ໂຄງການກໍ່ສ້າງບ້ານຈັດສັນ 4 ແຫ່ງ ໃນ 3 ແຂວງແມ່ນຮັບປະກັນ 2 ປີ

ສຳລັບການກໍ່ສ້າງໂຄງການນີ້ແມ່ນສ້າງຕາມມາດຕະຖານຂອງຈີນຖືວ່າເປັນລະດັບທີ່ສູງເຊິ່ງໂຄງການກໍ່ໄດ້ສົບທົບກັບໂຄງການຝ່າຍລາວຈັດຕັ້ງປະຕິບັດກໍ່ສ້າງປະເມີນແລ້ວມາດຕະຖານທີ່ດີ ແລະການຮັບປະກັນໂຄງການນີ້ຫຼັງຈາກກໍ່ສ້າງສຳເລັດແລ້ວທຸກຢ່າງແລ້ວບໍລິສັດເຮົາແມ່ນຮັບປະກັນ 2 ປີ.

ທ່ານ ຈິນກົວຟິງ ຜູ້ຕາງໜ້າບໍລິສັດຄຸ້ມຄອງໂຄງການ (ຝ່າຍຈີນ)ກ່າວເນື່ອງໃນໂອກາດເຂົ້າຮ່ວມພິທີມອບ-ຮັບໂຄງການຊ່ວຍເຫຼືອລ້າກໍ່ສ້າງບ້ານຈັດສັນໃຫ້ແກ່ປະຊາຊົນ 4 ບ້ານທີ່ຖືກຜົນກະທົບຈາກໂຄງການກໍ່ສ້າງທາງລົດໄຟ ລາວ-ຈີນ ຂຶ້ນ,ທີ່ບ້ານນາເຕີຍເມືອງຫຼວງນໍ້າທາ ແຂວງຫຼວງນໍ້າທາ ໃນວັນທີ29 ພຶດສະພາ2022 ຜ່ານມາ ວ່າ:ການຈັດຕັ້ງປະຕິບັດໂຄງການເຮົາ ແມ່ນພົບຄວາມຫຍຸ້ງຍາກແມ່ນຊ່ວງຕົ້ນເດືອນ ເມສາ 2021 ໂດຍສະເພາະແມ່ນການຜ່ານລະບາດໂຄວິດ-19 ແລະ ດີທີ່ໄດ້ຮັບການສະໜັບສະໜູນຈາກການນໍາພັກລັດທາງພວກເຮົາທັງຈັດຕັ້ງປະຕິບັດໂຄງການໃຫ້ໄດ້ຕາມແຜນທີ່ວາງໄວ້,ມີຫຼາຍດ່ານທີ່ປິດການນຳເຂົ້າວັດສະດຸມີຄວາມຫຍຸ້ງຍາກ ແຕ່ພວກເຮົາກໍສືບຕໍ່ປະສານງານຮ່ວມກັບພາກລັດຊຸກຍູ້ຊ່ວຍບໍລິສັດກໍ່ສ້າງເຮົາໂຄງການໄລຍະການກໍ່ສ້າງ ແລະສິ້ນສຸດການກໍ່ສ້າງທ້າຍເດືອນມີນາ 2022 ແຕ່ກໍ່ຍັງບໍ່ສຳເລັດລາບລື່ນເທົ່າທີ່ຄວນ.

ໂຄງການກໍ່ສ້າງບ້ານຈັດສັນ 4 ແຫ່ງຢູ່3 ແຂວງ ຄື: ບ້ານນາເຕີຍເມືອງນ້ໍາທາ ແຂວງຫຼວງນໍ້າທາ, ບ້ານນາໝໍ້ໃຕ້ ເມືອງນາໝໍ້; ບ້ານນາຄົກ ເມືອງງາແຂວງອຸດົມໄຊ ແລະບ້ານບວມອໍ້ເມືອງຊຽງເງິນ ແຂວງຫຼວງພະບາງ ໃຫ້ແກ່ປະຊາຊົນທີ່ຖືກຜົນກະທົບຈາກໂຄງການກໍ່ສ້າງທາງລົດໄຟລາວ-ຈີນ ລວມທັງໝົດ 349 ຫຼັງຄາເຮືອນ.ສະເພາະຢູ່ບ້ານນາເຕີຍ ເມືອງ ແລະແຂວງຫຼວງນໍ້າທາ ມີ 159 ຫຼັງ.

ສຳລັບການກໍ່ສ້າງໂຄງການນີ້ແມ່ນສ້າງຕາມມາດຕະຖານຂອງຈີນຖືວ່າເປັນລະດັບທີ່ສູງເຊິ່ງໂຄງການກໍ່ໄດ້ສົບທົບກັບໂຄງການຝ່າຍລາວຈັດຕັ້ງປະຕິບັດກໍ່ສ້າງປະເມີນແລ້ວມາດຕະຖານທີ່ດີ ແລະການຮັບປະກັນໂຄງການນີ້ຫຼັງຈາກກໍ່ສ້າງສຳເລັດແລ້ວທຸກຢ່າງແລ້ວບໍລິສັດເຮົາແມ່ນຮັບປະກັນ 2 ປີ,ບໍ່ວ່າຈະເປັນເສັ້ນທາງ ແລະລະບົບຄອງລະບາຍນໍ້າ ພາຍຫຼັງມອບຮັບໂຄງການສຳເລັດແລ້ວຈະໄດ້ປະຕິບັດຕາມສັນຍາໂດຍການຈັດແຈງເອກະສານເພື່ອບັນທຶກຮັບຮອງ ແລະ ຈະຈັດແຈງວິຊາການໄປກວດສອບເປັນແຕ່ໄລຍະ. ສ່ວນໜ້າວຽກທີ່ຍັງບໍ່ທັນແລ້ວກໍ່ຈະເປັນໜ້າວຽກຍ່ອຍເລັກໆໜ້ອຍໆເທົ່ານັ້ນຫຼັງຈາກນັ້ນພວກເຮົາກໍ່ຈະເຮັດເອກະສານບັນທຶກມອບ-ຮັບໃຫ້ກັບໜ່ວຍງານຮັບຜິດຊອບທີ່ກ່ຽວຂ້ອງ.

ພາຍຫຼັງມອບຮັບ ແລະຈະມອບຕໍ່ໃຫ້ປະຊາຊົນເຂົ້າຢູ່ເຊິ່ງປະຊາຊົນກໍ່ມີຄວາມດີໃຈເພິ່ງພໍໃຈທີ່ໄດ້ຮັບເຮືອນໃໝ່ຖາວອນຖ້າທຽບໃສ່ເມື່ອກ່ອນ,ໂອກາດນີ້ຂໍຝາກມາຍັງພໍ່ແມ່ປະຊາຊົນທີ່ຈະເຂົ້າມາອາໄສຢູ່ຂໍໃຫ້ເພິ່ນມີຄວາມສຸກ ແລະພະຍາຍາມພ້ອມກັນຮັກສາບໍ່ວ່າຈະເປັນດ້ານສິ່ງແວດລ້ອມ ແລະຄອງລະບາຍນໍ້າ ຮ່ວມກັນອະນະໄມ.

แชร์