ຖວທ ແຂວງວຽງຈັນ ຊຸກຍູ້ວຽກງານທ່ອງທ່ຽວຢູ່ຣີສອດສວນເສືອປ່າ

ວັນທີ 8 ມິຖຸນາ 2022ນີ້,ທ່ານນາງອິ່ນຄໍາ ພັນດາລາ ຫົວໜ້າພະແນກຖະແຫລງຂ່າວ, ວັດທະນະທໍາ ແລະ ທ່ອງທ່ຽວແຂວງວຽງຈັນພ້ອມດ້ວຍຄະນະໄດ້ລົງເຄື່ອນໄຫວວຽກງານຢູ່ຣີສອດສວນເສືອປ່າ,ຮ້ານອາຫານເສືອປ່າຣີເວິໄຊ້ໂດຍການນໍາພາຄະນະຂອງທ່ານນາງ ວົງເດືອນ ວັດຕະໂສ ເຈົ້າເມືອງທຸລະຄົມ,ພ້ອມນັ້ນຍັງມີ ທ່ານນາງ ຈັນທະບູນ ໂພສາລາດຄະນະປະຈໍາພັກແຂວງ,ຫົວໜ້າຄະນະຈັດຕັ້ງແຂວງວຽງຈັນ,ຜູ້ຊີ້ນໍາວຽກງານປະຈໍາເມືອງທຸລະຄົມ,ມີຫົວໜ້າຫ້ອງການຖະແຫລງຂ່າວ, ວັດທະນະທໍາແລະທ່ອງທ່ຽວເມືອງທຸລະຄົມ,ຫົວໜ້າ,ຮອງຫົວໜ້າຂະແໜງທ່ອງທ່ຽວ,ອໍານວຍການຣີສອດສວນເສືອປ່າ-ຮ້ານອາຫານເສືອປ່າຣີເວີ້ໄຊ້ ພ້ອມພັນລະຍາ,ເຈົ້າຂອງສວນໝາກຖົ່ວລຽນພູຖໍ້າຄໍາແລະພາກ ສ່ວນກ່ຽວຂ້ອງເຂົ້າຮ່ວມ;
ສຳລັບການລົງມາເຮັດວຽກຄັ້ງນີ້ ສໍາລັບຢູ່ຣີສອດສວນເສືອປ່າ-ຮ້ານອາຫານເສືອປ່າຣີເວີໄຊ້ ເພື່ອຊຸກຍູ້ໃຫ້ກໍາລັງໃຈເຈົ້າຂອງທຸລະກິດສືບຕໍ່ປັບປຸງ,ພັດທະນາກິດຈະການໃຫ້ໄດ້ມາດຕະຖານຂຶ້ນໄປເລື້ອຍໆ ເພື່ອຟື້ນຟູການທ່ອງທ່ຽວ, ຮອງຮັບນັກທ່ອງທ່ຽວພາຍໃນຫລື ຕ່າງປະເທດ ທີ່ເຂົ້າມາທ່ອງທ່ຽວເມືອງທຸລະຄົມ ກໍ່ຄືແຂວງວຽງຈັນ ກາຍເປັນເຄືອຂ່າຍຕ່ອງໂສ້ການທ່ອງທ່ຽວສີຂຽວ,ຍືນຍົງແບບປະຊາຊົນມີສ່ວນຮ່ວມ ທີ່ສອດຄ່ອງກັບກົນໄກເປີດກວ້າງການທ່ອງທ່ຽວ ກະຕຸ້ນເສດຖະກິດ-ກະຈາຍລາຍໄດ້ສູ່ສັງຄົມ ທີ່ລັດຖະ ບານ ແລະ ຂະແໜງ ຖວທ ວາງອອກ, ບົນພື້ນຖານເງື່ອນໄຂການດໍາລົງຊີວິດປົກກະຕິແບບໃໝ່, ເຊິ່ງໃນຄໍາເຫັນຂອງທ່ານຫົວໜ້າພະແນກ ຖວທ ແຂວງບາງຕອນກ່າວວ່າ: ໂດຍລວມ ແລະ ຄວາມເປັນຈິງແລ້ວ ຕະຫລອດໄລຍະຜ່ານມາຄະນະນໍາຂອງພະແນກ ຖວທ ແຂວງ ຮັບຮູ້ດີ, ທັງມີຄວາມເຊື່ອໝັ້ນ ແລະ ເອກອ້າງທະນົງໃຈກ່ຽວກັບຊື່ສຽງ ແລະ ການພັດທະນາຂອງຣີສອດສວນເສືອປ່າ, ເຊິ່ງເປັນທຸລະກິດບໍລິການ-ການທ່ອງທ່ຽວທີ່ໄດ້ສ້າງຊື່ສຽງໃຫ້ແຂວງວຽງຈັນ,
ນອກນັ້ນບັນດານັກທ່ອງທ່ຽວເມືອງໃກ້ຄຽງ ແລະ ບ່ອນອື່ນໆກໍ່ຮັບຮູ້ ແລະ ນິຍົມກັນມາທ່ອງທ່ຽວ, ມາໃຊ້ບໍລິການ, ພັກຜ່ອນຕາກອາກາດ; ຜ່ານມາທາງພະແນກ ກໍ່ຄືຄະນະປະສານງານໂຄງການພັດທະນາໂຄງລ່າງພື້ນຖານເພື່ອສົ່ງເສີມ ແລະ ພັດ ທະນາການທ່ອງທ່ຽວ (ADB) ໄດ້ລົງມາປະເມີນຈັດລະດັບການທ່ອງທ່ຽວ ເພື່ອຊຸກຍູ້ຫົວໜ່ວຍທຸລະກິດປັບປຸງຂອດບໍລິການບາງດ້ານໃຫ້ດີຂຶ້ນຕື່ມ ເພື່ອນໍາສະເໜີພິຈາລະນາຮັບຮອງເປັນສະຖານທີ່ທ່ອງທ່ຽວມາດຕະຖານອາຊ່ຽນໃນອະ ນາຄົດ ຕາມນະໂຍບາຍສົ່ງເສີມ ແລະ ພັດທະນາການທ່ອງທ່ຽວ; ໂອກາດດຽວກັນຄະນະດັ່ງກ່າວຍັງ ໄດ້ມອບຖັງຂີ້ເຫຍື້ອ ຈໍານວນ 9 ໜ່ວຍ ໃຫ້ຣີສອດສວນເສືອປ່າ,
ທ່ານ ນາງ ວັດທະນາ ຣາຊາສົມບັດ ເຈົ້າຂອງ ສວນເສືອປ່າ ລີສອດ ສວນອາຫານ ໃຫ້ຮູ້ ວ່າ: ແຫຼ່ງທ່ອງທ່ຽວສວນເສືອປ່າ ເພິ່ນຈະມີບໍລິການອາຫານ,ສະລອຍນ້ຳ,ເຄື່ອງຫຼີ້ນເດັກນ້ອຍ,ບ່ອນຊົມວີວຖ່າຍຮູບຕິດທຳມະຊາດ,ລອງເຮືອ ພິເສດທາງສວນມີບໍລິການແບບປິກນິກແບບໝູ່ຄູ່,ຄອບຄົວຫຼືຄົນພິເສດ, ຊຶ່ງລາຄາອາຫານເພິ່ນເລີ່ມແຕ່15 ພັນກີບຫາ50 ພັນກີບ,ນອກນີ້ມີເຕັ້ນບໍລິການ 100 ເຕັ້ນພັດລົມ,ຫ້ອງນອນຕິດແອ 27 ຫ້ອງລາຄາຈະເລີ່ມແຕ່ແສນຫ້າສີບພັນກີບຮອດຫ້າແສນກີບ ນອກຈາກມີບໍລິການເວົ້າມາເພິ່ນຍັງມີກິດຈະກຳລ່ອງເຮືອນ້ຳງື່ມກິນປາທຳມະຊາດ ແລະ ອື່ນໆຫຼາຍຢ່າງແບບວ່າມາບ່ອນດຽວຄົບຈົບທຸກຢ່າງຄວາມມ່ວນຊື່ນທີ່ສຳຄັນແຫຼ່ງທ່ອງທ່ຽວເພິ່ນສ້າງວຽກເຮັດງານທຳປະຊາຊົນບໍລິເວນ 50 ຄົນ.ສະຖານທີ່ສວນເສືອປ່າ ຂອງເພິ່ນແມ່ນຕັ້ງຢູ່ແຂວງວຽງຈັນບ້ານນາເພີຍ ເມືອງທຸລະຄົມ ບ້ານເກີນ ແຂວງວຽງຈັນ ທາງເຂົ້າ ສວນສັດບ້ານເກີນ ກາຍໄປປະປານ 6 ດີໂລແມັດ,

ຂ່າວ ບຸນນິກ

แชร์