ໂຄງການພັດທະນາແຄມຂອງແຂວງຈຳປາສັກໄລຍະໜຶ່ງຈະສຳເລັດໃນທ້າຍປີນີ້

ຕາມແຜນການເບື້ອງຕົ້ນໂຄງການພັດທະນາແຄມຂອງແຂວງຈຳປາສັກ ກໍ່ຄືໂຄງການພັດທະນາແຄມຂອງ ນະຄອນປາກເຊ ຈະໃຊ້ເວລາກໍ່ສ້າງໃຫ້ສຳເລັດ 100% ພາຍໃນທ້າຍເດືອນ ມີຖຸນາ 2021 ແຕ່ຍ້ອນມີຫລາຍ ບັນຫາທີ່ກະທົບຕໍ່ການກໍ່ສ້າງໂຄງການ ເຮັດໃຫ້ຜູ້ຮັບເໝົາກໍ່ສ້າງຕ້ອງໄດ້ຢຶນເວລາອອກຕື່ມ 11 ເດືອນ ຮອດປະຈຸ ບັນມີຄວາມຄືບໜ້າ 91 ກວ່າ% ແລະ ຄາດວ່າໂຄງການດັ່ງກ່າວໄລຍະໜື່ງ ຈະສຳເລັດໃນທ້າຍປີ 2022 ນີ້.

ອີງຕາມບົດລາຍງານຂອງພະແນກໂຍທາທິການ ແລະ ຂົນສົ່ງແຂວງຈຳປາສັກ ຕໍ່ທ່ານ ຄຳເຈນ ວົງໂພສີ ລັດຖະມົນຕີກະຊວງແຜນການ ແລະ ການລົງທຶນ ທີ່ໄດ້ລົງເຄື່ອນໄຫວເຮັດວຽກຢູ່ແຂວງຈຳປາສັກ ເມືອງວັນທີ 25 ມີຖຸນາ 2022 ຜ່ານມານີ້ໃຫ້ຮູ້ວ່າ: ໂຄງການພັດທະນາແຄມຂອງແຂວງຈຳປາສັກ ໄດ້ຮັບທຶນກູ້ຢືມດອກເບ້ຍ ຜ່ອນຜັນ ຈາກກອງທຶນຮ່ວມມືເພື່ອການພັດທະນາເສດຖະກິດ( EDCF) ລັດຖະບານ ສ. ເກົາຫລີ ມີມູນຄ່າທັງ ໝົດ 65, 653 ລ້ານໂດລາສະຫະລັດ, ໃນນັ້ນທຶນກູ້ຢືມຈາກກອງທຶນ EDCF ສ.ເກົາຫລີ ຈໍານວນ 53 ລ້ານໂຕ ລາສະຫະລັດ, ແລະ ທຶນລັດຖະບານສົມທົບ 12 ລ່ານກວ່າໂດລາສະຫະລັດ, ໂດຍແມ່ນພະແນກໂຍທາທິການ ແລະ ຂົນສົ່ງແຂວງຈຳປາສັກເປັນເຈົ້າຂອງໂຄງການ, ບໍລິສັດ HANSHIN E&C.Co.Ltd ເປັນຜູ້ຮັບເໝົາກໍ່ສ້າງ ແລະ ບໍລິສັດ ISAN ເປັນທີ່ປຶກສາຄວບຄຸ້ມກໍ່ສ້າງ, ຊຶ່ງບັນດາກິດກະກຳປະກອບມີ 4 ໜ້າວຽກຕົ້ນຕໍຄື: 1. ໜ້າ ວຽກປ້ອງກັນຕາຝັ່ງເຈື່ອນ ແລະ ຄູ່ປ້ອງກັນນໍ້າຖ້ວມທີ່ມີຄວາມຍາວທັງໝົດ 17 ກວ່າກິໂລແມັດ, 2 ໜ້າວຽກສວນ ສາທາລະນະແຕມຂອງ ມີເນື້ອທີ່ທັງໝົດ 10,1 ເຮັກຕາ, ຢູ່ນະຄອນປາກເຊ 9,5 ເຮັກຕາ ແລະ ເມືອງໂພນທອງ 0.6 ເຮັກຕາ, 3 ກໍ່ສ້າງທາງຍົກລະດັບ( ຄູປ້ອງກັນນໍ້າຖ້ວມ ) ທີ່ມີຄວາມຍາວ 2,9 ກິໂລແມັດ ແລະ ໜ້າວຽກທີ 4 ກໍ່ສ້າງລະບົບລະບາຍນ້ຳທັງໝົດ 15 ແຫ່ງ ແລະ ປັບປຸງຟື້ນຟູ 11 ແຫ່ງ.

ໂຄງການດັ່ງກ່າວໄດ້ເລີ່ມລົງມືກໍ່ສ້າງໃນກາງປີ 2017 ກຳນົດເວລາຕາມສັນຍາຮັບເໝົາແມ່ນ 4ປີຄື: ຮອດ ທ້າຍເດືອນມີຖຸນາ 2019 ແມ່ນເປັນມື້ສຳເລັດວຽກໂຄງການ, ແຕ່ໃນໄລຍະການປະຕິບັດວຽກຕົວຈິງເຫັນວ່າມີ ຄວາມລ່າຊ້າກວ່າກຳນົດເວລາໃນສັນຍາ ເນື່ອງຈາກໄດ້ຮັບຜົນກະທົບມາຈາກຫລາຍສາເຫດແລະ ຫລາຍປັດໃຈ ກະທົບໃສ່ເຊັ່ນ: ບັນຫາເຫດການອຸທົກກະໄພ(ໄຟນໍ້າຖ້ວມໃນປີ 2019 ) ບັນຫາການແຜ່ລະບາດຂອງເຊື້ອ ພະຍາດໂຄວິດ-19, ບັນຫາການໄກ່ເກ່ຍສີ່ງຂີດຂວາງໂຄງການ ແລະ ອື່ນໆ...ສະນັ້ນຈິ່ງເຮັດໃຫ້ໂຄງການຕໍ່ສັນຍາ ຕື່ມອີກ 11 ເດືອນ( ເດືອນ ກໍລະກົດ 2021 ຫາ ເດືອນພຶດສະພາ 2022 ) ມາຮອດປະຈຸບັນໂຄງການດັ່ງກ່າວມີ ຄວາມຄືບໜ້າ 91 ກວ່າ%, ແຕ່ເນື່ອງຈາກມີໜ້າວຽກໂຄງການໄລຍະໜຶ່ງ ຍັງໄດ້ຈັດຕັ້ງປະຕິບັດຢູ່ໃນບ້ວງເງິນກູ້ຢືມ ເພີ່ມເຕີມ ແລະ ຄາດວ່າໂຄງການໄລຍະໜື່ງຈະສຳເລັດສົມບູນໃນລະຫວ່າງທ້າຍປີ 2022 ນີ້.

ຂອບເຂດການກໍ່ສ້າງຂອງໂຄງການແມ່ນກວມເອົາ 2 ເມືອງຄື: ເມືອງໂພນທອງ ແລະ ນະຄອນປາກເຊ ແຂວງຈຳປາສັກ, ລວມມີທັງໝົດ 17 ບ້ານ, ເມືອງໂພນທອງ 7 ບ້ານ ແລະ ນະຄອນປາກເຊ 10 ບ້ານ, ມີຄອບຄົວ ຜູ້ຖືກຜົນກະທົບທັງໝົດ449 ຄອບຄົວ, ໃນນັ້ນນະຄອນປາກເຊ 309 ຄອບຄົວ ແລະ ເມືອງໂພນທອງ140 ຄອບຄົວ, ມູນຄ່າຊົດເຊີຍທັງໝົດ 35,89 ຕື້ກີບ, ຊຶ່ງໃນສົກປີຜ່ານມາໂຄງການໄດ້ຮັບເງິນບ້ວງຊົດເຊີຍສີ່ງກິດຂວາງ

ແລະ ຈ່າຍໃຫ້ປະຊາຊົນຜູ້ຖືກຜົນກະທົບແລ້ວປະມານ 8 ຕື້ກວ່າກີບ, ສ່ວນປີ 2022 ໄດ້ຮັບອະນຸມັດຊຳລະບ້ວງ ແຂວງ 500 ລ້ານກີບ ແລະ ບ້ວງສູນກາງ 2,5 ຕື້ກີບ, ປະຈຸບັນຍັງບໍ່ທັນໄດ້ຮັບການເບີກຈ່າຍ.

ຢ່າງໃດກໍ່ຕາມເນື່ອງຈາກສະພາບທຶນສົມທົບຂອງລັດຖະບານມີໜ້ອຍ ແລະ ຕອບສະໜອງຊ້າ, ເຈົ້າຂອງ ໂຄງການໄດ້ສູ້ຊົນສະເໜີເນື້ອທີ່ດດິນຈາກແຂວງ( ຢູ່ນະຄອນປາກເຊ ແລະ ເມືອງໂພນທອງ ) ເພື່ອຈັດສັນໃຫ້ຜູ້ ຖືກຜົນກະທົບ, ຊຶ່ງມີ 3 ຈຸດຄື 1 ຕີນຈັດສັນບ້ານຊົ້ງ ນະຄອນປາກເຊ, 2 ດິນພູເຄັງ ເມືອງໂພນທອງ ແລະ 3 ດິນ ເຂດບ້ານດອນໄຫລ ນະຄອນປາກເຊ, ປະຈຸບັນໄດ້ສຳເລັດວຽດງານບຸກເບີກປ່າ, ຖົມດິນ, ຕັດດິນປັບພື້ນທີ່ໃຫ້ຮາບ ພຽງ ແລະ ເຈາະນໍ້າບາດານ ມີຄວາມຄືບໜ້າແລ້ວ 85% ແລະ ສືບຕໍ່ປະຕິບັດໜ້າວຽກທີ່ຍັງຄ້າງຄາໃຫ້ສຳເລັດພາຍ ໃນທ້າຍປີ 2022 ແລະ ພ້ອມຈະນຳເອົາຄອບຄົວປະຊາຊົນຜູ້ຖືກຜົນກະທົບເຂົ້າໄປຢູ່ອາໃສໃນປີ 2023.

ໂດຍ: ໂພທິລາດ

 

แชร์