ທ່ານ ນາງ ອໍລະໄທ ສັນຕິຄົງຄາ ໄດ້ຮັບແຕ່ງຕັ້ງປະທານ ສຄອ ເມືອງສີສັດຕະນາກ ຄົນໃໝ່

ວັນທີ 13 ມິຖຸນາ 2022 ທີ່ໂຮງແຮມແລນມາກ ນະຄອນຫຼວງວຽງຈັນ ໄດ້ມີພິທີສ້າງຕັ້ງຄະນະບໍລິຫານງານສະພາການຄ້າ ແລະອຸດສາຫະກໍາ (ສຄອ) ເມືອງສີສັດຕະນາກ ນະຄອນຫຼວງວຽງຈັນ ເປັນປະທານຂອງທ່ານ ນາງ ວັນມະນີ ພິມມະສານ ຫົວໜ້າພະແນກອຸດສາຫະກຳ ແລະກາຄ້າ ນວ ທ່ານ ປອ ທິນນະກອນ ທອງຄຳ ຮັກສາການເຈົ້າເມືອງສີສັດຕະນາກທ່ານ ສຽວສະຫວາດ ສະແຫວງສຶກສາ ປະທານທີ່ປຶກສາກິດຕິມະສັກ ສຄອ ແຫ່ງຊາດລ່ວທ່ານສັງຄົມ ຈັນສຸກ ປະທານ ສຄອ ນວ ພ້ອມດ້ວຍແຂກຖືກເຊີນ ແລະພາກສ່ວນກ່ຽວຂ້ອງເຂົ້າຮ່ວມ.

ໂດຍປະຕິບັດຕາມຂໍ້ຕົກລົງຂອງທ່ານເຈົ້າເມືອງສີສັດຕະນາກ ແລະປະທານ ສຄອ ນວ ວ່າດ້ວຍການສ້າງຕັ້ງ ສຄອ ເມືອງສີສັດຕະນາກ ແລະ ຮັບຮອງເອົາຄະນະຜູ້ບໍລິຫານ ສຄອ ເມືອງ ແລະສະມາຊິກ ສຄອ ເມືອງເພື່ອປະກອບສ່ວນເຄື່ອນໄຫວຕາມຂໍ້ກຳນົດກົດລະບຽບ ແລະກົດໝາຍໃນການເຜີຍແຜ່ກ່ຽວກັບບົດບາດສິດໜ້າທີ່ ແລະຈຸດປະສົງເປັນການປຸກລະດົມຂົນຂວາຍເຕົ້າໂຮມບັນດາຫົວໜ່ວຍທຸລະກິດເປັນຕົວແທນພາກທຸລະກິດສະເໜີຄວາມຄິດເຫັນຕໍ່ອົງການຈັດຕັ້ງຂອງລັດທີ່ກ່ຽວຂ້ອງ ກ່ຽວກັບການສ້າງ ແລະການປັບປຸງບັນດາກົດໝາຍຂໍ້ກຳນົດກົດລະບຽບຕ່າງໆທີ່ກ່ຽວຂ້ອງກັບບັນດາຂົງເຂດທຸລະກິດ.

ເພື່ອບັນລຸຕາມຈຸດປະສົງດັງກ່າວຈຶ່ງໄດ້ມີການສ້າງຕັ້ງ ສຄອ ເມືອງຂຶ້ນ ເຊິ່ງປະກອບມີ 13 ທ່ານ ໃນນັ້ນ ມີທ່ານ ນາງ ອໍລະໄທ ສັນຕິຄົງຄາ ຜູ້ອຳນວຍການບໍລິສັດ ກຣິດຕິພົງກຣຸບ ຈຳກັດ ເປັນປະ ທານ ສຄອ ເມືອງສີສັດຕະນາກ ພ້ອມດ້ວຍຮອງປະທານ4 ທ່ານ ມີທ່ານ ປອ ປະສິດທິຜົນ ພອນວັນທາ ຜູ້ອຳນວຍການໂຮງຮຽນນານາຊາດ ທ່ານ ນາງ ສິລິຄູນ ພູມລາວັນ ໂຮງງານນໍ້າດື່ມໂອວີທ່ານ ນາງ ນີລະວັນ ວິຣະຖາວອນ ຜູ່ອຳນວຍການໂຮງຮຽນວິຣະຖາວອນ ແລະຄະນະອີກຈຳນວນ 7 ທ່ານ ພ້ອມດຽວກັນນັ້ນກໍຮັບຮອງເອົາສະມາຊິກ ສຄອ ເມືອງອີກຈຳນວນ 17 ທ່ານ (ຫົວໜ່ວຍຜູ້ປະກອບການທຸລະກິດ) ເພື່ອປະກອບເຂົ້າໃນ ສຄອ ເມືອງສີສັດຕະນາກ.

ຂ່າວ ບຸນນິກ

แชร์