5 ເດືອນຕົ້ນປີນັກທ່ອງທ່ຽວເຂົ້າຫຼວງພະບາງ 89 ພັນຄົນ

ນະຄອນຫຼວງພະບາງ ເປັນໜຶ່ງຂົງເຂດມົນສະເໜ່ການທ່ອງທ່ຽວພາກເໜືອນ ທີ່ມີສະຖານທີ່ແຫຼງທ່ອງທ່ຽວຫຼາຍເປັນທີ່ຮູ້ຈັກກັນດີແຂກພາຍໃນ ແລະ ຕ່າງປະເທດ ພັດທະນາການທ່ອງທ່ຽວ.ໃນໄລຍະ5 ເດືອນຕົ້ນປີ 2022 ມີນັກທ່ອງທ່ຽວພາຍໃນແລະຕ່າງປະເທດເຂົ້າມາທ່ຽວຊົມ 89,378 ເທື່ອຄົນບັນລຸໄດ້ 29,77% (ແຜນການປີ300,141ເທື່ອຄົນ),ຫຼຸດຄາດໝາຍ210,763 ເທື່ອຄົນ,ເທົ່າກັບ70,23%;ໃນໄລຍະ 5ເດືອນຕົ້ນປີ2022 ສະເລ່ຍລາຍຮັບຈາກນັກທ່ອງທ່ຽວໄດ້12.54 ລ້ານໂດລາສາຫະລັດ,ເທົ່າກັບ 56,23%(ແຜນການ53.54 ລ້ານໂດລາສາຫະລັດ),ຫຼຸດຄາດໝາຍ 76,58%;

ທ່ານ  ວຽງທອງ ຫັດສະຈັນ ເຈົ້າຄອງນະຄອນຫຼວງພະບາງ ໃຫ້ຂໍ້ມູນວ່າ: ປະຈຸບັນ ທົ່ວແຂວງ ມີແຫຼ່ງທ່ອງທ່ຽວ 228ແຫ່ງ;ໃນນັ້ນ,ມີແຫຼ່ງທ່ອງທ່ຽວທຳມະຊາດ111ແຫ່ງ,ເທົ່າກັບ48,68%,ວັດທະນະທຳ78ແຫ່ງເທົ່າກັບ34,21% ແລະແຫຼ່ງທ່ອງທ່ຽວປະຫວັດສາດ39ແຫ່ງເທົ່າກັບ17,10%;ສ້າງບ້ານໃຫ້ເປັນບ້ານທ່ອງທ່ຽວ ແບບອະນຸຮັກປະຊາຊົນມີສ່ວນຮ່ວມໄດ້ 4ບ້ານຄື:ບ້ານຈ່ານເໜືອ,ເມືອງຈອມເພັດ;ບ້ານນາຍາງໃຕ້,ເມືອງນໍ້າບາກ;ບ້ານຊ່າງໄຫ,ເມືອງປາກອູແລະເຂດມໍລະດົກໂລກນະຄອນຫຼວງພະບາງ(ແຜນການປີ4ບ້ານ,ບັນລຸເກີນຄາດໝາຍ);ຍົກລະດັບຄວາມຮູ້ຄວາມສາມາດໃຫ້ແກ່ບຸກຄະລາກອນໃນຂົງເຂດທ່ອງທ່ຽວ ທັງພາກລັດ ແລະພາກທຸລະກິດພາຍໃນ 5 ເດືອນຕົ້ນປີ2022ໄດ້549 ຄົນ,ຍິງ152 ຄົນ(ພາກລັດມີ 264 ຄົນ,ຍິງ100ຄົນ ແລະພາກທຸລະກິດທີ່ໄດ້ຝຶກມາດຕະຖານLaoSafe ມີ285ຄົນ,ຍິງ72ຄົນ,ເທົ່າກັບ73%(ແຜນການປີ 750 ຄົນ);ສະຫຼຸບແລະປະເມີນຜົນການຈັດຕັ້ງປະຕິບັດ.

 ການເປີດການທ່ອງທ່ຽວເຂດພື້ນທີ່ສີຂຽວໄລຍະທີ1 ແລະຮ່າງແຜນກະກຽມເພື່ອຮອງຮັບການເປີດການທ່ອງທ່ຽວເຂດພື້ນທີ່ສີຂຽວ ແລະເສັ້ນທາງການທ່ອງທ່ຽວສີຂຽວໄລຍະ2;ຮ່າງແຜນການຈັດຕັ້ງປະຕິບັດ ເພື່ອພັດທະນາ ແລະປັບປຸງການທ່ອງທ່ຽວຂອງແຂວງ ໃຫ້ໄດ້ມາດຕະຖານການທ່ອງທ່ຽວຂອງ ສປປ ລາວ ແລະອາຊຽນໃນຕໍ່ໜ້າ;ໄດ້ຄັດເລືອກ ແລະຈັດບຸລິມະສິດບັນດາແຫຼ່ງທ່ອງທ່ຽວ

ສຳລັບການສຳຫຼວດ,ຈັດສັນ ກຳນົດຂອບເຂດ,ປັກຫຼັກໝາຍ ແລະອອກໃບຢັ້ງຢືນ ຂອບເຂດແຫຼ່ງທ່ອງທ່ຽວ;ເພື່ອປັບປຸງສິ່ງອຳນວຍຄວາມສະດວກຫຼວງພະບາງແລະວັດຊຽງທອງ;ສ້າງລົງສຳຫຼວດແຫຼ່ງທ່ອງທ່ຽວຕາດກວາງຊີ ກະກຽມເປີດການທ່ອງທ່ຽວໃນເຂດພື້ນທີ່ສີຂຽວ;ສຳຫຼວດຈຸດຕິດຕັ້ງບ່ອນຂາຍປີ້ຢູ່ແຫຼ່ງທ່ອງທ່ຽວພູສີ,ຫໍພິພິທະພັນແຫ່ງຊາດແລະຈັດພິມແຜນທີ່ການທ່ອງທ່ຽວຂອງແຂວງ,ເສັ້ນທາງການບິນທະບາດ ຂອງພະສົງ-ສຳມະເນນ ແລະການທ່ອງທ່ຽວແບບອະນຸຮັກປະຊາຊົນມີສ່ວນຮ່ວມ ພາຍໃນນະຄອນ,ຕິດຕັ້ງປ້າຍ,ສິ່ງພິມການປູກຈິດສຳນຶກ ແລະວຽກງານປ້ອງກັນເຊື້ອພະຍາດໂຄວິດ-19 ໂດຍການສະໜັບສະໜູນທຶນ ຈາກອົງການໄຈກາ; ສຳເລັດການສ້າງເວັບໄຊ້ ແລະຖານຂໍ້ມູນສະຖິຕິການທ່ອງທ່ຽວຂອງແຂວງດ້ວຍລະບົບສື່ແບບໃໝ່; ພັດທະນາການທ່ອງທ່ຽວ ໃຫ້ໄດ້ມາດຕະຖານການທ່ອງທ່ຽວ ອາຊຽນ ສາມາດຍາດໄດ້ 4 ລາງວັນຄື:ລາງ,ວັນມາດຕະຖານເມືອງທ່ອງທ່ຽວ,ອາຊຽນ,(ນະຄອນ ຫຼວງະບາງ)

แชร์