ຊີເນີຈີ ບໍລິສັດທຳອິດສ້າງຂຶ້ນຈາກຄົນລາວ ທີ່ເຮັດກ່ຽວກັບແອັບພິເຄຊັນ ບໍລິຫານບຸກຄະລາກອນ

ເປີດໂຕຢ່າງເປັນທາງການແລ້ວກັບບໍລິສັດ ຊີເນີຈີ (SYNERGY–Organisational Management Service) ຖືວ່າເປັນບໍລິສັດແລກທີ່ສ້າງຂຶ້ນຈາກຄົນລາວ ທີ່ເຮັດກ່ຽວກັບແອັບພິເຄຊັນ ບໍລິຫານບຸກຄະລາກອນ ທີ່ຈະຊ່ວຍໃຫ້ການບໍລິຫານ ແລະຄຸ້ມຄອງບຸກຄະລາກອນຂອງອົງກອນຕ່າງໆໃນລາວໄດ້ດີແລະມີປະສິດທິພາບຍິ່ງຂື້ນເຊິ່ງ ເໝາະສຳລັບທຸກໆປະເພດຂອງບໍລິສັດ,ອົງກອນ,ພາກລັດເອກະຊົນ ບໍ່ວ່າຈະມີຂະຫນາດນ້ອຍ,ກາງຫຼືໃຫຍ່ກໍສາມາດຈັບຕ້ອງໄດ້.ພ້ອມໃຫ້ບໍລິການແອັບພິເຄຊັ່ນລະບົບບໍລິຫານ ແລະ ຄຸ້ມຄອງບຸກຄະລາກອນ
ທ່ານ ສຸນີວົງ ປັນຍາ ອຳນວຍການ ບໍລິສັດ ຊີເນີຈີ ໃຫ້ຮູ້ວ່າ: ສຳລັບການເປີດໂຕລະບົບບໍລິຫານ ແລະ ຄຸ້ມຄອງບຸກຄະລາກອນ (HR SYSTEMS)ແລະ ການເປີດໂຕແອັບພິເຄຊັ່ນ ຊີເນີຈີ (SYNERGY APPLICATION)ເປັນແອັບພິເຄຊັ່ນບໍລິຫານບຸກຄະລາກອນ (HR Management) ແອັບທຳອິດທີ່ເປັນຝີມືຂອງຄົນລາວ ແລະ ພັດທະນາໂດຍຄົນລາວທີ່ ເຂົ້າໃຈລະບົບພ້ອມປະສົບການຫລາຍກວ່າ 15 ປີ.
ໃນເມື່ອຕົ້ນເດືອນຜ່ານມາກໍ່ໄດ້ມີທີເຊັນສັນຍາເພື່ອນໍາໃຊ້ SYNERGY APPLICATION ກັບ11 ບໍລິສັດທັງລາວ ແລະ ສາຂາຂອງບໍລິສັດຕ່າງປະເທດ ທີ່ມີອຸດສາຫະກຳທຸລະກິດທີ່ແຕກຕ່າງກັນ ແຕ່ມີຄວາມຕ້ອງການເຄື່ອງມື ທີ່ສະດວກສະບາຍ ແລະ ທັນສະໄໝໄວ້ບໍລິຫານພາຍໃນອົງກອນ.
HR SYSTEMS ແລະ SYNERGY APPLICATION ແມ່ນການນຳເອົາລະບົບທີ່ທັນສະໄໝ ແລະ ເໝາະກັບຍຸກສະໄໝປັດຈຸບັນ ທີ່ຈະຊ່ວຍໃຫ້ການເຮັດວຽກແນວໃດໃຫ້ໄວ,ປະຢັດເວລາ,ປະຢັດຊັບພະຍາກອນມະນຸດພາຍໃນອົງກອນ ດ້ວຍການເກັບຮັກສາຂໍ້ມູນຂອງພະນັກງານໃນ DATA ທີ່ສາມາດເບິ່ງກັບຄືນຍ້ອນຫຼັງໄປໄດ້ຫລາຍກວ່າ10 ປີແຕ່ໃຊ້ເວລາການຄົ້ນຫາພຽງບໍ່ເທົ່າໃດວິນາທີແທນການເກັບຂໍ້ມູນໃນຮູບແບບເອກະສານທີ່ມີຄວາມສິ້ນເປືອງ,ການຮັກສາທີ່ຫຍຸ້ງຍາກ,ໃຊ້ເນື້ອທີ່ຫຼາຍ ແບບໃນຍຸກກ່ອນໆ ອີກຕໍ່ໄປ.
HR SYSTEMS ຂອງ SYNERGY ຍັງມີອີກຫຼາຍວີທີຈະເຮັດໃຫ້ວຽກງານການສື່ສານພາຍໃນພ້ອມກັບ ບໍລິຫານ & ຄຸ້ມຄອງພະນັກງານ ໃຫ້ໄດ້ປະສິດທິພາບຫລາຍຂື້ນໂດຍມີຟັງຊັ່ນທີ່ທັນສະໄໝເຊັ່ນ: ການສະແກນປໍ້າໂປ້ເຂົ້າວຽກຜ່ານແອັບມືຖື (Finger Scan),ການບັນທຶກເອກະສານ ຂາອອກ-ຂາເຂົ້າ ແບບ Paperless,ການຕິດຕາມໜ້າວຽກ ແລະ ມອບວຽກແບບTime to Time,ການອະນຸມັດເອກະສານ e-Approval,ການລາພັກ Leave Request,ການແຈ້ງເງິນເດືອນແບບ Digital statment ແລະ ອື່ນໆອີກຫຼາກຫຼາຍອີງຕາມຄວາມຕ້ອງການຂອງລູກຄ້າ ທີ່ຈະເຮັດໃຫ້ວຽກງານຂອງທ່ານບັນລຸໄດ້ໄວແລະ ທີ່ສຳຄັນ ການບໍລິການຂອງ SYNERGY ຈະເຮັດໃຫ້ການມອບໝາຍວຽກຂອງທ່ານຖືກຕ້ອງແລະ ສອດຄ່ອງກັບຄວາມສາມາດຂອງພະນັກງານຂອງທ່ານແຕ່ລະຄົນອີກດ້ວຍ.
ນອກຈາກນີ້ ທາງບໍລິສັດ SYNERGY ຍັງມີການບໍລິການເປັນທີ່ປຶກສາ,ສັນຫາວ່າຈ້າງບຸກຄະລາກອນ, ວາງລະບົບຂອງໂຄງສ້າງຂອງບໍລິສັດ,ໂຄງການຝຶກອົບຮົມເພື່ອສັງຄົມ,ແລະ ການບໍລິຫານພາຍໃນອົງກອນອື່ນໆອີກຫລາຍຢ່າງໄວ້ພ້ອມອຳນວຍຄວາມສະດວກ ແລະຕອບໂຈດໃຫ້ແກ່ບັນດາບໍລິສັດທຸກປະເພດພາຍໃນລາວ ແລະ ຕ່າງປະເທດ.ໂດຍສະເພາະ ກຸ່ມບໍລິສັດ SMEs ທີ່ມີການບໍລິຫານຈັດສັນງົບປະມານພາຍໃນບໍລິສັດ ແບບກະທັດຮັດ.

แชร์