ເປີດໂຕຊຳຊຸງກາແລັກຊີ A50 ແລະA30 ມືຖືລຸ້ນກາງລາຄາປະຢັດ

ໃນທີ່ສຸດຕອນນີ້ມືຖືລະດັບກາງຂອງຊຳຊຸງຄືຕະກຸນ Galaxy A ໄດ້ເປີດເຜີຍຢ່າງເປັນທາງການມາພ້ອມກັນທັງໝົດ 2 ລຸ້ນດ້ວຍກັນທັງສອງແບບຈະມີລາຍລະອຽດທີ່ເໝືອນກັນຄືໃຊ້ໜ້າຈໍແບບ Infi nity-U ກ້ອງໜ້າຈະເປັນຢອດນ້ຳອ້ອມດ້ວຍໜ້າຈໍໃຫ້ແບັດເຕີຣີຂະໜາດ 4000 mAh ສ່ວນດ້ານຫຼັງອອກແບບໄດ້ສວຍງາມເອີ້ນວ່າ 3D Glasstic ແລະໃຊ້ລະບົບປະຕິບັດການ Android Pie ກັບ One UI ແຕ່ທີ່ເຫຼືອນັ້ນມີຄວາມ ແຕກຕ່າງດັ່ງນີ້:

- Samsung Galaxy A50: ຈະມາພ້ອມກັບຂຸມພະລັງ Exynos 9610 ຮຸ່ນຫຼ້າສຸດແຕ່ຍັງຕິດຕັ້ງໜ້າຈໍແບບ Super AMO LED ຂະໜາດ 6,4 ນິ້ວຄວາມລະອຽດລະດັບ Full HD+ ພ້ອມກັບກ້ອງຫຼັງ 3  ຕົວຄວາມລະອຽດ 25 ລ້ານພິກເຊລເປັນເລນຫຼັກໄລຍະປົກກະຕິ, 5 ລ້ານພິກເຊລ ແລະ 8 ລ້ານພິກເຊລ F2,4 ຈະເປັນເລນ Ultra Wide ສ່ວນກ້ອງໜ້າມີຄວາມລະອຽດ 20 ລ້ານພິກເຊລ F2,0 ຄວາມຈຳໃນຕົວມີໃຫ້ເລືອກ ທັງ 64/128GB ແລະRAM4-6GB ພ້ອມກັບສາມາດເພີ່ມຄວາມຈຳຜ່ານ microSD ສູງສຸດ 512 GB ແລະໃຫ້ແບັດເຕີຣີຂະໜາດ 4000mAh ຈຸດເດັ່ນຈະມີລະບົບສະແກນລາຍນິ້ວມືໃນໜ້າຈໍ ແລະສີສັນມີໃຫ້ເລືອກທັງດຳ, ຂາວ, ນ້ຳເງິນ ແລະCoral -Samsung Galaxy A30: ແມ່ນວ່າໜ້າຈໍຂອງຮຸ່ນນີ້ຈະໄດ້ຂະໜາດ 6,4 ນິ້ວ ແລະຄວາມລະອຽດເທົ່າກັນກັບ Galaxy A50 ແລະແບັດເຕີຣີກໍມີຂະໜາດ 4000mAh ເທົ່າກັນແລ້ວສິ່ງທີ່ປ່ຽນໄປຄື CPU ເລືອກໃຊ້ Exynos 7885 ພ້ອມກັບ RAM ຈະມີໃຫ້ເລືອກແຕ່ 3GB/  4GB ຄວາມຈຳຂະໜາດ 32-64 GB ແຕ່ສາມາດເພີ່ມຄວາມຈຳໄດ້ຂະໜາດ 512 GB ຜ່ານ micro SD ສ່ວນກ້ອງນັ້ນດ້ານໜ້າຈະໃຊ້ຂະໜາດ 16 ລ້ານພິກເຊລ ສ່ວນກ້ອງຫຼັງຈະມີຂະໜາດ 16 ລ້ານພິກເຊລ ແລະ5 ລ້ານພິກເຊລ ເທົ່ານັ້ນໄວ້ລະບົບສະແກນລາຍນິ້ວມືຢູ່ດ້ານຫຼັງ ແລະມີສີສັນໃຫ້ເລືອກແຕ່ສີຂາວ, ນ້ຳເງິນ ແລະດຳເທົ່ານັ້ນ.

ລາຄາຕອນນີ້ຍັງບໍ່ໄດ້ເປີດເຜີຍ ຄາດວ່າຈະອອກມາແຕ່ລະປະເທດບໍ່ແຕກຕ່າງຈາກລຸ້ນເດີມອາດຕ້ອງລໍຖ້າການມາຂອງ Samsung Galaxy A ກ່ອນວ່າຈະອອກມາແບບໃດ.

ນສພ ເສດຖະກິດ-ສັງຄົມ

แชร์