ສໍາຜັດທໍາມະຊາດງາມທີ່ຕາດກະຈຳ ເມືອງຊຽງເງິນ

  ປະຈຸບັນວຽກງານການທ່ອງທ່ຽວໄດ້ກາຍເປັນໜຶ່ງໃນຂະແໜງຍຸດທະສາດທີ່ເປັນເສົາຄ້ຳແກ່ການພັດທະນາເສດຖະກິດ-ສັງຄົມຂອງປະເທດຍ້ອນວ່ສາມາດ ນຳລາຍໄດ້ເປັນເງິນຕາເຂົ້າປະເທດ ຢ່າງຫຼວງຫຼາຍ,ພ້ອມທັງກະຕຸກຊຸກຍູ້ໃຫ້ຂະແໜງການອື່ນໆມີການຂະຫຍາຍຕົວແລະພັດທະນາໄປພ້ອມໆ ກັນ.

    ຕາດກະຈຳຖືເປັນອີກສະຖານທີ່ທ່ອງທ່ຽວທາງທໍາມະຊາດທີ່ນັກທ່ອງທ່ຽວທັງພາຍໃນ ແລະຕ່າງປະເທດ ໂດຍສະເພາະຊາວຫຼວງພະບາງໃຫ້ຄວາມສົນໃຈໄປທ່ຽວຊົມຢ່າງບໍ່ຂາດສາຍຍິ່ງໃນວັນເສົາ-ວັນອາທິດຍິ່ງມີບັນຍາກາດຟົດຟື້ນທັງນີ້ກໍຍ້ອນວ່າຕາດກະຈໍາມີຄວາມສວຍງາມ, ອາກາດກໍເຢັນສະບາຍດີ, ມີຄວາມໂດດເດັ່ນບໍ່ຄືໃຜ,ນອກຈາກນັ້ນຍັງເປັນທີ່ຢູ່ອາໄສຂອງບັນດາສັດສາວາສິ່ງທັງຫຼາຍສະຖານທີ່ດັ່ງກ່າວຍັງມີແຫຼ່ງທ່ອງທ່ຽວຫຼາຍແຫ່ງສວຍງາມຕັ້ງຢູ່ຢັງຢາຍກັນກາຍເປັນທີ່ນິຍົມຂອງນັກທ່ອງທ່ຽວທັງພາຍໃນ ແລະຕ່າງປະເທດ.

  ຕາດດັ່ງກ່າວຕັ້ງຢູ່ເມືອງຊຽງ ເງິນຫ່າງຈາກເທສະບານແຂວງ ຫຼວງພະບາງປະມານ 40 ກິໂລແມັດມີເສັ້ນທາງສະດວກສະບາຍເອົາເປັນວ່າຖ້າມີໂອກາດໄດ້ເດີນທາງໄປເຂດ ດັ່ງກ່າວກໍຢ່າລືມໄປແວ່ຊົມກໍແລ້ວກັນເດີເຊື່ອແນ່ວ່າທ່ານຈະປະທັບໃຈຢ່າງແນ່ນອນ.

ໂດຍ: ວົງມະນີ

• 26/03/2019