ຖ້ຳຊຽງລຽບ ອີກໜຶ່ງສະຖານທີ່ທ່ອງທ່ຽວ

  ແຂວງຄໍາມ່ວນເປັນດິນແດນທີ່ມີຄວາມຫຼາກຫຼາຍທາງດ້ານທໍາ ມະຊາດ, ທັງມີພູຜາ, ປ່າໄມ້ ແລະ ນໍ້າຕົກຕາດທີ່ມີຊື່ສຽງນອກນັ້ນຍັງມີຄວາມໂດດເດັ່ນທາງດ້ານວັດທະນະທໍາ, ປະຫວັດສາດ ແລະທໍາມະຊາດທີ່ສວຍສົດງົດງາມຫຼາຍແຫ່ງ.ສ່ວນການເດີນທາງໄປແຂວງຄໍາມ່ວນ ເປັນເລື່ອງທີ່ງ່າຍຫຼາຍ ໂດຍມີ ເສັ້ນທາງບົກໂດຍເຊື່ອມຕໍ່ກັບບັນດາແຂວງ ແລະປະເທດໃກ້ຄຽງໃຫ້ມີຄວາມສະດວກສະບາຍໃນການເດີນ ທາງເຂົ້າມາທ່ຽວຊົມ.

ຖ້ຳຊຽງລຽບ ເປັນອີກໜຶ່ງແຫຼ່ງທ່ອງທ່ຽວທາງວັດທະນະທຳທີ່ຕິດພັນກັບທຳມະຊາດອັນສວຍສົດງົດ ງາມທີ່ໜ້າທ່ຽວຊົມແລ້ວຖໍ້າດັ່ງກ່າວ   ນອກຈາກຈະເປັນສະຖານທີ່ທ່ອງ ທ່ຽວທາງດ້ານວັດທະນະທຳແລ້ວ ຍັງເປັນສະຖານທີທ່ອງທ່ຽວທາງ ທຳມະຊາດນຳອີກເນື່ອງຈາກວ່າຖໍ້າ ເຕັມໄປດ້ວຍທໍາມະຊາດປ່າໄມ້ທີ່ ຂຽວສົດງົດງາມອາກາດເຢັນສົດຊືມ ບວກກັບສັດນ້ອຍໃຫຍ່ສົ່ງສຽງດັງ  ກ້ອງລະງົມທີ່ຟັງແລ້ວໜ້າຫຼົງໄຫຼມ່ວນຊືນໄປກັບມັນເຮັດໃຫ້ລືມຄວາມ ອິດເມື່ອຍຈາກການເດີນທາງ.

  ຖ້ຳຊຽງລຽບ “ຊຽງ” ໝາຍຄວາມວ່າຜູ້ທີ່ເຄີຍບວດເປັນສຳມະເນນ ແລະ“ລຽບ” ໝາຍຄວາມວ່າ ຍ່າງອ້ອມ. ຕາມນິທານກ່າວວ່າ: ແຕ່ກ່ອນມີຊຽງນ້ອຍຜູ້ໜຶ່ງມັກລູກສາວພະລືສີລາວໄດ້ຍ່າງອ້ອມບໍລິ ເວນນັ້ນເພື່ອຫາໂອກາດເຂົ້າໄປລັກ ເອົານາງຢູ່ໃນຖ້ຳ.ປະຈຸບັນນີ້ຢູ່ໃນຖ້ຳດັ່ງກ່າວເປັນບ່ອນອາໄສຂອງປາຝາ ແລະຝູງໂຕເຈຍ. ຖ້ຳຊຽງ ລຽບ ຕັ້ງຢູ່ບໍລິເວນບ້ານສອງຄອນ ເມືອງທ່າແຂກ, ຫ່າງຈາກຕົວເມືອງ 12 ກິໂລແມັດ.

ໂດຍ: ວົງມະນີ

• 25/03/2019