“ຮ່ວມປູກຕົ້ນໄມ້ ສານສຳພັນມິດຕະພາບລາວ-ຈີນ”

ເພື່ອເປັນການສະເຫຼີມສະຫຼອງວັນປູກຕົ້ນໄມ້ແຫ່ງຊາດ ຂອງ ສປປ ລາວ ແລະ “ວັນສິ່ງແວດລ້ອມໂລກ”, ໃນວັນທີ 1 ມິຖຸນາ 2022 ເຂື່ອນໄຟຟ້ານໍ້າອູ 5 ແລະ ໂຄງການເຂື່ອນໄຟຟ້ານໍ້າອູທີ່ໄດ້ລົງທຶນກໍ່ສ້າງໂດຍບໍລິສັດ POWERCHINA ໄດ້ຮ່ວມກັບພະແນກກະສິກຳ ແລະປ່າໄມ້ ແຂວງຫຼວງພະບາງ, ແລະ ອໍານາດການປົກຄອງຂອງເມືອງພູຄູນ ໄດ້ຈັດກິດຈະກຳປູກຕົ້ນໄມ້ 600 ກວ່າຕົ້ນຂຶ້ນຢູ່ເຂດເທດສະບານເມືອງພູຄູນ ໂດຍມີຕົວແທນຈາກຫ້ອງການກະສິກຳ ແລະ ປ່າໄມ້ ປະຈໍາທ້ອງຖິ່ນ, ໂຮງຮຽນ, ຄະນະບ້ານ ແລະຜູ້ຕາງໜ້າຈາກບໍລິສັດຜະລິດໄຟຟ້ານໍ້າອູ, ບໍລິສັດຜະລິດໄຟຟ້ານໍ້າງື່ມ 5 ເຂົ້າຮ່ວມເປັນຈຳນວນ 200 ກວ່າຄົນ, ທັງນີ້ກໍເພື່ອເປັນການສົ່ງເສີມການອະນຸລັກສິ່ງແວດລ້ອມຕາມຫົວຂໍ້, “ຮ່ວມປູກຕົ້ນໄມ້ແຫ່ງຄວາມຮັກ, ສານສຳພັນມິດຕະພາບລາວ-ຈີນ”.

ທ່ານ ສົມມາລີ ຄຳເກັ່ງ ເຈົ້າເມືອງ ເມືອງພູຄູນ ໄດ້ສະແດງຄວາມຂອບໃຈມາຍັງບໍລິສັດ POWERCHINA ທີ່ໄດ້ໃຫ້ການສະໜັບສະໜູນຢ່າງແຂງແຮງຕໍ່ການເຄື່ອນໄຫວວຽກງານຂອງອໍານາດການປົກຄອງທ້ອງຖິ່ນ ແລະວຽກງານພາຍໃນຊຸມຊົນຕະຫຼອດມາ, ການຈັດກິດຈະກໍາ ເພື່ອລະນຶກເຖິງວັນປູກຕົ້ນໄມ້ ແລະວັນສິ່ງແວດລ້ອມໂລກ ໃນຄັ້ງນີ້ ກໍໄດ້ຮັບການ ສະໜັບສະໜູນເປັນຈາກ ບໍລິສັດ ໄຟຟ້ານໍ້າງື່ມ 5 ຂອງ POWERCHINA. ພ້ອມທັງໄດ້ຈັດສົ່ງຜູ້ຕາງໜ້າເຂົ້າຮ່ວມຢ່າງພ້ອມພຽງ, ເຊິ່ງການຮັກສາສາຍພົວພັນການຮ່ວມມືລະຫວ່າງ “ວິສາຫະກິດ ແລະທ້ອງຖິ່ນ” ເປັນຢ່າງດີ, ເປັນການສະແດງໃຫ້ເຫັນເຖິງຄວາມຮັບຜິດຊອບສູງຂອງວິສາຫະກິດ, ອົງການປົກຄອງທ້ອງຖິ່ນ ແລະປະຊາຊົນທີ່ດໍາລົງຊີວິດຢູ່ອ້ອມຂ້າງເຂື່ອນໄຟຟ້າຈະໃຫ້ການປົກປ້ອງ ແລະ ໃຫ້ການສະໜັບສະໜູນຢ່າງແຂງແຮງແກ່ບໍລິສັດເຂື່ອນໄຟຟ້າ, ຈະເປັນຂົວຕໍ່ເພື່ອເສີມຂະຫຍາຍສາຍພົວພັນມິດຕະພາບ ແລະການຮ່ວມມືຮອບດ້ານລະຫວ່າງສອງຊາດລາວ-ຈີນຢ່າງບໍ່ຢຸດຢັ້ງ.

ເປັນໄລຍະເວລາຫຼາຍກວ່າ 20 ປີແລ້ວ ທີ່ບໍລິສັດ POWERCHINA ໄດ້ເຂົ້າມາດໍາເນີນໂຄງການໃນປະເທດລາວ, ໂດຍຍຶດໝັ້ນແນວຄວາມຄິດ “ ກໍ່ສ້າງໂຄງການ, ປະຕິບັດໜ້າທີ່ຄວາມຮັບຜິດຊອບ, ສ້າງຜົນປະໂຫຍດແກ່ປະຊາຊົນໃຫ້ມີຄວາມຮັ່ງມີຜາສຸກ ”, ສານຕໍ່ແນວຄິດ“ ສ້າງຜົນປະໂຫຍດແກ່ສັງຄົມ ແລະ ຮັບໃຊ້ປະຊາຊົນ” ມຸ່ງໝັ້ນໃນການສ້າງໂຄງການທີ່ມີຄຸນນະພາບສູງຢ່າງຕໍ່ເນື່ອງ ພ້ອມກັນນັ້ນກໍປະຕິບັດໜ້າທີ່ຮັບຜິດຊອບທາງດ້ານສັງຄົມເຊັ່ນ: ການຮັກສາສິ່ງແວດລ້ອມລະບົບນິເວດ, ການຊ່ວຍເຫຼືອທາງດ້ານສະຫວັດດີການ, ການເຮັດວຽກກັບທຸກພາກສ່ວນໃນລາວເພື່ອປົກປັກຮັກສາສາຍນໍ້າລໍາທານ ແລະພູຜາປ່າໄມ້, ສືບຕໍ່ມູນເຊື້ອສາຍພົວພັນອັນເລິກເຊິ່ງລະຫວ່າງລາວ-ຈີນ ໃນຖານະທີ່ເປັນ “ເພື່ອນບ້ານທີ່ດີ, ໝູ່ທີ່ດີ, ສະຫາຍທີ່ດີ ແລະ ຄູ່ຮ່ວມງານທີ່ດີ”.

ທ່ານ ພູໄທ ຮອງຫົວໜ້າພະແນກກະສິກຳ ແລະປ່າໄມ້ ແຂວງຫຼວງພະບາງໄດ້ກ່າວວ່າ, ລັດຖະບານລາວ ແລະພາກສ່ວນຕ່າງໆໃນສັງຄົມໄດ້ໃຫ້ຄວາມສຳຄັນເປັນຢ່າງຍິ່ງ ຕໍ່ການເຄື່ອນໄຫວກິດຈະກຳ ວັນປູກຕົ້ນໄມ້ ແລະ ວັນສິ່ງແວດລ້ອມໂລກ, ໃນແຕ່ລະປີແມ່ນໄດ້ມີການໂຄສະນາສົ່ງເສີມໃຫ້ທຸກພາກສ່ວນທີ່ກ່ຽວຂ້ອງເຂົ້າຮ່ວມຢ່າງຕັ້ງໜ້າ, ພ້ອມທັງເອົາໃຈໃສ່ໃນການເພີ່ມພຶ້ນທີ່ການປົກຄົມຂອງປ່າໄມ້ຢ່າງຕໍ່ເນື່ອງ, ປູກຈິດສຳນຶກໃນການປົກປັກຮັກສາສິ່ງແວດລ້ອມ “ລະບົບນິເວດວິດທະຍາຂອງລາວ”.
ແນວຄິດ ແລະແນວທາງການປົກປັກຮັກສາສິ່ງແວດລ້ອມລະບົບນິເວດ ຂອງບໍລິສັດ POWERCHIN ໃນການພັດທະນາ ແລະ ກໍ່ສ້າງ ເຂື່ອນໄຟຟ້າ ໃນປະເທດລາວ ແມ່ນມີຄວາມສອດຄ່ອງກັບເປົ້າໝາຍ ແລະ ຄວາມຮຽກຮ້ອງຕ້ອງການຂອງລັດຖະບານລາວເປັນຢ່າງສູງ, ໃນມື້ນີ້ພວກເຮົາໄດ້ຮ່ວມກັນປູກຕົ້ນໄມ້ແຫ່ງຄວາມຮັກເພື່ອເປັນສັກຂີພະຍານ ແລະສືບຕໍ່ສາຍພົວພັນມິດຕະພາບອັນດີ ລະຫວ່າງ ສອງຊາດ ລາວ-ຈີນ.

ປະຈຸບັນ ບໍລິສັດ POWERCHINA ໄດ້ລົງທຶນກໍ່ສ້າງ ຂື່ອນໄຟຟ້າ ນໍ້າງື່ມ 5, ເຂື່ອນໄຟຟ້ານໍ້າອູ 7 ແຫ່ງ ແລະ ສູນຄຸ້ມຄອງການດຳເນີນງານ ແລະ ບໍາລຸງຮັກສາ ເຂື່ອນໄຟຟ້າ ພະລັງງານນໍ້າ ນໍ້າອູ, ໃນຮູບແບບການດຳເນີນງານ ແບບປະສົມປະສານ “ 8 ເຂື່ອນ 1 ສູນ” ມີກໍາລັງຕິດຕັ້ງລວມທັງໝົດ 1.392 ເມກາວັດ, ປະຈຸບັນ ທັງໝົດໃນ 8 ເຂື່ອນທີ່ກ່າວມາຂ້າງເທິງນັ້ນສາມາດຜະລິດພະລັງງານສະສົມໄດ້ ຈໍານວນຫຼາຍກວ່າ 13,2 ຕື້ກິໂລວັດໂມງ, ຖືໄດ້ວ່າເປັນກຸ່ມໂຮງງານໄຟຟ້າ ທີ່ເປັນກະດູກສັນຫຼັງ ໃນເຂດພາກເໜືອຂອງລາວຢ່າງແທ້ຈິງ.

ບໍລິສັດ POWERCHINA ຈະສືບຕໍ່ສະສົມ “ທຸກໆສິ່ງ” ແລະ “ທຸກຄໍາເວົ້າ ທຸກການກະທໍາ” ສະແດງຄວາມສາມາດ ຂໍ້ໄດ້ປຽບຂອງຕົນ, ສ້າງ ແລະ ດໍາເນີນງານເຂື່ອນໄຟຟ້າ ຂອງຕົນໃຫ້ມີຄຸນນະພາບສູງເພື່ອສະໜອງພະລັງງານງານທີ່ສະອາດ, ປອດໄພ, ມີສະຖຽນລະພາບໃຫ້ແກ່ທ້ອງຖິ່ນຊຸກຍູ້ບັນດາມາດຕະການ “ ຫັນເປັນທ້ອງຖິ່ນ”, ແບ່ງປັນປະສົບການທາງດ້ານເຕັກໂນໂລຊີ, ຄວາມອາດສາມາດຂອງອຸປະກອນ, ການບໍລິຫານລະດັບສູງ ແລະ ການຝຶກອົບຮົມຄວາມຮູ້ຄວາມສາມາດຂອງບຸກຄະລາກອນ. ນໍາໃຊ້ຄຸນລັກສະນະພິເສດຂອງກຸ່ມເຂື່ອນໄຟຟ້າໃນພື້ນທີ່ເພື່ອຍົກລະດັບການຜະລິດ ແລະຈັດສັນເວລາ, ແບ່ງປັນການຄຸ້ມຄອງຊັບພະຍາກອນນໍ້າ ແລະ ການຈັດສັນສິ່ງແວດລ້ອມທາງນໍ້າ, ຮ່ວມແບ່ງປັນຂໍ້ມູນຊັບພະຍາກອນນໍ້າ ແລະອຸຕຸນິຍົມ, ການປົກປັກຮັກສາສິ່ງແວດລ້ອມລະບົບນິນິເວດໃນພື້ນທີ່, ການປ້ອງກັນ ແລະຄວບຄຸມໄພພິບັດ, ຊຸກຍູ້ຊ່ວຍເຫຼືອດ້ານການສື່ສານ ແລະການພັດທະນາຊຸມຊົນ, ການກໍ່ສ້າງກົນໄກການແບ່ງປັນ, ການຮ່ວມມືດ້ານສະຫວັດດີການສັງຄົມລະຫວ່າງແມ່ນໍ້າລ້ານຊ້າງ-ແມ່ນໍ້າຂອງ ແລະອື່ນໆ.

ມີຄວາມຮັບຜິດຊອບ ແລະ ຕັ້ງໜ້າປະກອບສ່ວນໃນການປະຕິບັດໂຕຈິງໃຫ້ຫຼາຍຂຶ້ນກວ່າເກົ່າ ແລະເອົາໃຈໃສ່ການສະໜັບສະໜູນກໍ່ສ້າງສະມາຄົມ ຈີນ-ລາວ ທີ່ມີອານາຄົດຮ່ວມກັນ.

ທີ່ມາ: ບໍລິສັດ ຜະລິດໄຟຟ້າພະລັງງານນໍ້າ ນໍ້າອູ ຈໍາກັດ
ນັກຂຽນ: CANG Wenlin ຊ່າງພາບ: TIAN Fujun

แชร์