັດຮັກສາ ດ້ວຍຄວາມລະມັດລະວັງສູງ ໂດຍບໍ່ຕ້ອງ ເພິ່ງພາຢາເຄມີຕ່າງໆທັງນີ້ກໍ່ເພື່ອສຸຂະ ພາບຂອງຜູ້ບໍລິໂພກ ແລະຕະຫຼາດນອກ; ໃນເວລາຕໍ່ມາທີ່ສວນໝາກໂກໂກ້ ກໍ່ໄດ້ ຈັດໃຫ້ມີການມອບ-ຮັບໃບຢັ້ງຢືນການ ເຂົ້າຝຶກອົບຮົມ ໂດຍແມ່ນທ່ານ ນາງ ຂັນມະນີ ສຸທຳມະວົງ ແລະທ່ານ ນາງ ປະມວນ ເພັດທານີ ໃຫ້ກຽດມອບ.

ຂ່າວ: ຣັດສະໝີ ດວງສັດຈະ

แชร์