ປ໋ອກ ຂັນທະວົງໄຊ ນັກທຸລະກິດໄຟແຮງປະສົບຜົນສຳເລັດ

ທ່ານ ນາງ ປ໋ອກ ຂັນທະວົງໄຊ ນັກທຸລະກິດໄວລຸ້ນມາແຮງ ອາຍຸພຽງ 24 ປີ ທີ່ມີຫຼາກຫຼາຍຄວາມສາມາດກ້າເຮັດກ້າລົງທຶນ ແລະບວກຄວາມດຸໝັ່ນອົດທົນຮຽນຮູ້ສິ່ງໃໝ່ໆຈົນເຮັດໃຫ້ເປັນທີ່ຮູ້ຈັກຈາກສັງຄົມໂດຍສະເພາະວົງການນັກທຸລະກິດ ແລະຮັບລາງວັນນັກທຸລະກິດດີເດັ່ນປະຈຳປີ.

ສຳລັບສາວປ໋ອກແມ່ນເພິ່ນເລີ່ມຕົ້ນເຮັດທຸລະກິດແບຣນສະບູເປັນຂອງຕົນເອງແຕ່ຕອນຍັງເປັນນັກຮຽນ ແລະປະຈຸບັນກ້າວມາເປັນເຈົ້າຂອງທຸລະກິດຮ້ານເພັດທີ່ສາມາດສ້າງຂຶ້ນດ້ວຍຄວາມສາມາດ ແລະນໍ້າພັກນໍ້າແຮງຂອງຕົນ.

ເຮັດໃຫ້ເມື່ອບໍ່ດົນມານີ້ເພິ່ນກໍ່ໄດ້ເປັນທີ່ຮູ້ຈັກ ແລະຍອມຮັບຈາກຄະນະບໍລິຫານສະພາການຄ້ານະຄອນຫຼວງວຽງຈັນມອບລາງວັນນັກທຸລະກິດຂະໜາດນ້ອຍ ແລະກາງດີເດັ່ນໃນງານມອບຮັບລາງວັນນັກທຸລະກິດດີເດັ່ນປະຈຳປີ.

ສຸດທ້າຍເພິ່ນກໍ່ສະແດງຄວາມຮູ້ບຸນຄຸນຜູ້ໃຫຍ່ທີ່ໃຫ້ໂອກາດ ແລະເປັນແຮງບັນດາໃຈເປັນພະລັງໃຫ້ຕົນເອງກ້າວໄປຂ້າງໜ້າຊຶ່ງລາງວັນດັ່ງກ່າວແມ່ນບັນທຶກຄວາມຊົງຈຳແລະເປັນອີກບາດກ້າວສຳລັບນັກທຸລະກິດອາຍຸພຽງ 24 ປີທີ່ສາມາດປະສົມຜົນສຳເລັດ ແລະເປັນແບບຢ່າງໄວ້ລຸ້ນເບິ່ງເປັນແບບຢ່າງ.

ຂ່າວ ບຸນນິກ ມະນີ

• 20/05/2022