ກອງປະຊຸມ ເຜີຍແຜ່ຍຸດທະສາດແຜນການຈັດຕັ້ງປະຕິບັດວຽກງານແຫ່ງຊາດ ດ້ານໂພຊະນາການ

ວັນທີ 13 ມິຖຸນາ 2022 ທີ່ພະແນກສາທາລະນະສຸກແຂວງອຸດົມໄຊ ຈັດກອງປະຊຸມເຜີຍແຜ່ຍຸດທະສາດແຜນການຈັດຕັ້ງປະຕິບັດວຽກງານແຫ່ງຊາດດ້ານໂພຊະນາການໂດຍການເປັນປະທານຂອງທ່ານ ສົມຈິດ ປັນຍາສັກ ຮອງເຈົ້າແຂວງອຸດົມໄຊ, ມີຮອງເຈົ້າເມືອງ, ມີຄະນະໂພສະນາການຈາກຂັ້ນເມືອງ ຫຼືຄູ່ຮ່ວມພັດທະນາຂອງໂຄງການເຂົ້າຮ່ວມຢ່າງພ້ອມພຽງ.

ເພື່ອທົບທວນແຜນປະຕິບັດງານແຫ່ງຊາດທາງດ້ນໂພຊະນາການ ແຕ່ປີ 2021-2025 ໂດຍສະເພາະບັນດາມາດຕະການ, ຕົວຊີບອກ ແລະ ກິດຈະກຳຕ່າງໆ ສົນທະນາ, ປືກສາຫາລືສິ່ງທ້າທາຍ ແລະແຜນການໃນຕໍ່ໜ້າຂອງແຜນປະຕິບັດງານແຫ່ງຊາດທາງດ້ນໂພຊະນາການ ແຕ່ປີ 2021-2025 ເພື່ອກະກຽມຄວາມພ້ອມ ແລະ ເຂົ້າໃຈຢ່າງຈະແຈ້ງ ໃນການລາຍງານການຈັດຕັ້ງປະຕິບັດໃນປີ 2022. ວຽກງານໂພຊະນາການ ເຊິ່ງກົດໝາຍອະນາໄມກັນພະຍາດສົ່ງເສີມສຸຂະພາບສະບັບປັບປຸງ 2012 ໄດ້ກໍານົດອອກຢ່າງຈະແຈ້ງ ຄໍາວ່າ ໂພຊະນາການແມ່ນຕ່ອງໂສ້: ການມີອາຫານ, ການເຂົ້າເຖິງ, ການສາມາດຈ່າຍ, ມີອາຫານເວລາໄພພິບັດ, ການບໍລິໂພກອາຫານປອດໄພ, ການມີພັດທະນາການຂອງຮ່າງກາຍ ແລະ ມັນສະໝອງທີ່ດີ (ປະຊາຊົນທຸກຖ້ວນໜ້າມີສຸຂະພາບທີ່ດີໂດຍສະເພາະແມ່ຍິງ ແລະເດັກນ້ອຍ) ພ້ອມນີ້ກອງປະຊຸມຍັງໄດ້ສະເໜີກອບແນວຄວາມຄິດ ແລະ ແຜນຍຸດທະສາດ ຂອງແຜນປະຕິບັດງານແຫ່ງຊາດດ້ານໂພຊະນາການ 2021 - 2025  ນາໍສະເໜີພາບລວມແຜນປະຕິບັດ ແລະຕົວຊີ້ບອກວຽກງານໂພຊະນາການຂັ້ນແຂວງ 2021 - 2025,  ໂອກາດດັ່ງກ່າວ ທ່ານ ສົມຈິດ ປັນຍາສັກ ຮອງເຈົ້າແຂວງໆອຸດົມໄຊ ໄດ້ເນັ້ນໃຫ້ ຄະນະນໍາແຕ່ລະຂັ້ນຈົ່ງສືບຕໍ່ລົງຕິດຕາມຊຸກຍູ້ຢ່າງໃກ້ຊິດຕິດແທດໃນການຈັດຕັ້ງປະຕິບັດບັນດາອົງປະກອບຄື: ແກ້ໄຂບັນຫາໂດຍກົງຂອງພາວະໂພຊະນາການບໍ່ດີ,ແກ້ໄຂບັນຫາທາງອ້ອມຂອງພາວະໂພຊະນາການບໍ່ດີ,ແກ້ໄຂບັນຫາພື້ນຖານຂອງພາວະໂພຊະນາການບໍ່ດີ ແລະສ້າງສະພາບແວດລ້ອມທີ່ເອື້ອອຳນວຍສໍາລັບວຽກງານໂພຊະນາການ ເພື່ອບັນລຸຕາມຈຸດປະສົງຂອງຍຸດທະສາດໂພຊະນາການແຫ່ງຊາດເຊັ່ນ ປັບປຸງການບໍລິໂພກອາຫານ. ປັບປຸງນໍ້າ ແລະ ສຸຂະພິບານ, ສົ່ງເສີມການອະນາໄມ, ກັນ ແລະຄວບຄຸມພະຍາດ, ເພີ້ມການມີ ແລະເຂົ້າເຖິງອາຫານທີ່ມີຄຸນຄ່າທາງດ້ານໂພຊະນາການ, ສົ່ງເສີມຄວາມຮູ້ ແລະປັບປຸງພຶດຕິກຳກ່ຽວກັບອາຫານທີ່ມີຄຸນຄ່າທາງດ້ານໂພຊະນາການ, ເພີ່ມການເຂົ້າເຖິງການບໍລິການສຸຂະພາບ ແລະໂພຊະນະການທີ່ມີຄຸນະພາບສ້າງຄວາມເຂັ້ມແຂງທາງດ້ານຄວາມສາມາດ ລວມທັງການຄຸ້ມຄອງ,ການບໍລິຫານ ແລະປະສານງານໃຫ້ແກ່ອົງກອນ,ສ້າງຄວາມເຂັ້ມແຂງໃຫ້ແກ່ຊັບພະຍາກອນມະນຸດ, ປັບປຸງການບໍລິການທາງດ້ານສາທາລະນະສຸກແນ່ໃສ່ການປົກຄຸມທາງດ້ານສຸຂະພາບທຸກຖ້ວນໜ້າ, ປັບປຸງການຄຸ້ມຄອງຂໍ້ມູນ ແລະການນໍາໃຊ້ຫຼັກຖານເພື່ອການຕັດສິນໃຈ, ປັບປຸງການຄຸ້ມຄອງການເງິນ ແລະ ເພີ່ມການລົງທຶນເຂົ້າໃນວຽກງານໂພຊະນາການ, ຮັບປະກັນການກຽມພ້ອມ - ຕອບໂຕ້ ຕໍ່ໄພພິບັດ ແລະພາວະສຸກເສີນຢ່າງມີປະສິດຜົນລວມທັງການປົກປ້ອງທາງສັງຄົມ, ເພີ່ມທະວີວຽກງານການສື່ສານເພື່ອປ່ຽນແປງພຶດຕິກຳຂອງສັງຄົມດ້ານໂພຊະນາການ ແລະສົ່ງເສີມຄວາມສະເໝີພາບຍິງ - ຊາຍ ຕື່ມອີກ.

แชร์