ເອຊີລີດາ ຍົກລະດັບໜ່ວຍບໍລິການປາກຊ່ອງຂື້ນເປັນສາຂາ

ທະນາຄານ ເອຊີລີດາ ລາວ ຈຳກັດ, ປະຊາທະນາຄານທີ່ທ່ານໄວ້ວາງໃຈ ແລະມີວິໄສທັດເປັນຜູ້ນໍາໃນດ້ານທະນາຄານເພື່ອທຸລະກິດຂະໜາດນ້ອຍ ແລະຂະໜາດກາງໃນ ສປປ ລາວ ໄດ້ຍົກລະດັບໜ່ວຍບໍລິການປາກຊ່ອງ ທີ່ຕັ້ງຢູ່ຖະໜົນເລກທີ 16B ໜ່ວຍ 10 ບ້ານປາກຊ່ອງ ເມືອງປາກຊ່ອງ ແຂວງຈຳປາສັກມາເປັນ ສາຂາປາກຊ່ອງຢ່າງເປັນທາງການນັບແຕ່ວັນທີ 1 ກໍລະກົດ 2022 ເປັນຕົ້ນໄປ.

ທ່ານ ລັດສະໝີ ຫງວນ, ຜູ້ອຳນວຍການໃຫຍ່ຂອງທະນາຄານ ເອຊີລີດາ ລາວ ຈຳກັດ ກ່າວວ່າ ທະນາຄານ ເອຊີລີດາ ລາວ ໜ່ວຍບໍລິການປາກຊ່ອງໄດ້ໃຫ້ການບໍລິການລູກຄ້າໃນເຂດດັ່ງກ່າວມາເປັນເວລາດົນນານແລ້ວມາຮອດປະຈຸບັນເຫັນວ່າຖານລູກຄ້າທີ່ເຂົ້າມາຊົມໃຊ້ບໍລິການນັບມື້ຍິ່ງເພີ່ມຂື້ນ, ດັ່ງນັ້ນເພື່ອຕອບສະໜອງຕາມຄວາມຮຽກຮ້ອງຕ້ອງການຂອງລູກຄ້າ ກໍ່ຄືສາທາລະນະຊົນທົ່ວໄປ ທະນາຄານ ເອຊີລີດາ ລາວ ຈຳກັດ ຈິ່ງໄດ້ຍົກລະດັບຈາກ ໜ່ວຍບໍລິການປາກຊ່ອງມາເປັນສາຂາປາກຊ່ອງຢ່າງເປັນທາງການນັ້ນກໍ່ເພື່ອຍົກລະດັບຄຸນນະພາບການບໍລິການລູກຄ້າ, ເພີ່ມການບໍລິການດ້ານຜະລິດຕະພັນໃຫ້ຫຼາກຫຼາຍພ້ອມທັງເພີ່ມຄວາມເຊື່ອໝັ້ນ ແລະ ໄວ້ວາງໃຈແກ່ລູກຄ້າອີກດ້ວຍ.

ທ່ານ ລັດສະໝີ ຫງວນ ກ່າວຕື່ມວ່າ: ທະນາຄານ ເອຊີລີດາ ຂໍສະແດງຄວາມຂອບໃຈມາຍັງລູກຄ້າທຸກໆທ່ານທີ່ໄວ້ວາງໃຈ ແລະໃຊ້ບໍລິການກັບທະນາຄານຕະຫຼອດມາ ທະນາຄານເອຊີລີດາ ສາຂາປາກຊ່ອງຈະສືບຕໍ່ພັດທະນາການບໍລິການໃຫ້ທັນສະໄໝ ແລະຮັກສາການບໍລິການທີ່ວ່ອງໄວສຳລັບຄວາມພ້ອມທີ່ຈະໃຫ້ບໍລິການລູກຄ້າຢ່າງເຕັມຮູບແບບ ແລະຂໍເຊີນຊວນລູກຄ້າທຸກທ່ານມາເປັນລູກຄ້າພິເສດຂອງສາຂາດັ່ງກ່າວ.

ທະນາຄານ ເອຊີລີດາ ລາວ ຈຳກັດ ເປັນທະນາຄານທຸລະກິດຕ່າງປະເທດທີ່ດຳເນີນທຸລະກິດໃນ ສປປ ລາວ ມາຫຼາຍກວ່າ 14 ປີ ໃນລະດັບພູມີພາກ, ກຸ່ມເອຊີລີດາມີ ທະນາຄານ ເອຊີລີດາ ມະຫາຊົນ ເຊິ່ງເປັນບໍລິສັດແມ່ ແລະ ມີ 4 ບໍລິສັດລູກທີ່ດຳເນີນທຸລະກິດໃນປະເທດກຳປູເຈຍ, ລາວ ແລະມຽນມາ ທີ່ໃຫ້ບໍລິການລູກຄ້າຫລາຍລ້ານຄົນ ແລະບໍລິການໂອນເງິນໄປທົ່ວໂລກ.

แชร์