ສກຈຮ ຈຳປາສັກເປີດໜ່ວຍບໍລິການທີ່ແຂວງອັດຕະປື

   ເປີດໃຫ້ບໍລິການຢ່າງເປັນທາງການແລ້ວສໍາລັບໜ່ວຍບໍລິການປະຈໍາ ແຂວງອັດຕະປື ສະຖາບັນການເງິນຈະລະພາກທີ່ຮັບເງິນຝາກ (ສກຈຮ) ຈໍາປາສັກ ກຽມພ້ອມຂັບເຄື່ອນການບໍລິການລູກຄ້າຢ່າງເຕັມທີ່ທັງຮັບຝາກ ແລະບໍລິການສີນເຊື່ອແກ່ພີ່ນ້ອງຊາວແຂວງອັດຕະປື.

 ພິທີເປີດໜ່ວຍບໍລິການປະຈໍາແຂວງອັດຕະປື ຂອງສະຖາບັນການເງິນຈຸລະພາກທີ່ຮັບເງິນຝາກຈໍາປາສັກ (ສກຈຮ) ໄດ້ມີຂຶ້ນເມື່ອອາທິດທີ່ຜ່ານມາ, ໂດຍໃຫ້ ກຽດເຂົ້າຮ່ວມໃນພີທີມີທ່ານ ເລັດໄຊ ຍະພອນ ເຈົ້າແຂວງໆອັດຕະປື, ທ່ານ ນວນຕາ ແກ້ວມະນີ ຫົວໜ້າສາຂາທະນາຄານແຫ່ງ ສປປ ລາວ ພາກໃຕ້, ມີປະ ທ່ານປະທານ, ຮອງປະທານ, ຜູ້ອໍານວນການຕະຫຼອດເຖິງບັນດາທ່ານແຂກຜູ້ໃຫຍ່ ແລະພະນັກງານວິຊາການທີ່ກ່ຽວຂ້ອງເຂົ້າຮ່ວມ.

  ທ່ານ ໜູເຄືອບ ສິດທິເດດ ຜູ້ອໍານວຍການສະຖາບັນການເງິນຈຸລະພາກທີ່ຮັບເງິນຝາກຈໍາປາສັກ ໄດ້ກ່າວວ່າ: ຕະຫຼອດໄລຍະເກືອບ 4 ປີຫຼັງຈາກໄດ້ຮັບອະ ນຸຍາດສ້າງຕັ້ງເປັນທາງການຈາກທະນາຄານແຫ່ງ ສປປ ລາວ ໃນຕົ້ນປີ 2015 ສກຈຮ ຈໍາປາສັກໄດ້ເອົາໃຈໃສ່ຕໍ່ພາລະກິດຂອງຕົນຢ່າງຕັ້ງໜ້າໃນການຂະ ຫຍາຍການບໍລິການໄປສູ່ປະຊາຊົນຊຸມຊົນ, ທຸກພາກສ່ວນມີລາຍໄດ້ໜ້ອຍໃຫ້ສາມາດເຂົ້າເຖິງການບໍລິການການເງິນຈຸລະພາກທີ່ເໝາະສົມກັບຄວາມສາມາດ ແລະຄວາມຕ້ອງການຂອງເຂົາເຈົ້າ, ໂດຍ ການຮັບປະກັນການບໍລິການທີ່ວ່ອງໄວ, ໂປ່ງໃສ ແລະເປັນທໍາແນໃສ່ບັນລຸວິໄສທັດຂອງອົງກອນໃນການສະໜອງການບໍລິ ການການເງິນຈຸລະພາກທີ່ວ່ອງໄວ, ທັນ ສະໄໝ  ແລະເປັນທໍາໃຫ້ປະຊາຊົນທຸກຊັ້ນ ຄົນໄດ້ສາມາດເຂົ້າເຖິງຊຶ່ງນັບຈາກນັ້ນມາການບໍລິການການເງິນຈຸລະພາກຂອງ ສກຈຮ ຈໍາປາສັກ ໄດ້ມີການຂະຫຍາຍຕົວຢ່າງຕໍ່ເນື່ອງ ແລະ ໝັ້ນຄົງຈົນກວມເອົາ 10 ຕົວເມືອງຂອງແຂວງຈໍາປາສັກ ແລະ ແຂວງອ້ອມຂ້າງ, ໃນກາງປີ 2017 ສກຈຮ  ຈໍາປາສັກຈໍາກັດໄດ້ຮັບອະນຸ ຍາດສ້າງຕັ້ງໜ່ວຍບໍລິການແຫ່ງທໍາອິດ ຢູ່ແຂວງສາລະວັນ ຈາກທະນາຄານແຫ່ງ ສປປ ລາວ, ສະເພາະຢູ່ແຂວງອັດຕະປືຫຼັງຈາກສໍາຫຼວດຄວາມຕ້ອງການຜະລິດຕະພັນການເງິນຈຸລະພາກຢູ່ພາຍໃນແຂວງນັບແຕ່ປີ 2016 ເປັນຕົ້ນມາຈິງເຫັນວ່າປະຊາ ຊົນມີຄວາມຕ້ອງການບໍລິການການເງິນຂະໜາດນ້ອຍເປັນຈໍານວນຫຼວງຫຼາຍ, ມັນກາຍເປັນໂອກາດອັນດີໃຫ້ແກ່ສະຖາບັນການເງິນຂອງພວກເຮົາໄດ້ຂະຫຍ າຍການບໍລິການມາແຂວງອັດຕະປື ເພື່ອຕອບສະໜອງຄວາມຕ້ອງການຂອງປະຊາຊົນທີ່ຍາກຊົມໃຊ້ຜະລິດຕະພັນທາງດ້ານການເງິນ.

  ໜ່ວຍບໍລິການແຂວງອັດຕະປືກໍ່ຄື ສກຈຮ ຈໍາປາສັກ ຈໍາກັດ ແມ່ນໄດ້ນໍາເອົາທິດທາງ ແລະນະໂຍບາຍຂອງຂັ້ນເທີງມາຜັນຂະຫຍາຍເຂົ້າສູ່ລວງເລິກໃຫ້ຫຼາຍຂຶ້ນເພື່ອແນໃສ່ສ້າງທາງເລືອກໃໝ່ໃຫ້ປະຊາຊົນໄດ້ເຂົ້າເຖິງແຫຼ່ງທຶນ ແລະນໍາໄປພັດທະນາຊີວິດການເປັນຢູ່ຂອງເຂົາເຈົ້າໃຫ້ຫຼຸດພົ້ນອອກຈາກຄວາມທຸກຍາກເທື່ອລະກ້າວ, ໜ່ວຍບໍລິການແຂວງອັດຕະປືໄດ້ມີການຂະຫຍາຍການບໍລິການສິນເຊື່ອຂະໜາດນ້ອຍຢ່າງຕໍ່ເນື່ອງແລະມາຮອດທ້າຍເດືອນມັງກອນ 2018 ໜ່ວຍບໍລິການແຂວງອັດຕະປືໄດ້ໃຫ້ບໍລິການເງິນກູ້ຂະໜາດນ້ອຍແກ່ປະຊາຊົນຄົບ 5 ຕົວເມືອງຂອງແຂວງຊຶ່ງມີລູກຄ້າເງິນກູ້ທັງໝົດ 2.289 ຄົນ ແລະມີ ຍອດເງິນເຫຼືອຢູ່ 25 ຕື້ກີບ.

ຂ່າວ: ໂພທິຣາຊ  

แชร์