ບົດຮຽນການບໍລິຫານ ແລະຮູບແບບການດຳເນີນງານສະຖານີວິທະຍຸ ມ.ຂອນແກ່ນ

ໃນວັນທີ 18 ພຶດສະພາ 2022 ຄະນະແລກປ່ຽນບົດຮຽນໂຄງການສະໜັບສະໜູນການມີສ່ວນຮ່ວມຂອງປະຊາຊົນຜ່ານວິທະຍຸຊຸມຊົນຂອງປະເທດລາວໄດ້ເຂົ້າພົບ ອ.ຈ ນັນທະມົນທະນະກຸນລັງສິລິຜູ້ຊ່ວຍອະທິການບໍດີຜ່ານກິດຈະການພິເສດພ້ອມດ້ວຍຄະນະບໍລິຫານງານກອງສື່ສານອົງກອນເພື່ອແລກປ່ຽນບົດຮຽນກ່ຽວກັບນະໂຍບາຍ, ໂຄງສ້າງ ແລະຮູບແບບການດຳເນີນງານຂອງສະຖານີວິທະຍຸກະຈາຍສຽງຂອງ ມ.ຂອນແກ່ນ ປະເທດໄທ. ສະຖານີວິທະຍຸແຫ່ງນີ້ໄດ້ເຜີຍແຜ່ຂໍ້ມູນຂ່າວສານໃຫ້ນັກສຶກສາ ແລະ ປະຊາຊົນ ມ.ຂອນແກ່ນ ຕັ້ງແຕ່ປີ 1967 ລວມແລ້ວການອອກອາກາດມາຮອດປະຈຸບັນແມ່ນ 50 ກ່ວາປີ ຊຶ່ງໄດ້ເຂົ້າເຖີງການພັດທະນາການສື່ສານ ແລະກົງກັບກຸ່ມເປົ້າໝາຍດ້ວຍເທັກໂນໂລຊີທີ່ທັນສະໄໝຕາມຄຳຂັວນ ຂອງສະຖານີທີ່ວ່າ: "ສະຖານີຄວາມຮູ້ຂ່າວສານບໍລິການສາທາລະນະ".

ໃນໂອການີ້ທ່ານ ສົມກ້ຽວ ກີ່ງສະດາ ຫົວໜ້າກົມຮ່ວມມືສາກົນສູນກາງຊາວໝຸ່ມລາວຍັງໄດ້ໃຫ້ສຳພາດແກ່ສື່ມວນຊົນ ມ.ຂອນແກ່ນ ຕື່ມວ່າ: ການແລກປ່ຽນຄວາມຮູ້ໃນຄັ້ງນີ້ແມ່ນໄດ້ຮັບຜົນປະໂຫຍດຢ່າງຍິ່ງ ແລະຄວາມຮູ້ຫຼາຍຢ່າງເປັນຕົ້ນແມ່ນທາງດ້ານການບໍລິຫານຄຸ້ມຄອງ ແລະທາງດ້ານວິຊາການຊຶ່ງພວກເຮົາຈະໄດ້ນຳເອົາຄວາມຮູ້ນີ້ນຳໄປຜັນຂະຫຍາຍ ແລະປັບໃຊ້ໃນການດຳເນີນງານຂອງວິທະຍຸພາຍໃນອົງກອນ ແລະວິທະຍຸຊຸມຊົນ. ພ້ອມດຽວກັນຄະນະຝ່າຍລາວກໍ່ໄດ້ມອບປື້ມຈຳນວນໜື່ງທີ່ຂຽນກ່ຽວກັບບົດວິໄຈສະພາບຊາວໝຸ່ມ ແລະເຍົາວະຊົນ, ຍຸດທະສາດພັດທະນາຊາວໝຸ່ມເຍົາວະຊົນ ແລະແກ້ໄຂສະຖານະການໃຫ້ຄຳປຶກສາບັນຫາຈິດໃຈຂອງໄວໝຸ່ມຜ່ານອອນເພື່ອເອົາເຂົ້າຫ້ອງສະໝຸດມະຫາວິທະຍາໄລຂອນແກ່ນອີກດ້ວຍ. ການແລກປ່ຽນຄັ້ງນີ້ແມ່ນໄດ້ຮັບການສະໜັບສະໜູນຈາກອົງການສະຫະປະຊາຊາດເພື່ອພັດທະນາປະຈຳ ສປປລາວ (UNDP)

แชร์