15 ປີ ກົມທໍລະນີສາດອຸດສາຫະກໍານິວເຄຼຍແຂວງຊີງໄຮ ກວມເອົາ 90% ສຳຫຼວດແຮ່ເກືອກາລີໃນລາວ

ກົມທໍລະນີສາດອຸດສາຫະກຳນິວເຄຼຍແຂວງຊີງໄຮ ເປັນໜ່ວຍງານກົມກອງຂອງແຂວງຊີງໄຮ ສປ ຈີນ ເຊິ່ງດຳເນີນທຸລະກິດດ້ານ:ສຳຫຼວດແຮ່ທາດໂລຫະມີສີ ແລະ ແຮ່ທາດທີ່ບໍ່ແມ່ນໂລຫະ,ສໍາຫຼວດທໍລະນີສາດດ້ານອຸທົກກະສາດ-ວິສະວະກຳ-ສິ່ງແວດລ້ອມ,ຈັດການບັນຫາອັນຕະລາຍທາງທໍລະນີສາດ,ຈັດການບັນຫາບໍ່ແຮ່ສຳຫຼວດທໍລະນີສາດໂຄງການສິສະວະກຳ,ທົດສອບແລະວິໄຈແລະທຸລະກິດອື່ນໆ. ກົມທໍລະນີສາດອຸດສາຫະກຳນິວເຄຼຍແຂວງຊີງໄຮໄດ້ກວມເອົາ 90% ຂຶ້ນໄປຂອງການສໍາຫຼວດແຮ່ເກືອກາລີໃນ ສປປ ລາວ.

ທ່ານ ສື ກົວເສີງ ຜູ້ຕ່າງໜ້າ ປະຈຳ ສປປ ລາວ ຂອງກົມທໍລະນີສາດອຸດສາຫະກຳນີວ ເຄຼຍແຂວງຊີງໄຮ ໃຫ້ຮູ້ວ່າ: ກົມທໍລະນີສາດອຸດສາຫະກຳນິວເຄຼຍແຂວງຊີງໄຮ ເປັນໜ່ວຍງານກົມກອງຂອງແຂວງຊີງໄຮ ສປ ຈີນ ເລີ່ມເຂົ້າມາເຮັດທຸລະກິດ ໃນປີ 2007 ກົມທໍລະນີສາດອຸດສາຫະກຳນິວເຄຼຍແຂວງຊີງໄຮ ພວກເຮົາເຂົ້າມາດໍາເນີນວຽກງານສຳຫຼວດແຮ່ທາດເກືອກາລີຢູ່ເຂດໜອງໃຕ້ແຂວງຄຳມ່ວນ ສປປ ລາວ (ບໍລິສັດຊີໂນ-ອາກຣີໂປຕາສ) ໂດຍຕອບຮັບການເຊື້ອເຊີນຈາກບໍລິສັດເຈຍຊິມາຍນິ້ງ. ໃນ15 ປີທີ່ຜ່ານມາ,ພວກເຮົາໄດ້ດຳເນີນວຽກງານສຳຫຼວດແຮ່ທາດເກືອກາລີແບບກວມລວມການວັດແທກ,ການເຈາະສຳຫຼວດ,ການສໍາຫຼວດທາງຟີຊິກ,ວຽກທໍລະນີສາດ,ການວິໄຈ ແລະ ວຽກອື່ນໆ ຢູ່ແຂວງວຽງຈັນ,ນະຄອນຫຼວງວຽງຈັນ,ແຂວງບໍລິຄຳໄຊ, ແຂວງຄຳມ່ວນ ແລະ ແຂວງສະຫວັນນະເຂດ ເປັນຈຳນວນຫລາຍກວ່າ 40ໂຄງການ,ຈົນຮອດປີ2016 ໄດ້ຫັນມາເປັນການຮ່ວມມືດ້ານເຕັກໂນໂລຢີທີ່ກ່ຽວຂ້ອງກັບການຂຸດຄົ້ນບໍ່ແຮ່.

ມາຮອດປີ 2022 ນີ້ແມ່ນໄດ້ດໍາເນີນວຽກສຳຫຼວດແຮ່ທາດເກືອກາລີ ຢູ່ ສປປ ລາວເປັນເວລາ15 ປີແລ້ວ ເຊິ່ງໄດ້ສະສົມປະສົບການດ້ານວິຊາການເຕັກນິກ ແລະ ມີການນະວັດຕະກໍາດ້ານເຕັກນິກຢ່າງຫຼວງຫຼາຍສໍາລັບການສໍາຫຼວດແຮ່ທາດເກືອກາລີ ແລະ ການຈັດການບັນຫາບໍ່ແຮ່,ເຊິ່ງເປັນທິມງານທີ່ດີເລີດໃນການສຳຫຼວດແຮ່ທາດເກືອກາລີ ແລະ ການຈັດການບັນຫາບໍ່ແຮ່ໃນ ສປປ ລາວ,ແລະກໍ່ເປັນທິມງານທີ່ກ້າທີ່ຈະປະດິດສ້າງໃໝ່ ແລະ ທັນຕໍ່ການພັດທະນາບໍ່ແຮ່ເກືອກາລີໃນລາວ.

ໃນປະຈຸບັນນີ້,ວຽກງານສຳຫຼວດແຮ່ທາດເກືອກາລີໃນເບື້ອງຕົ້ນຂອງສອງບໍລິສັດຂຸດຄົ້ນເກືອກາລີ ກໍ່ຄື: ບໍລິສັດລາວ ຄາຍຢວນບໍ່ແຮ່ ແລະ ບໍລິສັດຊີໂນ-ອາກຣີໂປຕາສ ຢູ່ແຂວງຄໍາມ່ວນລ້ວນແຕ່ແມ່ນໜ່ວຍງານຂອງພວກເຮົາ ເປັນຜູ້ດໍາເນີນການ, ມາຮອດປັດຈຸບັນນີ້ກໍ່ຍັງມີການຮ່ວມມືດ້ານເຕັກນິກຢ່າງຕໍ່ເນື່ອງ. ໜ່ວຍງານຂອງພວກເຮົາໄດ້ກວມເອົາ 90% ຂຶ້ນໄປຂອງການສໍາຫຼວດແຮ່ເກືອກາລີໃນ ສປປ ລາວ ແລະໄດ້ສະສົມຜົນສຳເລັດທາງດ້ານວິຊາການ-ເຕັກນິກຢ່າງອຸດົມສົມບູນໃນການຊອກຄົ້ນແຮ່ທາດເກືອກາລີ, ພວກເຮົາຍັງຈະໃຫ້ການ ບໍລິການດ້ານເຕັກນິກໃຫ້ແກ່ການສໍາຫຼວດແລະການຂຸດຄົ້ນແຮ່ເກືອກາລີໃນ ສປປ ລາວ ຢ່າງຕໍ່ເນື່ອງ ໂດຍນຳໃຊ້ຜົນສຳເລັດເຫຼົ່ານີ້.

ນອກຈາກນັ້ນໃນ15ປີທີ່ຜ່ານມາໃນຂະນະທີ່ດໍາເນີນການສໍາຫຼວດແຮ່ທາດເກືອກາລີ,ພວກເຮົາກໍ່ໄດ້ສ້າງວຽກເຮັດງານທຳໃຫ້ແກ່ປະຊາຊົນຜູ້ອອກແຮງງານໃນທ້ອງຖິ່ນເປັນຈໍານວນຫລາຍຮ້ອຍຄົນ,ພ້ອມດຽວກັນນັ້ນ,ກໍ່ໄດ້ເຜີຍແຜ່ຄວາມຮູ້ດ້ານທິດສະດີແລະດ້ານປະຕິບັດຕົວຈິງກ່ຽວກັບບໍ່ແຮ່ເກືອກາລີໃຫ້ແກ່ປະຊາຊົນພື້ນເມືອງ,ແລະໄດ້ສ້າງຄວາມຮັກແພງກັບໝູ່ເພື່ອນຄົນລາວຫຼາຍໆຄົນ.



ແຮ່ທາດເກືອກາລີໃນ ສປປ ລາວ ເປັນ ສະມາຊິກດີເລີດທີ່ພັດທະນາຂຶ້ນມານຳຫຼັງໃນແຮ່ທາດເກືອກາລີຂອງໂລກ,ເຖິງແມ່ນວ່າແຮ່ທາດເກືອກາລີໃນປະເທດໄທ ໄດ້ຮັບການສໍາຫຼວດ ແລະ ການຂຸດຄົ້ນ ມາກ່ອນໃນປະເທດລາວ,ແຕ່ວ່າບາດກ້າວການພັດທະນາແຮ່ທາດເກືອກາລີໃນປະເທດລາວມີຄວາມວ່ອງໄວຫຼາຍ ແລະ ຄວາມໝັ້ນຄົງ ເຊິ່ງມາຮອດປັດຈຸບັນນີ້ແມ່ນໄດ້ເກີນລະດັບຂອງປະເທດໄທແລ້ວ ແລະ ໄດ້ກາຍເປັນດາລາດຽວຂອງແຫຼມອິນດູຈີນໃນວົງການເກືອກາລີ.

ບໍ່ເກືອກາລີສອງແຫ່ງທີ່ກໍາລັງຂຸດຄົ້ນຢູ່ໃນປະເທດລາວ(ກໍ່ຄື: ຄາຍຢວນ ແລະ ຊີໂນ-ອາກຣີໂປຕາສ),ພວກເຮົາໄດ້ຮັບຮູ້ດີ ແລະ ກໍ່ພວມມີການຮ່ວມມືກັນດ້ານເຕັກນິກ, ປະຈຸບັນນີ້ສອງບໍ່ແຮ່ດັ່ງກ່າວກໍ່ພວມ ຂະຫຍາຍກຳລັງແຮງການຜະລິດ ແລະ ມີແນວໂນມການພັດທະນາທີ່ດີຫຼາຍ,ສ່ວນບໍ່ເກືອກາລີອື່ນໆ ບາງບໍ່ຢູ່ໃນຊ່ວງສຳຫຼວດ,ອີກສ່ວນໜຶ່ງຍັງຢູ່ໃນໄລຍະທີ່ຍື່ນບົດລາຍງານໃຫ້ແກ່ລັດຖະບານລາວ, ໂດຍລວມແລ້ວ ເຫັນວ່າມີແນວໂນມການພັດທະນາທີ່ດີຫຼາຍ, ສຳຄັນກໍ່ຄື ລັດຖະບານລາວໄດ້ໃຫ້ຄວາມເອົາໃຈໃສ່ແລະໃຫ້ຄວາມສຳຄັນຫຼາຍໃນການສະໜັບສະໜູບໃຫ້ວິສາຫະກິດມີການນະວັດຕະກຳດ້ານເຕັກໂນໂລຢີ ແລະ ດ້ານອື່ນໆ, ແລະມີແນວຄິດທີ່ຫ້າວຫັນ, ບັນດາຜູ້ບໍລິຫານຄຸ້ມຄອງຂອງພາກສ່ວນທີ່ກ່ຽວຂ້ອງຂອງລັດກໍ່ມີຄວາມສາມາດໃນການຮໍ່າຮຽນທີ່ແຂງແຮງຫຼາຍ ອັນນີ້ກໍ່ມີບົດບາດຊຸກຍູ້ຫຼາຍຕໍ່ການພັດທະນາຂອງບັນດາວິສາຫະກິດບໍ່ແຮ່ເກືອກາລີຂອງປະເທດລາວ. ພວກເຮົາໝັ້ນໃຈວ່າ ໝາກຜົນດ້ານເຕັກໂນໂລຢີທີ່ສະສົມມາ ເຫຼົ່ານັ້ນຈະເຮັດໃຫ້ພວກເຮົາສາມາດສືບຕໍ່ຮ່ວມມືກັບບັນດາວິສາຫະກິດເກືອກາລີຂອງລາວໃຫ້ດີຂຶ້ນ ແລະ ເລີກເຊິ່ງຂຶ້ນກວ່າເກົ່າ,ແລະພວກເຮົາກໍ່ຫວັງຢ່າງຍິ່ງວ່າຈະມີການສົນທະນາກັນແລກປ່ຽນກັນ ແລະ ຮ່ວມມືຢ່າງແໜ້ນແຟ້ນກັນກັບບັນດາພາກສ່ວນທີ່ກ່ຽວຂ້ອງຂອງຂະແໜງການບໍ່ແຮ່ຂອງລັດຖະບານ ໃນດ້ານເຕັກໂນໂລຢີ

ພາຍໃຕ້ຜົນກະທົບ ພະຍາດລະບາດໂຄ ວິດ-19 ໃນປັດຈຸບັນ, ລາຄາຂອງປຸ໋ຍກາລີມີການເພີ່ມຂຶ້ນຢ່າງຫລຸຫລັ່ງຕັ່ງເທ, ລາຄາຕະຫຼາດໃນບາງທ້ອງຖິ່ນ ຈົນໃກ້ເຖິງ 1.000$/ໂຕນ,ພາຍໃຕ້ສະພາບແວດລ້ອມໂດຍລວມແບບນີ້, ແນະນຳໃຫ້ຕ້ອງສືບຕໍ່ດຳເນີນການ ໃຫ້ເນັກໂນໂລຢີລໍ້າໜ້າ ເພື່ອສະໜັບສະໜູນໃຫ້ວິສາຫະກິດມີການນະວັດຕະກຳດ້ານເຕັກໂນໂລຢີ ຢ່າງຕໍ່ ເນື່ອງ ໂດຍຄຽງຄູ່ກັບການພັດທະນາການຂຸດຄົ້ນແຮ່ທາດເກືອກາລີແຫ່ງ ສປປ ລາວ ຢ່າງວ່ອງໄວ, ພ້ອມດຽວກັນນັ້ນ, ໃຫ້ເສີມຂະຫຍາຍການນໍາໃຊ້ທາດໂປມິນ, NaCl, MgCl2 ແລະ ອື່ນໆ ແບບໂດຍລວມ,ພະຍາຍາມເຮັດໃຫ້ໄດ້ນຳໃຊ້ຊັບພະຍາກອນໃຫ້ເຕັມທີ່ໆສຸດ,ໂດຍມອງເຫັນໃນໄລຍະຍາວ ເຫັນວ່າລາຄາຂອງ ໂພແທັສຄຼໍໄລຈະມີການເໜັງຕີງຕາມສະຖານະການສາກົນ ແລະ ຂ້ອນຂ້າງຍາກທີ່ຈະຄາດຄະເນໄດ້,ເຫັນວ່າລາຄາດັ່ງກ່າວຈະຮັກສາຢູ່ໃນລະດັບສູງສະເໝີໃນໄລຍະເວລາບໍ່ສັ້ນຂ້າງໜ້າ.

ກົມທໍລະນີສາດອຸດສາຫະກຳນິວເຄຼຍແຂວງຊິງໄຮຈະສືບຕໍ່ພັດທະນາດ້ານເຕັກນິກ ໂດຍຖືເອົາຄວາມຕ້ອງການໃນການພັດທະນາແຮ່ທາດເກືອກາລີເປັນທິດທາງຊີ້ນຳ,ແລະ ນຳໃຊ້ເຕັກໂນໂລຢີທີ່ ສົມບູນແບບເຂົ້າໃນການຂຸດຄົ້ນແຮ່ທາດໃນປັດຈຸບັນ ແລະ ດໍາເນີນການນະວັດຕະກໍາດ້ານເຕັກໂນໂລຢີໃຫ້ ແກ່ບັນດາວິສາຫະກິດແຮ່ທາດເກືອກາລີໃນການປະຢັດຕົ້ນທຶນ ແລະ ການພັດທະນາແບບຍືນຍົງແລະສີຂຽວ ໃຫ້ດີຂຶ້ນອີກບາດກ້າວ, ທີ່ສອງ: ຂະຫຍາຍທຸລະກິດສໍາຫຼວດແຮ່ທາດໂລຫະຕ່າງໆທາງທໍລະນີສາດຢູ່ ສປປ ລາວ ໂດຍຖືເອົາການຮ່ວມມືທາງດ້ານເຕັກນິກແຮ່ທາດເກືອກາລີລາວເປັນພື້ນຖານ ເພື່ອ ປະກອບສ່ວນເຂົ້າໃນການພັດທະນາອຸດສາຫະກຳບໍ່ແຮ່ ແລະ ເສດຖະກິດຂອງ ສປປ ລາວ.ກົມທໍລະນີສາດອຸດສາຫະກຳນິວເຄຼຍແຂວງຊິງໄຮ ຂໍອວຍພອນໃຫ້ປະເທດລາວຈຶ່ງມີການພັດທະນາໃຫ້ນັບມື້ນັບດີຂຶ້ນກວ່າເກົ່າ, ແລະກໍຂໍອວຍພອນໃຫ້ຂະແໜງການແຮ່ທາດເກືອກາລີແຫ່ງ ສປປ ລາວ ມີການ ພັດທະນາໃຫ້ນັບມື້ນັບດີຂຶ້ນກວ່າເກົ່າ.

แชร์