ຊ່ຽວຊານອົງການໄຈກາ ພົບປະເຈົ້າແຂວງຫຼວງພບາງ

 

ໃນວັນທີ 5  ກໍລະກົດ 2022 ທີ່ຫ້ອງຮັບແຂກຫ້ອງວ່າການແຂວງຫຼວງພະບາງ ທ່ານ ໂຍຊິຮາຣະ ຊ່ຽວຊານ ອົງການໄຈກາ ຜູ້ຕາງໜ້າອົງການໄຈກາ ປະຈໍາຢູ່ໂຕກ່ຽວ ປະເທດ ຍີ່ປຸ່ນ ພ້ອມດ້ວຍທິມງານວິຊາການ ໄດ້ເຂົ້າພົບປະ ທ່ານ ຄໍາຂັນ ຈັນທະວີສຸກ ເຈົ້າແຂວງ ຫຼວງພະບາງ ,ເພື່ອປຶກສາ ແລະ ລາຍງານແຜນໂຄງການພັດທະນາການສັນຈອນພາຍໃນ ນະຄອນ ຫຼວງພະບາງ, ເຂົ້າຮ່ວມການພົບປະຄັ້ງນີ້ມີພະແນກໂຍທາທິການ ແລະ ຂົນສົ່ງ, ພະແນກຖະແຫຼງຂ່າວ,ວັດທະນະທໍາ ແລະ ທ່ອງທ່ຽວແຂວງ,ພະແນກສຶກສາທການ ແລະ ກີລາແຂວງ ແລະພະແນກການຕ່າງປະເທດແຂວງ.

ວາລະການພົບປະ ທ່ານ ຄໍາຂັນ ຈັນທະວີສຸກ ເຈົ້າແຂວງຫຼວງພະບາງ ກໍໄດ້ສະແດງ ຄວາມຂອບໃຈຕໍ່ການມາ ເຮັດວຽກຂອງຄະນະ ຊ່ຽວຊານ ອົງການໄຈກາ ປະເທດ ຍີ່ປຸ່ນ, ເພື່ອສຳຫຼວດອອກແບບຄວາມເປັນໄປໄດ້ ໂຄງການຊ່ວຍເຫຼືອລ້າ ຈາກອົງການໄຈກາ ໃນແຂວງຫຼວງພະບາງ, ຊຶ່ງແຂວງຫຼວງພະບາງ ພ້ອມແລ້ວຈະສືບຕໍເພື່ອໃຫ້ຄວາມສະດວກແກ່ອົງການໄຈກາທີ່ໃຫ້ທຶນສະໜັບສະໜັບບັນດາໂຄງການຕ່າງໆ ຢູ່ແຂວງຫຼວງພະບາງ ເພື່ອເປັນການພັດທະນາ ຕົວເມືອງ ໂດຍສະເພາະແມ່ນເທດສະບານນະຄອນ ຫຼວງພະບາງ ໃຫ້ມີບາດກ້າວຂະຫຍາຍຕົວໃນຕໍ່ໜ້າ.

ຈາກນັ້ນ ທ່ານ ໂຍຊິຮາຣະ ຜູ້ຕ່າງໜ້າອົງການໄຈກາ ປະຈໍາໂຕກຽວ ກໍໄດ້ລາຍງານແຜນໂຄງການທີ່ໄດ້ສໍາຫຼວດ ເພື່ອຈັດສັນລະບົບການຈະລາຈອນ ຢູ່ຕົວນະຄອນ ຫຼວງພະບາງ. ເຊິ່ງໂຄງການດັ່ງກ່າວ ໂດຍໄດ້ຮັບການເຫັນດີຈາກຄະນະການນຳຂັ້ນສູນກາງ, ຂັ້ນແຂວງ ແລະໄດ້ຮ່ວມກັບພະແນກການກ່ຽວຂ້ອງ ລົງສໍາຫຼວດໃນໄລຍະຜ່ານມາ ເປັນຕົ້ນແມ່ນໂຄງການຮ່ວມມືດ້ານວິຊາການກ່ຽວກັບການຂົນສົ່ງພາຍໃນຕົວນະຄອນ-ຫຼວງພະບາງ,ການແກ້ໄຂບັນຫາການຈາລະຈອນໂດຍຜ່ານການປະຕິບັດຕົວຈິງໂຄງການທົດລອງ ແລະເຮັດວຽກງານຮ່ວມກັບບັນດາພະແນກການຂະແໜງການທີ່ກ່ຽວຂ້ອງ ຢູ່ແຂວງຫຼວງພະບາງ ເປັນແຕ່ລະໄລຍະຕື່ມອີກ.

ຂ່າວ: ເພັດສາຄອນ ສິມມະວົງ

แชร์