ເຊັນສັນຍາສຳປະທານໂຄງການພັດທະນາແຫຼ່ງທ່ອງທ່ຽວຕາດເຕັກ ເມືອງທ່າພະບາດ

ພິທີເຊັນສັນຍາ ສຳປະທານໂຄງການພັດທະນາແຫລ່ງທ່ອງທ່ຽວທຳມະຊາດຕາດເຕັກ ເຂດບ້ານເວີນທາດ ເມືອງທ່າພະບາດ ຈັດຂຶ້ນໃນວັນທີ 28 ກໍລະກົດ 2022 ໂດຍການຮ່ວມລົງນາມລະຫວ່າງ ທ່ານ ບຸນຍອດ ລໍວັນໄຊ ຮອງຫົວໜ້າພະແນກແຜນການ ແລະການລົງທຶນແຂວງ ແລະທ່ານ ອຸດົມ ພິມມະສອນ ຮອງອຳນວຍການບໍລິສັດ ສອນມະນີ ພັດທະນາການທ່ອງທ່ຽວ ຈຳກັດ ຜູ້ດຽວ ໂດຍມີພາກສ່ວນກ່ຽວຂ້ອງຮ່ວມເຊັນເປັນສັກຂີພິຍານ.

ບໍລິສັດ ສອນມະນີ ພັດທະນາການທ່ອງທ່ຽວຈຳກັດຜູ້ດຽວມີຄວາມຕ້ອງການພັດທະນາ ແຫ່ງທ່ອງທ່ຽວທຳມະຊາດຕາດເຕັກ ໃນເນື້ອທີ່ 150 ເຮັກຕາ ໃນໄລຍະສໍາປະທານ 15 ປີ ແລະ ບໍລິສັດກໍມີ ຄວາມພ້ອມຈະຈັດຕັ້ງປະຕິບັດໂຄງການໃຫ້ຖືກຕ້ອງ ແລະສອດຄ່ອງຕາມລະບຽບກົດໝາຍຢ່າງເຂັ້ມງວດແນໃສ່ເຮັດໃຫ້ການຈັດຕັ້ງປະຕິບັດໂຄງການດັ່ງກ່າວ ໄດ້ດໍາເນີນໄປຢ່າງຖືກຕ້ອງຕາມລະບຽບກົດໝາຍ ແລະທ່ວງທັນຕາມກໍານົດເວລາ.

ເຂົ້າຮ່ວມໃນພິທີເຊັນສັນຍາໃນຄັ້ງນີ້, ມີທ່ານ ບຸນເສັງ ປະທຳມະວົງ ຮອງເຈົ້າແຂວງບໍລິຄຳໄຊ, ທ່ານ ກອນ ຫລວງພິທັກ ຮອງເຈົ້າເມືອງທ່າພະບາດ, ມີບັນດາພະແນກການທີ່ກ່ຽວຂ້ອງແຂວງ, ເມືອງ ແລະພະນັກງານວິຊາການເຂົ້າຮ່ວມ.

ຂ່າວ: ວຽງສະຫວັນ

แชร์