ພຸດທະຫວາ ພ້ອມບໍລິການເຕັມຮູບແບບຮັບນັກທ່ອງທ່ຽວເຂົ້າສະໜາມບິນ

ບໍລິສັດ ພຸດທະຫວາການຄ້າ ຂາເຂົ້າ-ຂາອອກຈຳກັດໜຶ່ງຜູ້ປະກອບການດ້ານບໍລິການຢູ່ສະໜາມບິນທີ່ມີປະສົບການບໍລິຫານມາຫຼາຍກວ່າ 7 ປີ ມີວິໃສທັດທີ່ຊັດເຈນໃນການປະຕິບັດງານບົນພື້ນຖານມາດຕະຖານສາກົນໃສ່ໃຈຕໍ່ຜູ້ໃຊ້ບໍລິການແກ້ບັນຫາໃຫ້ຕົງຈຸດ ແລະ ວ່ອງໄວປະຈຸບັນແມ່ນມີຄວາມພ້ອມເຕັມຮູບແບບໃນການຮອງຮັບບໍລິການນັກທ່ອງທ່ຽວພາຍຫຼັງລັດຖະບານເປີດປະເທດເພື່ອຕ້ອນຮັບນັກທ່ອງທ່ຽວທີ່ເຂົ້າມາລາວ.

ທ່ານ ນາງ ພຸດທະຫວາ ສີວິໄລ ອຳນວຍການ ບໍລິສັດ ພຸດທະຫວາການຄ້າ ຂາເຂົ້າ-ຂາອອກ ຈຳກັດ ໃຫ້ຮູ້ວ່າ: ບໍລິສັດ ພຸດທະຫວາ ການຄ້າ ໄດ້ສ້າງຕັ້ງມາແຕ່ປີ 2015 ລວມເປັນເວລາ7 ປີ ໃນການດຳເນີນທຸລະກິດ, ຊຶ່ງດ້ວຍການດຳເນີນທຸລະກິດທີ່ມີທ່າແຮງຂອງພວກເຮົາພາຍໃນປີ2021 ພວກເຮົາໄດ້ສ້າງຕັ້ງບໍລິສັດ PBS professional building service ຂື້ນມາຕື່ມເພື່ອຕອບສະໜອງການບໍລິການແບບຄົບວົງຈອນຂອງພວກເຮົາ.

ການບໍລິການຂອງບໍລິສັດພວກເຮົາຈະແບ່ງອອກເປັນ2 ພາກສ່ວນໃນສະໜາມບິນຄື : ພາກສ່ວນ 1: ການບໍລິການໃຫ້ກັບຜູ້ໂດຍສານ ແລະຜູ້ປະກອບການລາຍຍ່ອຍ ພາຍໃນອາຄານສະໜາມບິນສາກົນຫຼວງພະບາງລວມມີ: ຮ້ານອາຫານນານາຊາດ, ຮ້ານສະດວກຊື້, ຫ້ອງຮັບຮອງແຂກລະດັບວີໄອພີ, ການບໍລິການຂົນສົ່ງແລະຮັບຝາກກະເປົ່າເດີນທາງ,ພື້ນທີ່ໂຄສະນາໃນຮູບແບບຂອງອອນລາຍ ແລະພາກສ່ວນ 2: ການດູແລຕຶກອາຄານໃນການຮັກສາຄວາມສະອາດທັງພາກສ່ວນພື້ນ ແລະ ພສກສ່ວນສູງແລະດູແລສວນດອກໄມ້ພ້ອມທັງຕັດຫຍ້າ, ປູກຕົ້ນໃມ້ໃຫ້ມີຄວາມສະອາດງາມຕາເປັນລະບຽບຮຽບຮ້ອຍໃຫ້ແກ່ສະຫນາມບິນສາກົນວັດໄຕ ແລະສະໜາມບິນສາກົນຫຼວງພະບາງ.

ສຳລັບບໍລິການສະໜາມບິນຜ່ານມາການບໍລິການຂອງພວກເຮົາມີຄວາມຫຍຸ້ງຍາກກໍ່ຄືວຽກງານສ່ວນໃຫຍ່ຂອງພວກເຮົາຈະມີທັງສະໜາມບິນ ແລະບັນດາທະນາຄານ ທີ່ພວກເຮົາໃຫ້ບໍລິການຢູ່ໃນປະຈະບັນ, ສະນັ້ນໃນຄວາມຫຍຸ້ງຍາກນອກຈາກວິຊາສະເພາະແລ້ວແມ່ນວຽກງານຄວາມປອດໄພທີ່ເຮົາຕ້ອງມີມາດຕະການຮັກສາດູແລ ຄວາມປອດໄພຂອງຊັບສິນໃນສະຖານທີ່ເຮັດວຽກໃຫ້ມີຄວາມປອດໃພໄປຄຽງຄູ່ກັບການຮັກສາຄວາມສະອາດ, ເຊິ່ງພາຍໃນອົງກອນຂອງເຮົາຈະມີການຝຶກອົບຮົມໃນດ້ານວິຊາສະເພາະແລ້ວໃນວຽກງານທີ່ກ່ຽວຂ້ອງທີ່ພະນັກງານເຮົາໃນອົງກອນຈຳຕ້ອງຮູ້ກໍ່ຄືsafety ແລະ security ທີ່ຈະຕ້ອງຄຽງຄູ່ກັນໄປໃນການສອດສ່ອງດູແລລາຍງານເຫດການຕ່າງໆກັບພາກສ່ວນທີ່ກ່ຽວຂ້ອງເພື່ອປ້ອງກັນທຸກຄວາມສ່ຽງທີ່ອາດຈະເກີດຂື້ນໃດ້ ໃນສະຖານທີ່ເຮັດວຽກ.

ຊຶ່ງຈຸດເດັ່ນຂອງບໍລິສັດເຮົາແມ່ນການບໍລິການທີ່ເນັ້ນຄວາມພໍໃຈຂອງລູກຄ້າພວກເຮົາມີວິໃສທັດທີ່ຊັດເຈນໃນການປະຕິບັດງານບົນພື້ນຖານມາດຕະຖານສາກົນແຕ່ພວກເຮົາກໍ່ບໍ່ເຄີຍລືມວ່າການບໍລິການທີ່ດີແມ່ນຕ້ອງໄດ້ໃຈຜູ້ໃຊ້ບໍລິການເຊິ່ງການບໍລິການແມ່ນບໍ່ສາມາດຈັບຕ້ອງໃດ້, ແຕ່ຜູ້ໃຊ້ບໍລິການຈະສາມາດສຳຜັດໃດ້ເຖິງການບໍລິການທີ່ໃດ້ມາດຕະຖານສາກົນ ແລະໃສ່ໃຈຂອງພວກເຮົາ ແລະຫົວໃຈສຳຄັນເພື່ອຮັບປະກັນມາດຕະຖານໃນການຍອມຮັບຂອງສັງຄົມທີ່ພວກເຮົາໃດ້ຮັບຕະຫລອດເວລາທີ່ຜ່ານມາໃນການດຳເນິນທຸລະກິດນີ້ແມ່ນການໃສ່ໃຈຕໍ່ຜູ້ໃຊ້ບໍລິການແກ້ບັນຫາໃຫ້ຕົງຈຸດ ແລະວ່ອງໃວພ້ອມທັງຕ້ອງເຂົ້າໃຈປັນຫາຂອງຜູ້ໃຊ້ບໍລິການແບບແກ່ນແທ້ເພື່ອແກ້ໃຂບັນຫາໃຫ້ກັບຜູ້ໃຊ້ບໍລິການ.

ຊ້ວງໄລຍະວິກິດຂອງການແຜ່ລະບາດຂອງໂລກພະບາດໃນຖານະທີ່ເຮົາເປັນດ່ານຫນ້າຂອງປະເທດດຳເນີນທຸລະກິດໃນດ່ານສາກົນການປິດປະເທດແມ່ນສົ່ງຜົນກະທົບຕໍ່ພວກເຮົາຫລາຍທາງດ້ານເສດຖະກິດ,ການນຳເຂົ້າສິນຄ້າທີ່ເຂົ້າໃຊ້ໃນວຽກງານ, ແຕ່ພວກເຮົາກໍ່ບໍ່ເຄີຍຫຍໍ້ທໍ້ຕໍ່ສະພາບດັ່ງກ່າວ, ເນື່ອງຈາກຍັງມີວຽກງານບາງຂະແຫນງການທີ່ເຮົາຍັງສາມາດດຳເນີນການໃດ້ເຮົາກໍ່ມີກັນຊັບຊ້ອນພະນັກງານເພື່ອໃຫ້ພວກເຂົາຍັງມີວຽກງານທຳໃນຂະແຫນງການອື່ນ, ເພື່ອໃພວກເຂົາຍັງມີລາຍຮັບສາມາດຈຸນເຈືອຄອບຄົວໃຫ້ສາມາດຝັນຜ່າສະພາບວິກິດນີ້ໄປນຳກັນ.

ປະຈຸບັນທາງບໍລິສັດແມ່ນມີຄວາມພ້ອມເລື່ອງການບໍລິການເຕັມຮູບແບບ ພາຍຫລັງລັດຖະບານມີການແຈ້ງເປີດປະເທດພວກເຮົາແມ່ນໄດ້ມີຄວາມພ້ອມໃນທຸກໆດ້ານ ເຊັ່ນ: ຈຳນວນການຈ້າງງານທີ່ເພິ່ມຂື້ນ, ການນຳໃຊ້ເຕັກໂນໂລຊີເຂົ້າມາເພິ່ມເພື່ອໃຫ້ມີຄວາມວ່ອງໄວໃນການໃຫ້ບໍລິການ, ແລະ ທີ່ສຳຄັນຄືດ້ານສຸຂະອານາໄມທີ່ພະນັກງານເຮົາຕ້ອງໃດ້ມີການຝຶກອົບຮົມຜ່ານການເຂົ້າຮ່ວມການຝຶກອົບຮົມຂອງໂຄງການຕ່າງໆທີ່ລັດຖະບານວາງອອກເພື່ອປ້ອງກັນ ແລະສ້າງຄວາມເຊື່ອໝັ່ນໃຫ້ກັບຜູ້ໃຫ້ບໍລິການ ແລະຜູ້ໃຊ້ບໍລິການ,ໃຫ້ມີຄວາມໝັ້ນໃຈ ແລະສາມາດໃຊ້ບໍລິການ ຫລືເຂົ້າມາທ່ອງທ່ຽວປະເທດເຮົາດ້ວຍຄງາມໝັ້ນໃຈ.

ການບໍລິການຂອງພວກເຮົາແມ່ນນອກຈາກການບໍລິການໃນພາກສ່ວນສະໜາມສາກົນວັດໄຕ ແລະສະໜາມບິນສາກົນຫຼວງພະບາງແລ້ວ, ພວກເຮົາຍັງໄດ້ໃຫ້ບໍລິການຕາມສະຖານທີ່ເອກະຊົນຕ່າງໆ ບໍ່ວ່າຈະເປັນບັນດາທະນາຄານ, ຫ້າງຮ້ານອາຫານ, ຫ້າງຊັບພະສິນຄ້າ, ຫ້ອງການສຳນັກງານທົ່ວໄປ ແລະ ຕາມຄົວເຮືອນ, ການໃຫ້ບໍລິການຂອງພວກເຮົານອກຈາກການຈັດຫາຈັດຈ້າງເພື່ອສະໜອງໃຫ້ກັບສະຖານທີ່ຕ່າງໆແລ້ວໃນການສະໜອງວັດຖຸອຸປະກອນນໍ່າຢາຕ່າງໆ ທີ່ກ່ຽວຂ້ອງໃນວຽກງານດັ່ງກ່າວພວກເຮົາກໍໃດ້ມີບໍລິການເຊັ່ນດຽວກັນ.ເພື່ອລົດປັນຫາຄວາມຫຍຸ້ງຍາກຂອງລູກຄ້າພວກເຮົາຈະໃຫ້ບໍລິການໃນແບບມອບເໝົາເພື່ອງາມສະດວກໃນການປະຕິບັດງານເພື່ອຄວາມພຶ່ງພໍໃຈຂອງລູກຄ້າ.

ຂ່າວ ບຸນນິກ

แชร์