ເຊໂປນ ເປີດຊຸດຝຶກອົບຮົມທິດສະດີການເມືອງ-ການປົກຄອງລະບົບ 10 ວັນ, ປະຈໍາປີ 2022

ໃນວັນທີ 23 ພຶດສະພາ 2022 ທີ່ສະໂມສອນ ເມືອງເຊໂປນ ແຂວງສະຫວັນນະເຂດ ໄດ້ເປີດຊຸດຝຶກອົບຮົມທິດສະດີການເມືອງ-ການປົກຄອງລະບົບ 10 ວັນ ຊຸດທີ II ໃຫ້ເລຂາໜ່ວຍພັກ-ນາຍບ້ານ ແລະ ຄະນະບ້ານໃນທົ່ວເມືອງ ປະຈໍາປີ 2022 ຂຶ້ນ, ໂດຍການເປັນປະທານຂອງທ່ານ ວົງສະຫວັນ ວຽງມະນີ ກໍາມະການພັກແຂວງ, ເລຂາພັກເມືອງ, ເຈົ້າເມືອງເຊໂປນ, ທ່ານ ປທ ຫົງຄໍາ ລາດສຸລິນ ຮອງຫົວຫນ້າໂຮງຮຽນການເມືອງ-ການປົກຄອງແຂວງເຂົ້າຮ່ວມ.

ໃນພິທີ ທ່ານ ບຸນນ້ອຍ ໄຊຍະລາດ ໄດ້ກ່າວລາຍງານວ່າ: ການເປີດຊຸດຝຶກອົບຮົມທິດສະດີລະບົບ 10 ວັນໃຫ້ເລຂາໜ່ວຍພັກ, ນາຍບ້ານ ແລະ ຄະນະບ້ານ ປະຈໍາປີ 2022 ຂອງເມືອງເຊໂປນໃນຊຸດທີ II ມີຈໍານວນນັກຝຶກອົບຮົມທັງໝົດ 88 ຄົນ, ສໍາລັບບົດຮຽນທີ່ນໍາມາສິດສອນປະກອບມີ 16 ບົດຄື: ພັດທະນາປະເທດຊາດຕາມທິດສັງຄົມນິຍົມຢູ່ປະເທດເຮົາ, ການພັດທະນາເສດຖະກິດຢູ່ຂັ້ນບ້ານ, ສ້າງສະຕິກົດໝາຍໃຫ້ປະຊາຊົນ, ຕ້ານປະກົດການຫຍໍ້ທໍ້ທີ່ເກີດຂຶ້ນຢູ່ຂັ້ນບ້ານ, ສ້າງຄວາມສາມັກຄີຢູ່ພາຍໃນບ້ານໃຫ້ໜັກແໜ້ນ, ບົດບາດຂອງພັກ ປະຊາຊົນ ປະຕິວັດລາວ,ສ້າງໜ່ວຍພັກຮາກຖານບ້ານໃຫ້ໜັກແໜ້ນເຂັ້ມແຂງທັງ 4 ດ້ານ,ຍົກສູງຄຸນະພາບສະມາຊິກພັກ ແລະ ວຽກງານຂະຫຍາຍພັກໃນໄລຍະໃໝ່, ເນື້ອໃນຄວາມຮັບຜິດຊອບຂອງພະນັກງານນໍາພາ-ຄຸ້ມຄອງຕໍ່ການປະຕິບັດໜ້າທີ່ການເມືອງຢູ່ຮາກຖານບ້ານ,ການນໍາພາຂອງໜ່ວຍພັກບ້ານຕໍ່ການສ້າງເສດຖະກິດຄອບຄົວ,ການດໍາເນີນກອງປະຊຸມໃຫຍ່ 3 ຂັ້ນ ຂອງພັກ ແລະ ວຽກງານຕິດຕາມກວດກາພັກຂອງການຈັດຕັ້ງຮາກຖານພັກບ້ານ, ວຽກງານຄຸ້ມຄອງພົນລະເມືອງ, ການພັດທະນາວຽກງານການສຶກສາ-ສາທາລະນະສຸກ ແລະ ການສ້າງຄອບຄົວຢູ່ບ້ານວັດທະນະທໍາ, ວຽກງານຍຸຕິທໍາຮາກຖານ ແລະ ການສ້າງບ້ານປອດຄະດີ, ຄວາມຮູ້ພື້ນຖານ ກ່ຽວກັບກົດໝາຍຂະແໜງກະສິກໍາ-ປ່າໄມ້, ຄຸ້ມຄອງນໍາໃຊ້ທີ່ດິນຂອງບ້ານ,ການສ້າງແຜນພັດທະນາບ້ານ,ການສ້າງບົດສະຫຼຸບ ແລະ ບົດລາຍງານການເຄື່ອນໄຫວຂອງບ້ານ,ໃນພີທີຄະນະຈັດຕັ້ງເມືອງ ກໍ່ຍັງໄດ້ຜ່ານມະຕິຂອງຄະນະປະຈໍາພັກເມືອງ ວ່າດ້ວຍການອະນຸມັດເປີດຊຸດອົບຮົມທິດສະດີການເມືອງ-ການປົກຄອງ 10 ວັນໃຫ້ເລຂາໜ່ວຍພັກ-ນາຍບ້ານໃນທົ່ວເມືອງ ປີ 2022 ແລະ ມະຕິຕົກລົງຂອງຄະນະປະຈໍາພັກແຂວງ ວ່າດ້ວຍການເປີດຊຸດອົບຮົມທິດສະດີການເມືອງ-ການປົກຄອງລະບົບ 10 ວັນໃຫ້ເລຂາໜ່ວຍພັກ-ນາຍບ້ານໃນທົ່ວແຂວງ ປະຈໍາປີ 2022.

ໃນໂອກາດດັ່ງກ່າວ ທ່ານ ປທ ຫົງຄໍາ ລາດສຸລິນ ຮອງຫົວຫນ້າໂຮງຮຽນການເມືອງ-ການປົກຄອງແຂວງ. ກໍ່ມີຄໍາເຫັນວ່າ: ການເປີດອົບຮົມທິດສະດີການເມືອງລະບົບ 10 ວັນ ໃຫ້ເລຂາໜ່ວຍພັກ, ນາຍບ້ານ ແລະຄະນະບ້ານຄັ້ງນີ້ແມ່ນຍ້ອນຄວາມຕັດສິນໃຈສູງຂອງການນໍາຂັ້ນເມືອງ, ເພາະວ່າການຊັບຊ້ອນປ່ຽນຖ່າຍໜ້າທີ່ເປັນເລື່ອງປົກະຕິຢູ່ແລ້ວ, ມີທັງພັກຜ່ອນຮັບເບ້ຍບໍານານ, ມີທັງເລື່ອນ, ມີທັງຍົກຍ້າຍ,ສະນັ້ນສະມາຊິກພັກທຸກຄົນນັບແຕ່ຮາກຖານຂັ້ນບ້ານມາຕ້ອງໄດ້ຮຽນທິດສະດີຢ່າງໜ້ອຍກ່ອນທີ່ຈະມີຕໍາແໜ່ງໃດໜື່ງ, ສິ່ງໜື່ງຢາກຮຽກຮ້ອງມາຍັງນັກອົບຮົມໝົດທຸກຄົນກໍ່ຄືຕ້ອງປະຕິບັດໂມງເວລາເຂົ້າຮຽນຢ່າງເຄັ່ງຄັດ ແລະຫ້າມບໍ່ໃຫ້ຂາດສະນັ້ນໃນເວລາຝືກອົບຮົມ 10 ວັນນີ້ທາງໂຮງຮຽນການເມືອງ ແລະປົກຄອງແຂວງໄດ້ປະກອບສ່ວນເງິນສົດຈໍານວນ 1 ລ້ານກີບ ບໍລິຫານກອງປະຊຸມໃນຄັ້ງນີ້ອີກດ້ວຍ.

แชร์