ປະກາດແຕ່ງຕັ້ງສະພາວິທະຍາສາດ - ປະຫວັດສາດການທະຫານຢູ່ທະຫານແຂວງຫຼວງພະບາງ

ພິທີປະກາດແຕ່ງຕັ້ງສະພາວິທະຍາສາດ - ປະຫວັດສາດການທະຫານ ຂອງກອງບັນຊາການທະຫານແຂວງຫຼວງພະບາງ ໄດ້ຈັດຂື້ນໃນວັນທີ 21 ມິຖຸນາ 2022 ໂດຍການເປັນປະທານຂອງ ສະຫາຍ ພັນເອກ ວິຊຽນ ສີສະອາດ ຮອງຫົວໜ້າກົມວິທະຍາສາດ - ປະຫວັດສາດການທະຫານກະຊວງປ້ອງກັນປະເທດ, ມີສະຫາຍ ພັນເອກ ວິລ່ຽມ ວົງທິສານ ຫົວໜ້າການທະຫານກອງບັນຊາການທະຫານແຂວງຫຼວງພະບາງ, ມີຄະນະພັກ - ຄະນະບັນຊາອົງການ 5 ຫ້ອງ, ພະແນກການທີ່ກ່ຽວຂ້ອງເຂົ້າຮ່ວມ.
ສະຫາຍ ພັນໂທ ວິລະສິນ ມິດຕະພອນ ຮອງກອງບັນຊາການ, ຫົວໜ້າຫ້ອງການເມືອງທະຫານແຂວງ ໄດ້ຂື້ນຜ່ານຂໍ້ຕົກລົງເລກທີ 5885 ຂອງກະຊວງປ້ອງກັນປະເທດ, ລົງວັນທີ 31 ທັນວາ 2021 ວ່າດ້ວຍການແຕ່ງຕັ້ງສະພາວິທະຍາສາດ - ປະຫວັດສາດການທະຫານ ຂັ້ນຮາກຖານຂອງກອງບັນຊາການທະຫານແຂວງຫຼວງພະບາງ, ເຊິ່ງໃນນີ້ແມ່ນໄດ້ແຕ່ງຕັ້ງ ສະຫາຍ ພັນເອກ ວິລ່ຽມ ວົງທິສານ ຫົວນ້າການທະຫານ ເປັນປະທານ, ສະຫາຍ ພັນເອກ ສີວິໄຊ ເພັງສັນຕິສຸກ ຫົວໜ້າການເມືອງເປັນຮອງປະທານ,ສະຫາຍ ພັນໂທ ເກດແກ້ວ ຈຸນລະມະນີ ຫົວໜ້າພະແນກວິທະຍາສາດ - ປະຫວັດສາດການທະຫານເປັນຜູ້ປະຈໍາການ ແລະ ພ້ອມກັນນີ້ຍັງໄດ້ແຕ່ງຕັ້ງ ສະຫາຍ ພັນໂທ ວິລະສິນ ມິດຕະພອນ ຮອງຫົວໜ້າການເມືອງ,ສະຫາຍ ພັນໂທ ຄໍາສອນ ໂພທິວັນ ຮອງຫົວໜ້າການທະຫານ, ສະຫາຍ ພັນເອກ ຄໍາບົງ ໄຊຍະວົງສາ ຮອງຜູ້ຮັບຜິດຊອບວຽກງານເຕັກນິກ, ສະຫາຍ ພັນເອກ ທອງລາ ໄຊຍະວົງສັກ ຮອງຜູ້ຮັບຜິດຊອບວຽກງານພະລາ, ສະຫາຍ ພັນໂທ ສິງທອງ ອິນທະວອງ ຫົວໜ້າຫ້ອງການ ແລະ ບໍລິຫານ, ສະຫາຍ ພັນໂທ ຄໍາຮອນ ທອງແຊວກໍວິວັນ ຮອງຫ້ອງເສນາ, ສະຫາຍ ພັນໂທ ແຕ່ງເງິນ ຮອງຫ້ອງການ ແລະ ບໍລິຫານ, ສະຫາຍ ພັນໂທ ທອງສຸກ ທໍາມະວົງ ຫົວໜ້າພະແນກສູ້ຮົບ, ສະຫາຍ ພັນໂທ ອຸດົມ ສາຍມີໄຊ ຫົວໜ້າພແນກອົບຮົມ, ສະຫາຍ ພັນໂທ ທອງໄຊ ໄພຍະສິດ ຫົວໜ້າພະແນກໂຄສະນາອົບຮົມ, ສະຫາຍ ພັນໂທ ນາງ ຍອດທິດາ ບຸດຈັນແພງ ຫົວໜ້າພະແນກການເງິນ ແລະພັນຕີ ຈັນທະຄອນສັກ ນໍລະສິງ ຫົວໜ້າພະແນກຄົ້ນຄ້ວາສັງລວມເປັນຄະນະ.


ຕອນທ້າຍພິທີ ສະຫາຍ ພັນເອກ ວິຊຽນ ສີສະອາດ ຮອງຫົວໜ້າກົມວິທະຍາສາດ- ປະຫວັດສາດການທະຫານກະຊວງປ້ອງກັນປະເທດໄດ້ມີຄໍາເຫັນຊີ້ນໍາຕໍ່ຄະນະສະພາວິທະຍາສາດ - ປະຫວັດສາດການທະຫານ ແລະ ພະນັກງານວິຊາການທີ່ກ່ຽວຂ້ອງຈົງພ້ອມກັນຍົກສູງບົດບາດຄວາມຮັບຜິດຊອບຕໍ່ໜ້າທີ່ການເມືອງທີ່ຮັບມອບໝາຍ, ພ້ອມທັງຄົ້ນຄວ້າກວດຄືນບັນດາຜົນງານການເຄື່ອນໄຫວຂອງກອງບັນຊາການຕະຫຼອດໄລຍະການສ້າງຕັ້ງຈົນເຖິງປະຈຸບັນເພື່ອສັງລວມກ່ຽວກັບບັນດາຂໍ້ມູນກ່ຽວກັບເຫດການປະຫວັດສາດເພື່ອນຳສະເໜີຕໍ່ສະພາວິທະຍາສາດ - ປະຫວັດສາດການທະຫານຕາມແຕ່ລະຂັ້ນ, ໃນການຂຽນບົດ, ປຶ້ມມູນເຊື້ອຂອງກົມກອງ ໃຫ້ມີຄວາມໝາຍ - ຄວາມສໍາຄັນ ແລະມີບາດກ້າວໃໝ່ຂຶ້ນເລື້ອຍໆ ສ້າງເງື່ອນໄຂເຮັດໃຫ້ກົມກອງມີຄວາມເຂັ້ມແຂງ ແລະກາຍເປັນກອງທັບມີແບບແຜນທັນສະໃໝຂື້ນເປັນກ້າວໆ.

แชร์