ພາວ​ຮ່ວມ​ມື​ຟ້າ​ໃຫຍ່​ມີ​ເດຍ ​ຂະ​ຫຍາຍ​ທຸ​ລະ​ກິດ​ໃນ​ລາວ

ວັນ​ທີ 8 ກໍ​ລະ​ກົດ​ຜ່ານ​ມາ ທີ່​ນະ​ຄອນຫຼວງວຽງ​ຈັນ ໄດ້​ມີ​ພິ​ທີ​ເຊັນ​ສັນ​ຍາ​ຮ່ວມ​ມື​ເພື່ອ​ຂະ​ຫຍາຍ​ທຸ​ລະ​ກິດ​ໃນ​ລາວ ລະ​ຫວ່າງທ່ານ ສັນ​ທະ​ລັກ ຈ່າ​ສານ ຜູ້​ອຳ​ນວຍ​ການ​ໃຫຍ່​ບໍ​ລິ​ສັດ​ ຟ້າ​ໃຫ​ຍ່​ມີ​ເດຍ​ຈຳ​ກັດ (Bigblue Agency Laos), ທ່ານ ອະທິຊາດ ຊຸມນານົນ ຜູ້ກໍ່ຕັ້ງ ແລະເປັນປະທານບໍລິສັດ ພາວ ມິຣາໂຄ ຈຳກັດ (Pow Miracle co.,LTD) ແລະ​ທ່ານ ສົມ​ພົບ ສັກ​ພັນ​ພະ​ນົມ ຜູ້​ອຳ​ນວຍ​ການ​ໃຫຍ່​ບໍ​ລິ​ສັດຫຼັກ​ຊັບ​ເອ​ພີ​ເອັມ​ລາວ​ຈຳ​ກັດ (APMLAO) ໃນ​ຖາ​ນະ​ທີ່​ປືກ​ສາ​ທາງ​ການ​ເງິນ ໂດຍ​ເຂົ້າ​ຮ່ວມ​ມີ​ທ່ານ​ນາງ ສາຍ​ສະ​ໝອນ ຈັນ​ທະ​ຈັກ ​ຜູ້ອຳ​ນວຍ​ການ​ໃຫຍ່​ຕະຫຼາດຫຼັກ​ຊັບ​ລາວ, ມີ​ບັນ​ດາ​ພາ​ສ່ວນ​ທີ່​ກ່ຽວ​ຂ້ອງ ແລະ​ບັນ​ດາ​ສື່ມວນ​ຊົນ​ເຂົ້າ​ຮ່ວມ.  

ທ່ານ ອະທິຊາດ ຊຸມນານົນ ກ່າວວ່າ: ບໍລິສັດໄດ້ເຊັນສັນຍາຕົກລົງຮ່ວມກັບ ບໍລິສັດຟ້າໃຫຍ່ມີເດຍ ຈຳກັດ (Bigblue Agency Laos) ໃນການຂະຫຍາຍຖານທຸລະກິດສະໝຸນໄພຜັກຄາວທອງ ເພື່ອມຸ່ງໜ້າບຸກຕະຫຼາດເພື່ອນບ້ານເຊັ່ນ ສປປ ລາວ ໂດຍການເປັນພັນທະມິດດ້ານການເຮັດການຕະຫຼາດຜ່ານຊ່ອງທາງສື່ໂຄສະນາປະຊາສຳພັນຂອງ ບໍລິສັດ ຟ້າໃຫຍ່ມີເດຍ ຫຼື Bigblue ສປປ ລາວ ໂດຍໃນການAgency Laos ເຊິ່ງເປັນຜູ້ນໍາໃນດ້ານທຸລະກິດການໃຫ້ບໍລິການສື່ໂຄສະນາອັນດັບຕົ້ນໆໃນຮ່ວມມືກັນໃນຄັ້ງນີ້ ພາວມິຣາໂຄ ໄດ້ນຳຜະລິດຕະພັນສະໝຸນໄພຜັກຄາວທອງສະກັດແບບເຂັ້ມຂຸ້ນ ທັງພາວເດີລ່າ (ຜົງຜັກຄາວທອງແບບຊອງ), ພາວເຮີເບີ ແຄັບຊຸນ (ແບບເມັດ) ແລະສະເປສົ່ນປາກ ທີ່ມີສ່ວນປະສົມຂອງສະໝຸນໄພຜັກຄາວທອງ ໂພພໍລີສ໌ ເປັບເປີ້ຊີ້ນ ແລະສະເປມີ້ນ ມີຄົວຊິຕິນ ຊ່ວຍຕ້ານເຊື້ອໄວຣັດ ຫຼຸດບັນຫາໃນຊ່ອງປາກ ລົມຫາຍໃຈສົດຊື່ນ ມາວາງຈໍາໜ່າຍໃຫ້ກຸ່ມລູກຄ້າໃນເຂດພື້ນທີ່ ສປປ ລາວ ໄດ້ມີທາງເລືອກໃນການນໍາຜະລິດຕະພັນສະໝຸນໄພຄຸນນະພາບທີ່ດີມາໃຊ້ເພື່ອສຸຂະພາບ ໂດຍຈະເຮັດໃຫ້ການໂຄສະນາປະຊາສຳພັນຜະລິດຕະພັນເພື່ອສ້າງການຮັບຮູ້ ແລະເນັ້ນຢໍ້າເຖິງປະໂຫຍດຕ່າງໆສອງສະໝຸນໄພຜັກຄາວທອງຜ່ານສື່ໂຄສະນາປະຊາສຳພັນຂອງ ບໍລິສັດ ຟ້າໃຫຍ່ມີເດຍ ຫຼື Bigblue Agency Laos ທີ່ມີຄວບຄຸມທຸກພື້ນທີ່ໃນ ສປປ ລາວ.

“ການຮ່ວມມືກັບ ບໍລິສັດ ຟ້າໃຫຍ່ມີເດຍ ຫຼື Bigblue Agency Laos ໃນຄັ້ງນີ້ໝັ້ນໃຈວ່າຊ່ອງທາງການປະຊາສຳພັນໃນສື່ຕ່າງໆ ນອກຈາກຈະຄວບຄຸມພື້ນທີ່ ແລະສ້າງການຮັບຮູ້ໄປສູ່ກຸ່ມເປົ້າໝາຍແລ້ວ ຍັງເຊື່ອວ່າຈະສາມາດກະຈາຍການຮັບຮູ້ກ່ຽວກັບຜະລິດຕະພັນຂອງເຮົາໄດ້ເປັນຢ່າງດີ ທັງໃນດ້ານຂອງການວິໄຈ ແລະພັດທະນາຜະລິດຕະພັນ ຄູນປະໂຫຍດຕ່າງໆ ຂອງສະໝຸນໄພຜັກຄາວທອງ ໂດຍຜະລິດຕະພັນຂອງບໍລິສັດໄດ້ເລີ່ມສຶກສາວິໄຈ ແລະພັດທະນາເຈາະເລິກຕັ້ງແຕ່ວິເຄາະຄຸນຄ່າທາງໂພຊະນາການ ແລະລິດຕ້ານອະນຸມູນອິດສະຫຼະ ມາຕັ້ງແຕ່ປີ 2011 ຈົນເຖິງປະຈຸບັນ ໂດຍໄດ້ຮັບລາງວັນນະວັດຕະກຳໄທ ແຫ່ງທຳອິດທີ່ໄດ້ 2 ໃບຮັບຮອງ ແລະ 4 ງານວິໄຈຮ່ວມກັບບໍລິສັດຜູ້ຜະລິດມາດຕະຖານສາກົນ ແລະມະຫາວິທະຍາໄລຊຽງໃໝ່ເພື່ອສ້າງຄວາມເຊື່ອໝັ້ນ ແລະໝັ້ນໃຈໃຫ້ກັບກຸ່ມຜູ້ບໍລິໂພກຂອງ ສປປ ລາວ".

ທ່ານ ສັນທະລັກ ຈ່າສານ ປະທານບໍລິສັດ ຟ້າໃຫຍ່ມີເດຍ ຈຳກັດ (BigBlue Agency Laos) ເປີດເຜີຍວ່າ ບໍລິສັດດໍເນີນທຸລະກິດເປັນຜູ້ໃຫ້ບໍລິການສື່ໂຄສະນາ ແລະປະຊາສຳພັນ ອັນດັບຕົ້ນໆໃນ ສປປ ລາວ ແລະມີສື່ອອນລາຍເປັນຂອງຕົວເອງເຊັ່ນ: InsideLaos ປະຈຸບັນມີຜູ້ຕິດຕາມຈໍານວນ 2 ແສນກວ່າຄົນ ສໍາລັບສື່ໂຄສະນາກາງແຈ້ງຂອງບໍລິສັດກໍ່ຕັ້ງຢູ່ໃນພື້ນທີ່ສຳຄັນ ແລະເປັນພື້ນທີ່ຍຸດທະສາດຄວບຄຸມໃນນະຄອນຫຼວງວຽງຈັນ ເຊັ່ນ: ໜ້າຕະຫຼາດເຊົ້າຊ໋ອບປິ້ງມໍ, ສີ່ແຍກໄຟແດງ ICBC, ໜ້າທາງເຂົ້າສະຖານີລົດໄຟຄວາມໄວສູງລາວ-ຈີນ ນອກຈາກນີ້ ຍັງມີຢູ່ທີ່ແຂວງສະຫວັນນະເຂດຈຸດວົງວຽນໄດໂນເສົາ, ແຂວງຫຼວງພະບາງ ແລະແຂວງຄຳມ່ວນ.

แชร์