ສະມາຄົມມິດຕະພາບເພື່ອການຮ່ວມມືດ້ານວັດທະນະທໍາ ລາວ-ອິນເດຍ ແຫ່ງ ປະເທດອິນເດຍ ຢ້ຽມຢາມແຂວງຫຼວງພະບາງ

ໃນວັນທີ 5  ກໍລະກົດ 2022 ທີ່ຫ້ອງຮັບແຂກຫ້ອງວ່າການແຂວງຫຼວງພະບາງ ທ່ານ ຄໍາຂັນ ຈັນທະວີສຸກ ເຈົ້າແຂວງ ຫຼວງພະບາງ, ມີຕາງໜ້າພະແນກ ຖະແຫຼງຂ່າວ, ວັດທະນະທໍາ ແລະທ່ອງທ່ຽວແຂວງ, ພະແນກສຶກສາທການ ແລະກີລາແຂວງ ແລະ ພະແນກການຕ່າງປະເທດ ແຂວງ ໄດ້ຕ້ອນຮັບການເຂົ້າຢ້ຽມຂໍ່ານັບ ຂອງທ່ານ ພິໄຊ ກຸມມານ ປະທາສະມາຄົມ ມິດຕະພາບ ລາວ-ອິນເດຍ ເພື່ອການຮ່ວມມືດ້ານວັດທະນະທໍາ ແຫ່ງ ປະເທດອິນເດຍ ພ້ອມຄະນະ.

ໂອກາດທີ່ ໄດ້ເດີນທາງຄະນະສະມາຄົມ ມິດຕະພາບ ລາວ-ອິນເດຍ ເພື່ອການຮ່ວມມືດ້ານວັດທະນະທໍາ ມາຢ້ຽມຢາມ,ພົບປະ ຄັ້ງນີ້. ທ່ານ ຄໍາຂັນ ຈັນທະວີສຸກ ກໍໄດ້ສະແດງຄວາມຕ້ອນຮັບອັນອົບອຸ່ນ ແລະໄດ້ຕີລາຄາສູງ ຕໍ່ຄະນະດັ່ງກ່າວ  ເປັນສືບຕໍ່ຫັດແໜ້ນຄວາມສາມັກຄີມິດຕະພາບ, ການຮ່ວມມືເຊິ່ງກັນ ແລະ ກັນ ໃຫ້ເລິກຊຶ່ງ-ກວ້າງຂວາງ ແລະຍັງໄດ້ຍົກໃຫ້ເຫັນ ສະພາບລວມຂອງແຂວງຕື່ມອີກ.

  ຈາກນັ້ນ, ທ່ານ ພິໄຊ ກຸມມານ ປະທາສະມາຄົມ ມິດຕະພາບ ລາວ-ອິນເດຍ ເພື່ອການຮ່ວມມືດ້ານວັດທະນະທໍາ ແຫ່ງ ປະເທດອິນເດຍ ກໍໄດ້ສະແດງ ຄວາມຂອບໃຈ ຕໍ່ການຕ້ອນຮັບອັນອົບອຸ່ນ ແລະໄດ້ລາຍງານສະພາບລວມຂອງແຂວງ,  ພ້ອມທັງແຈ້ງຈຸດປະສົງໃນການເຄື່ອນ ໄຫວຢ້ຽມຢາມ ແລະ ເຮັດວຽກຢູ່ແຂວງຫຼວງພະບາງຄັ້ງນີ້ ເປັນການເສີມສ້າງຄວວາມສາມັກຄີ ແລະ ການຮ່ວມມືລະຫວ່າງລາວ-ອິນເດຍ ໂດຍສະເພາະ ແມ່ນການສືບຕໍ່ພົວພັນຮ່ວມມື ເພື່ອແລກປ່ຽນວຽກງານ ດ້ານວັດທະນະທໍາ ລະຫວ່າງ ລາວ-ອິນເດຍ ເປັນຕົ້ນແມ່ນຢູ່ແຂວງຫຼວງພະບາງ.

ຂ່າວ: ເພັດສາຄອນ ສິມມະວົງ

แชร์