ເຟສບຸກ ກຽມໃຊ້ຟັງຊັນໃໝ່ລຶບຜົນການຄົ້ນຫາ

ສຳນັກຂ່າວຣອຍເຕີລາຍງານອ້າງຕາມຄຳກ່າວຂອງທ່ານ ເດວິດ ເວເນີ ປະທານເຈົ້າໜ້າທີ່ການເງິນຂອງບໍລິສັດເຟສບຸກ (Facebook) ຈະເລີ່ມໃຊ້ຟັງ ຊັນໃໝ່ຄື “Clear history” ຫຼື “ລຶບຜົນການຄົ້ນຫາ”ພາຍໃນປີນີ້.

ທ່ານ ເວເນີ ກ່າວຕໍ່ທີ່ປະຊຸມນັກລົງທຶນໃນວັນອັງຄານວ່າຟັງຊັນໃໝ່ຈະອະນຸຍາດໃຫ້ຜູ້ໃຊ້ສາມາດລຶບຂໍ້ມູນການຄົ້ນຫາໃນເຄື່ອງມືການຄົ້ນຫາຂອງ Facebook ໄດ້ຜ່ານມາບໍລິສັດມີແຜນຈະເປີດໂຕຟັງຊັນດັ່ງກ່າວເມື່ອປີທີ່ແລ້ວແຕ່ເກີດຄວາມຊັກຊ້າເນື່ອງຈາກບັນຫາທາງເຕັກນິກຊີອີໂອຂອງ Facebook ມາກຊັກເຄີເບີກກ່າວໄວ້ກ່ອນໜ້ານີ້ວ່າເຄື່ອງມືໃໝ່ນີ້ຈະຊ່ວຍລຶບຂໍ້ມູນທີ່ທ່ານຄົ້ນຫາຜ່ານທາງ Facebook ໄດ້ງ່າຍໆລວມທັງຮູບວິດີໂອ ຫຼື ເວັບໄຊທີ່ທ່ານກົດເຂົ້າໄປເບິ່ງດ້ວຍ.

ຊັກເຄີເບີກບອກອີກວ່າຟັງຊັນໃໝ່ນີ້ຍັງຊ່ວຍໃຫ້ປົກປ້ອງບໍ່ໃຫ້ Facebook ຕິດຕາມເກັບຂໍ້ມູນການຄົ້ນຫາຂອງທ່ານເພື່ອນຳໄປໃຊ້ໃນການໂຄສະນາແບບເຈາະກຸ່ມເປົ້າໝາຍສະເພາະລາຍໄດ້ເໝືອນກັນຊຶ່ງເປັນການສະແດງໃຫ້ເຫັນວ່າ Facebook ໃສ່ໃຈໃນເລື່ອງການປົກປ້ອງຂໍ້ມູນສ່ວນຕົວຂອງຜູ້ໃຊ້ຂະນະກຳລັງອອນລາຍ ຫຼື ອຟລາຍ.

ນສພ ເສດຖະກິດ-ສັງຄົມ

แชร์