3ບໍລິສັດ ສຶກສາຄວາມເປັນໄປໄດ້ ກ່ຽວກັບການບຳບັດນ້ຳເປື້ອນ ຮ່ອງແຊງ ນະຄອນຫຼວງວຽງຈັນ

ວັນທີ 8 ກໍລະກົດ 2022 ທີ່ໂຮງແຮມດອນຈັນພຣາເລດໄດ້ມີພິທີເຊັນບົດບັນທຶກຄວາມເຂົ້າໃຈ(MOU) ວ່າດ້ວຍການສຶກສາ ຄວາມເປັນໄປໄດ້ກ່ຽວກັບການບໍາບັດນ້ຳເປື້ອນໃນຮ່ອງແຊງ, ນະຄອນຫຼວງວຽງຈັນ3 ບໍລິສັດໄດ້ເຫັນຄວາມສໍາຄັນ ແລະ ຄວາມຈໍາເປັນ ແລະ ມີແນວຄິດຢາກອານຸລັກຮັກສາສາຍນ້ຳທໍາມະຊາດເກົ່າແກ່ແຫ່ງນີ້ເອົາໄວ້ໃຫ້ເປັນສາຍນໍ້າ ແຫ່ງຄວາມສຸກແກ່ລູກຫຼານຕໍ່ໆໄປ ດັ່ງນັ້ນຈຶ່ງເກີດບົດບັນທຶກຄວາມເຂົ້າໃຈ(MOU) ວ່າດ້ວຍການສຶກສາ ຄວາມເປັນໄປໄດ້ກ່ຽວກັບການບໍາບັດນ້ໍາເປື້ອນໃນຮ່ອງແຊງ,ນະຄອນຫຼວງວຽງຈັນນີ້ຂຶ້ນມາໂດຍໃຫ້ກຽດເຂົ້າຮ່ວມ ທ່ານ ຈັນທະເນດ ບົວລະພາ ຮອງລັດຖະມົນຕີ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ,ທ່ານ ລັດສະໝີ ມຸ້ງສິນ ປະທານບໍລິສັດ ພາໂຊກຈະເລີນຊັບ ກໍ່ສ້າງຄົບວົງຈອນ ຈໍາກັດຜູ້ດຽວ
ໄລຍະຜ່ານມາສາຍນ້ຳຮ່ອງແຊງກໍ່ເປັນຫນຶ່ງໃນແຫຼ່ງນ້ຳທໍາມະຊາດທີ່ສໍາຄັນທີ່ຢູ່ກັບຄົນລາວເຮົາຕັ້ງແຕ່ ດົນນານມາແລ້ວ, ເມື່ອກ່ອນປະຊາຊົນທີ່ອາໄສ ຢູ່ຕາມສອງຟາກຝັ່ງ ສາມາດຫາປູຫາປາເພື່ອລ້ຽງຊີບ ແລະ ຄອບຄົວໄດ້ ແຕ່ມາຮອດປະຈຸບັນຍ້ອນມີການຂະຫຍາຍໂຕຂອງຕົວເມືອງເຮັດໃຫ້ຮ່ອງແຊງບໍ່ສາມາດນໍາໃຊ້ ໄດ້ຄືເກົ່າ ເນື່ອງຈາກ ຫຼາຍໆບັນຫາ ບໍ່ວ່າຈະເປັນ ການຖິ້ມຂີ້ເຫຍື່ອຊະຊາຍ,ສານພິດຈາກໂຮງງານ, ຕະຫລາດສົດ ແລະ ນ້ຳເປື້ອນຈາກບ້ານເຮືອນຂອງປະຊາຊົນທີ່ໄຫຼລົງຮ່ອງໂດຍກົງ ພ້ອມທັງສະສົມບັນຫາດັ່ງກ່າວມາດົນນານ ຈຶ່ງເຮັດໃຫ້ຮ່ອງແຊງໃນອະດີດ ຖືກທໍາລາຍ ແລະ ກາຍເປັນມົນລະພິດກັບສິ່ງແວດລ້ອມຢ່າງທີ່ເຫັນໃນປະຈຸບັນ.
ຊຶ່ງທາງບໍລິສັດ ວີເຄ ອິນເຕີແນຊັນເເນວ ຈໍາກັດ ຜູ້ດຽວ,ບໍລິສັດ ພາໂຊກຈະເລີນຊັບ ກໍ່ສ້າງຄົບວົງຈອນ ຈໍາກັດຜູ້ດຽວ ແລະ ບໍລິສັດ ເອັນຈອຍມີເດຍຈໍາກັດ 3 ບໍລິສັດໄດ້ເຫັນຄວາມສໍາຄັນ ແລະ ຄວາມຈໍາເປັນ ແລະ ມີແນວຄິດຢາກອານຸລັກຮັກສາສາຍນ້ຳທໍາມະຊາດເກົ່າແກ່ແຫ່ງນີ້ເອົາໄວ້ໃຫ້ເປັນສາຍນໍ້າ ແຫ່ງຄວາມສຸກແກ່ລູກຫຼານຕໍ່ໆໄປ ດັ່ງນັ້ນຈຶ່ງເກີດບົດບັນທຶກຄວາມເຂົ້າໃຈ(MOU) ວ່າດ້ວຍການສຶກສາ ຄວາມເປັນໄປໄດ້ກ່ຽວກັບການບໍາບັດນ້ໍາເປື້ອນໃນຮ່ອງແຊງ,ນະຄອນຫຼວງວຽງຈັນນີ້ຂຶ້ນມາ ແລະ ສິ່ງທີ່ສໍາຄັນ ທີ່ສຸດໂຄງການ ນີ້ແມ່ນໄດ້ຮັບການສະຫນັບສະຫນູນ ແລະ ການຊີ້ນໍາຈາກພັກລັດ ແລະ ການມີ ສ່ວນຮ່ວມຂອງຊຸມຊົນ ແລະ ພວກເຮົາຫມົດທຸກຄົນ.
ພວກເຮົາຂໍສັນຍາວ່າຈະຕັ້ງຫນ້າຈັດຕັ້ງປະຕິບັດຕາມບົດບັນທຶກນີ້ໃຫ້ບັນລຸຜົນຢ່າງແທ້ຈິງ ເພື່ອຄຸນນະພາບ ຊີວິດທີ່ດີ ຂອງຊຸມຊົນ ແລະ ເປັນໃບຫນ້າໃບຕາ ໃຫມ່ ໃຫ້ກັບນະຄອນຫຼວງວຽງຈັນ ຂອງພວກເຮົາ, ອີກທັງ ເປັນການປະກອບສ່ວນໃຫ້ແກ່ການປະຕິບັດ 6 ສ ຂອງນະຄອນຫຼວງວຽງຈັນໃຫ້ປະກົດຜົນເປັນຈິງພ້ອມທັງ ປະກອບສ່ວນໃຫ້ແກ່ການພັດທະນາເສດຖະກິດ-ສັງຄົມຂອງ ຊາດທັງທາງກົງ ແລະ ທາງອ້ອມອີກດ້ວຍ.

แชร์