ແຂວງສະຫວັນນະເຂດ ປາຖະກະຖາ 3 ວັນສໍາຄັນ ທາງປະຫວັດສາດ

ໃນວັນທີ 16 ມິຖຸນາ 2022 ຄະນະໂຄສະນາອົບຮົມແຂວງສະຫວັນນະເຂດ ໄດ້ຈັດພິທີເຜີຍແຜ່ເອກະສານ 3 ວັນ ປະຫວັດສາດສໍາຄັນ ຄື: ວັນເກີດທ່ານ ແອຣເສໂຕ ເຈ ເກວາຣາ ຄົບຮອບ 94 ປີ(14/6/1928-14/6/2022), ວັນວິລະກໍາໂຕນຄຸກຢ່າງມະຫັດສະຈັນຂອງບັນດາຜູ້ນໍາຂອງພັກແລະແນວລາວຮັກຊາດຄົບຮອບ 62ປີ(24/5/1960-24/5/2022) ແລະ ວັນເກີດປະທານໂຮ່ຈີມິນ ຄົບຮອບ 132ປີ(19/5/1890-19/5/2022) ຊຶ່ງພິທີໄດ້ຈັດຂຶ້ນຢູ່ທີ່ສະໂມສອນຂອງຫ້ອງວ່າການປົກຄອງແຂວງສະຫວັນນະເຂດ. ໂດຍໃຫ້ກຽດເປັນປະທານຂອງ ທ່ານ ຄໍາຫຼ້າ ພະພິທັກ ຮອງຫົວໜ້າຄະນະໂຄສະນາອົບຮົມແຂວງ, ມີພະແນກກການອ້ອມຂ້າງແຂວງ, ອົງການຈັດຕັ້ງມະຫາຊົນສະມາຊິກພັກພະນັກງານ ແລະແຂກທີ່ຖືກເຊີນເຂົ້າຮ່ວມ.

ໃນໂອກາດນີ້, ທ່ານ ບຸນທ່ຽງ ພອນວິໄລ ຫົວໜ້າຂແໜງ ໂຄສະນາປາຖະກະຖາເຄື່ອນທີ່ກໍ່ໄດ້ຂຶ້ນເຜີຍແຜ່ເຊື່ອມຊຶມເອກະສານວັນ ວັນເກີດທ່ານ ແອຣເສໂຕ ເຈ ເກວາຣາ ຄົບຮອບ 94ປີ ເຊິ່ງທ່ານໄດ້ຍົກໃຫ້ເຫັນເຖິງ ຊີວິດ ແລະການເຄື່ອນໄຫວ, ຜົນງານ ແລະຄຸນງາມຄວາມດີ,ຄວາມສາມາດອາດຫານເຊິ່ງທ່ານເປັນຄົນປະເທດ ອາເຈນຕິນາ, ທ່ານ ເຈ ເກວາຣາ ແມ່ນນັກສູ້ຮົບທີ່ກ້າແກ່ນ, ແມ່ນຜູ້ນໍາທີ່ຫາຜູ້ປຽບທຽບໄດ້ຍາກ, ເປັນຜູ້ບັນຊາການທະຫານທີ່ດີເລີດ,ເປັນບຸກຄົນແບບຢ່າງຊຶ່ງທຸກຄົນຄວນຮໍ່າຮຽນ.

ຈາກນັ້ນ, ທ່ານ ຄໍາຫຼ້າ ພະພິທັກ ຮອງຫົວໜ້າຄະນະໂຄສະນາອົບຮົມແຂວງກໍ່ໄດ້ເຜີຍແຜ່ເອກະສານວັນວິລະກໍາໂຕນຄຸກຢ່າງມະຫັດສະຈັນຂອງບັນດາຜູ້ນໍາຂອງພັກແລະແນວລາວຮັກຊາດຄົບຮອບ 62ປີ ແລະວັນເກີດປະທານໂຮ່ຈີມິນ ຄົບຮອບ 132ປີ ຕື່ມອີກດວ້ຍ.

แชร์