ຈີນ ຈະສືບຕໍ່ຊຸກຍູ້ສັນຕິພາບ ແລະການພັດທະນາກັບອາຊຽນ

ໃນວັນທີ 11 ກໍລະກົດ 2022 ທ່ານ ວາງຢີ້ ທີ່ປຶກສາແຫ່ງລັດ, ທັງເປັນລັດຖະມົນຕີກະຊວງການຕ່າງປະເທດ ແຫ່ງ ສປ ຈີນ ໄດ້ກ່າວປາໄສຢູ່ສຳນັກງານກອງເລຂາອາຊຽນ ທີ່ນະຄອນຫລວງຈາກາຕາ, ປະເທດອິນໂດເນເຊຍເຊີ່ງທ່ານໄດ້ຕີລາຄາສູງຕໍ່ຜົນສໍາເລັດໃນການຮ່ວມມືລະຫວ່າງ ຈີນ ແລະອາຊຽນ ໃນໄລຍະຜ່ານມາ, ພ້ອມທັງສະເໜີຍົກລະດັບການພົວພັນຮ່ວມມືລະດັບພາກພື້ນທີ່ເປີດກວ້າງກັບອາຊຽນ.

ໂອກາດນີ, ທ່ານ ວາງຢີ້ ກ່າວວ່າ: ຈີນ ແລະອາຊຽນ ມີການເຊື່ອມຕໍ່ກັນດ້ວຍພູເຂົາ ແລະແມ່ນໍ້າ ຊຶ່ງເປັນຫົວໃຈສໍາຄັນ ແລະແມ່ນຄວາມມຸ່ງມາດປາດຖະຫນາ. "ພວກເຮົາເປັນເພື່ອນບ້ານທີ່ດີ, ເພື່ອນມິດທີ່ດີ ແລະ ຄູ່ຮ່ວມງານທີ່ດີກັບອະນາຄົດຮ່ວມກັນ" ກາວພົວພັນຮ່ວມມືລະຫວ່າ ຈີນ-ອາຊຽນ ມີຄວາມຄືບໜ້າຢ່າງຕໍ່ເນື່ອງໃນຫຼາຍຂົງເຂດ. ໃນນີ້ການຮ່ວມມືກັນເພື່ອປ້ອງກັນ ແລະ ຄວບຄຸມການລະບາດຂອງພະຍາດໂຄວິດ-19 ເປັນສິ່ງທີ່ພິສູດໃຫ້ເຫັນຢ່າງຊັດເຈນເຖີງມິດຕະພາບອັນເລິກຊຶ່ງ, ຄວາມໜາ ແລະ ບາງ ລະຫວ່າງຈີນ ແລະ ອາຊຽນ. ປະຈຸບັນ, ຈີນ ແລະ ອາຊຽນ ເປັນຄູ່ຮ່ວມມືດ້ານການຄ້າທີ່ໃຫຍ່ທີ່ສຸດຂອງກັນ ແລະກັນ, ດ້ວຍປະລິມານການຊື້-ຂາຍທີ່ເພີ່ມຂຶ້ນ 100 ເທື່ອຈາກ 30 ປີກ່ອນ ແລະການລົງທຶນໂດຍກົງສອງຝ່າຍບັນລຸເກີນກວ່າ 310 ຕື້ໂດລາສະຫະລັດ. ຂະນະທີ່ການຮ່ວມມືດ້ານຄວາມໝັ້ນຄົງລະຫວ່າງຈີນ ແລະອາຊຽນມີຄວາມຄືບໜ້າຢ່າງຕໍ່ເນື່ອງ ແລະສິ່ງທີ່ຍັງຄົງຄ້າງໄດ້ຮັບການແກ້ໄຂຢ່າງມີປະສິດທິຜົນ.

ທ່ານກ່າວຕື່ມວ່າ: ພາກພື້ນຂອງພວກເຮົາໄດ້ຮັບຜົນສໍາເລັດເປັນຢ່າງດີ ແລະໄດ້ສ້າງສິ່ງມະຫັດສະຈັນທີ່ພິເສດໃນການເຕີບໂຕຍ້ອນວ່າປະເທດຕ່າງໆ ໃນພາກພື້ນໄດ້ຢຶດຫມັ້ນໃນພາກພື້ນທີ່ເປີດກວ້າງ, ມີຄວາມເຄົາລົບ ແລະຊື່ນຊົມຕໍ່ຄວາມຫລາກຫລາຍຂອງບັນດາປະເທດສະມາຊິກ, ຢຶດໝັ້ນ ແລະປະຕິບັດຕາມຫຼັກການດ້ວຍຄວາມສະຫມັກໃຈ. ໃນຖານະທີ່ເປັນປະເທດກໍາລັງພັດທະນາທີ່ໃຫຍ່ທີ່ສຸດໃນໂລກ ແລະເປັນສະມາຊິກທີ່ສໍາຄັນໃນອາຊີ, ຈີນ ໄດ້ຕິດຕາມຢ່າງຕໍ່ເນື່ອງໃນການພັດທະນາຢ່າງສັນຕິ ແລະ ເປີດກວ້າງຍຸດທະສາດການຮ່ວມມືບົນພື້ນຖານຕ່າງຝ່າຍຕ່າງໄດ້ຮັບຜົນປະໂຫຍດຮ່ວມກັນ. ຈີນ ຈະສືບຕໍ່ສະໜັບສະໜູນຄວາມເປັນແກນກາງຂອງອາຊຽນ ແລະ ສົ່ງເສີມຄວາມເປັນຈິດໜຶ່ງໃຈດຽວກັນ ແລະການຮ່ວມມືໃນພາກພື້ນ. ຈີນຢືນຢັນສະຫນັບສະຫນູນບົດບາດຂອງອາຊຽນຢ່າງຫນັກແຫນ້ນໃນຖານະບົດບາດຜູ້ຄວບຄຸມສະຖານະການ, ສະຫນັບສະຫນູນການປະຊາຄົມອາຊຽນ ແລະສະໜັບສະໜູນອາຊຽນເພື່ອເປັນສູນກາງຮ່ວມມືດ້ານສະຖາປັດຕະຍະກໍາຂອງພາກພື້ນ.

ທ່ານ ວາງຢີ້ ກ່າວຕື່ມວ່າ: ຈີນ ພ້ອມແລ້ວທີ່ຈະເປີດການຍົກລະດັບຮອບໃຫມ່ໃນເຂດການຄ້າເສລີ ຈີນ-ອາຊຽນ ໃຫ້ໄວເທົ່າທີ່ຈະໄວໄດ້ ແລະປະຕິບັດຕາມສັນຍາການເປັນຄູ່ຮ່ວມມືດ້ານເສດຖະກິດຮອບດ້ານ (RCEP) ໃນຂອບ ເຂດທົ່ວປະເທດ ແລະສົ່ງເສີມການຍົກລະດັບໃນເວລາອັນເຫມາະສົມ, ຂະນະດຽວກັນຈີນ ພ້ອມທີ່ຈະລົງນາມໃນຂໍ້ຕົກລົງການຄ້າເສລີທີ່ມີມາດຕະຖານສູງກັບປະເທດຕ່າງໆ ໃຫ້ຫຼາຍຂຶ້ນ ແລະລໍຖ້າທີ່ຈະເຂົ້າຮ່ວມຢ່າງໃກ້ຊິດໃນການພັດທະນາເຂດອ່າວກວາງດົງ-ຮົງກົງ-ມາກາວ ແລະ ການຮ່ວມມືຈີນ-ອາຊຽນ. ນອກຈາກນີ້ຈີນຈະສືບຕໍ່ຢ່າງຕັ້ງໜ້າໃນການຮ່ວມມືດ້ານວິທະຍາສາດ, ເຕັກໂນໂລຊີ ແລະການປະດິດສ້າງເພື່ອກະຕຸ້ນການຂັບເຄື່ອນໃຫມ່ຂອງການພັດທະນາໃນພາກພື້ນ ແລະພ້ອມແລ້ວທີ່ຈະເສີມສ້າງຄວາມເຂັ້ມແຂງໃຫ້ແກ່ການເຊື່ອມຕໍ່ທາງດິຈິຕອລ, ການສໍາຫລວດການພັດທະນາທີ່ນໍາໃຊ້ກາກບອນຕໍ່າ, ການໝູນວຽນ ແລະການພັດທະນາສີຂຽວ, ລວມເຖີງຈະດໍາເນີນໂຄງການເສີມສ້າງວິທະຍາສາດ, ເຕັກໂນໂລຊີ ແລະນະວັດຕະກໍາ ຈີນ-ອາຊຽນ ເປັນຢ່າງດີ ເພື່ອເລັ່ງການປ່ຽນແປງ ແລະການພັດທະນາໃນລະດັບພາກພື້ນ.

ລັດຖະມົນຕີກະຊວງການຕ່າງປະເທດຈີນ ກ່າວຕື່ມວ່າ: ຈີນ ຈະນໍາໃຊ້ມາດຕະການຫຼາຍຂຶ້ນເພື່ອອໍານວຍຄວາມສະດວກໃຫ້ແກ່ການເຄື່ອນຍ້າຍຂອງປະຊາຊົນ ແລະ ສົນທະນາກ່ຽວກັບການເລີ່ມຕົ້ນແຜນການຟື້ນຟູການທ່ອງທ່ຽວກັບທຸກຝ່າຍໃນເວລາທີ່ເຫມາະສົມ ແລະສະຫນັບສະຫນູນການພັດທະນາເສັ້ນທາງການທ່ອງທ່ຽວອາຊຽນ. ພ້ອມນີ້ຈະຂະຫຍາຍການແລກປ່ຽນກັບປະເທດສະມາຊິກອາຊຽນໃນດ້ານວັດທະນະທໍາ ແລະລະຫວ່າງຊາວຫນຸ່ມ, ໜ່ວຍງານຕ່າງໆ ຂອງປະເທດ, ສື່ມວນຊົນ ແລະແມ່ຍິງ ເພື່ອສົ່ງເສີມຄວາມເຂົ້າໃຈເຊິ່ງກັນ ແລະກັນ, ຄວາມມີໄມຕຮີຈິດ ແລະຄວາມສໍາພັນລະຫວ່າງປະຊາຊົນຂອງເຂົາເຈົ້າ.

แชร์