ຍ້ອນຜົນກະທົບຈາກບັນຫາພະລັງງານຂອງໂລກ ແລະການລະບາດຂອງພະຍາດໂຄວິດ-19 ປະກອບກັບຄວາມຫຍຸ້ງຍາກດ້ານເງິນຕາສົ່ງຜົນໃຫ້ເກີດປາກົດການຂາດແຄນນໍ້າມັນເຊື້ອໄຟຢູ່ລາວເປັນປະຫວັດການຕະຫຼອດທິດກວ່າມານີ້ຜູ້ຊົມໃຊ້ໄດ້ລໍຖ້າເປັນແຖວຍາວຊື້ນໍ້າມັນຢູ່ຕໍ່ໜ້າບັນດາປໍ້ານໍ້າໃນທົ່ວປະເທດຢ່າງໃດກໍຕາມຕໍ່ກັບສະພາບດັ່ງກ່າວ, ບັນດາວິສາຫະກິດທີ່ລົງທຶນດ້ານການຜະລິດ.

 

ພະລັງງານໄຟຟ້າຂອງຈີນຢູ່ລາວ, ສະແດງຄວາມຮັບຜິດຊອບປະກອບສ່ວນຊ່ວຍສັງຄົມເພື່ອແບ່ງເບົາຄວາມກັງວົງໃຫ້ກັບປະຊາຊົນລາວບັນດາເຜົ່າໂດຍໄດ້ເລັ່ງໃສ່ການຜະລິດພະລັງງານໄຟຟ້າໃຫ້ຫຼາຍຂຶ້ນ, ເພື່ອຮັບປະກັນການຕອບສະໜອງໃຫ້ພຽງພໍຕໍ່ການຊົມໃຊ້ພາຍໃນ ແລະສ່ວນທີ່ເຫຼືອສາມາດສົ່ງອອກໄປຍັງຕ່າງປະເທດໃຫ້ຫຼາຍຂຶ້ນ, ຊຶ່ງເປັນການເພີ່ມລາຍຮັບເງິນຕາຕ່າງປະເທດໃຫ້ແກ່ ສປປ ລາວ ນອກນັ້ນຍັງຈະມີຄ່າພາສີ ແລະອາກອນທີ່ເປັນລາຍຮັບໂດຍກົງແກ່ລາວນຳອີກ.

 

ປະຈຸບັນ, ບໍລິສັດລົງທຶນດ້ານການຜະ ລິດພະລັງງານໄຟຟ້າຢູ່ລາວ, ມີເຂື່ອນໄຟຟ້າທັງໝົດ 16 ເຂື່ອນທີ່ກໍາລັງດໍາເນີນ ການຜະລິດຢູ່, ໂດຍມີກໍາລັງຕິດຕັ້ງລວມ 2.256 ເມກາວັດ ໃນນັ້ນ, ບໍລິສັດ ພາເວີ ໄຊນ່າ ມີຈຳນວນ 8 ເຂື່ອນກໍາລັງຕິດຕັ້ງ ລວມ 1.392 ເມກາວັດ, ສາມາດຮັບປະກັນການສະໜອງພະລັງງານໄຟຟ້າໃນລາວໄດ້ປະມານ 12%, ແລະ ການສະໜອງໄຟຟ້າໃນລະດູແລ້ງກວມເອົາຫຼາຍກວ່າ 30% ຂອງປະລິມານການຊົມໃຊ້ໄຟຟ້າຂອງປະເທດ.

 

ໃນປີ 2022 ນີ້ເຖິງຈະຜະເຊີນຕໍ່ສະພາບການແຜ່ລະບາດທີ່ແກ່ຍາວຂອງພະຍາດໂຄວິດ-19 ແລະຄວາມກັງວົນດ້ານການຕະຫຼາດພະລັງງານໄຟຟ້າ, ການເກັບເງິນຄ່າໄຟຟ້າມີຄວາມຫຍຸ້ງຍາກ, ເຮັດໃຫ້ການດຳເນີນທຸລະກິດຂອງບໍລິສັດມີລັກສະນະຝືດເຄືອງ ແລະອື່ນໆ ແຕ່ບໍລິສັດຜະລິດໄຟຟ້າພະລັງນໍ້າໆອູທີ່ໄດ້ຮັບການສະໜອງທຶນຈາກ ສປປ ຈີນ ກໍໄດ້ພະຍາຍາມອົດທົນຜ່ານຜ່າແບກຫາບພາລະສືບຕໍ່ປະຕິບັດໜ້າທີ່ໃນການສືບທອດສາຍພົວພັນມິດຕະພາບຈີນ-ລາວ, ຍຶດໝັ້ນຄວາມຮັບຜິດຊອບສູງຕໍ່ປະຊາຊົນ, ຮັບປະກັນສະໜອງຄວາມຕ້ອງການພະລັງງານໄຟຟ້າຢ່າງເຕັມຄວາມສາມາດ.

 

ເນື່ອງຈາກບໍລິສັດພາວເວີໄຊນ່າໄດ້ມີສ່ວນຮ່ວມຢ່າງເລິກເຊິ່ງໃນຕະຫຼາດໄຟຟ້າຂອງລາວມາຢ່າງຍາວນານຫຼາຍປີ, ມີມິດຕະພາບອັນເລິກເຊິ່ງກັບປະຊາຊົນລາວ, ໃນປີ 2022 ບໍລິສັດພາວເວີໄຊນ່າກໍ່ຄືໂຄງການເຂື່ອນໄຟຟ້ານໍ້າອູ ແລະເຂື່ອນນໍ້າງື່ມ 5 ສາມາດຜະລິດພະລັງງານໄຟຟ້າບັນລຸ 1,2 ຕື້ກີໂລວັດໂມງ.

 

ພ້ອມດຽວກັນນີ້ຍັງໄດ້ຍຶດໝັ້ນໃນແນວຄວາມຄິດ “ໃນການໃຊ້ນໍ້າທຸກຢົດໃຫ້ເປັນປະໂຫຍດເພື່ອການຜະລິດພະລັງ ງານໄຟຟ້າໃນທຸກກິໂລວັດໂມງ” ນຳໃຊ້ຊັບພະຍາກອນນໍ້າທີ່ອຸດົມສົມບູນມາສ້າງເປັນພະລັງງານສະອາດ ແລະຍືນຍົງພະລັງງານໄຟຟ້າທີ່ພຽງພໍຍັງສາມາດຮັບປະກັນໃຫ້ແກ່ການດຳເນີນການຜະລິດ ແລະເຮັດໃຫ້ຊີວິດການເປັນຢູ່ຂອງປະຊາຊົນໄດ້ຢ່າງເປັນປົກກະຕິ.

 

ຄຽງຄູ່ກັນນີ້ຍັງເປັນການກະຕຸກຊຸກຍູ້ໃຫ້ປະຊາຊົນລາວມີຄວາມນິຍົມໃນການນໍາໃຊ້ເຄື່ອງໃຊ້ໄຟຟ້າໃນການດຳລົງຊີວິດໃຫ້ຫຼາຍຂຶ້ນ, ການສະໜອງໄຟຟ້າທີ່ພຽງພໍໃຫ້ແກ່ປະຊາຊົນລາວສາມາດເຮັດໃຫ້ປະຊາຊົນລາວມີວິທີໃນການຮັບມືຕໍ່ວິກິດການຂາດແຄນນໍ້າມັນໄດ້ດີຂຶ້ນ.

 

ໃນປີນີ້, ຜ່ານລະບົບພະຍາກອນອາກາດ, ລະດູຝົນກໍ່ໃກ້ຈະມາຮອດແລ້ວ, ບັນດາເຂື່ອນໄຟຟ້ານໍ້າອູ ແລະເຂື່ອນໄຟຟ້ານໍ້າງື່ມ 5, ກໍ່ໄດ້ກຽມພ້ອມທີ່ຈະຜະລິດພະລັງງານໄຟຟ້າຢ່າງເຕັມທີ່ຊຶ່ງຕາມປົກກະຕິແລ້ວເຂື່ອນເຫຼົ່ານີ້ໄດ້ມີການກະກຽມຄວາມພ້ອມໃນການກວດກາອຸປະກອນເພື່ອຮັບປະກັນຄວາມປອດໄພໃນການຜະລິດຢ່າງເປັນປະຈຳ, ໂດຍການນຳໃຊ້ສູນຄວບຄຸມພະລັງງານໄຟຟ້າຂອງໂຄງການຊຶ່ງມີສາມາດກວດສອບ ແລະຕິດຕາມສະພາບອາກາດໃນໄລຍະຍາວ ແລະຕິດຕາມລະດັບນໍ້າ, ການຜະລິດພະລັງງານ ແລະ ອ່າງເກັບນໍ້າຂອງ ບັນດາເຂື່ອນດ້ວຍໄລຍະໄກ, ເພື່ອວາງແຜນການຜະລິດພະລັງງານໄຟຟ້າໄດ້ ຕະຫຼອດເວລາ, ເປັນການຮັບປະກັນສະໜອງພະລັງງານທີ່ພຽງພໍໃຫ້ແກ່ການ ສ້າງເສດຖະກິດ-ສັງຄົມ ຂອງ ສປປ ລາວ.

 

ໃນເວລາດຽວກັນ, ກໍ່ໄດ້ຮັກສາການຕິດຕໍ່ພົວພັນກັບກະຊວງພະລັງງານ ແລະບໍ່ແຮ່, ລັດວິສາຫະກິດໄຟຟ້າລາວ ແລະ ສູນບັນຊາແຫ່ງຊາດຂອງໄຟຟ້າລາວຢູ່ຕະຫຼອດເວລາໂດຍປະຕິບັດຕາມຄຳສັ່ງ ແລະເປັນ “ກຳລັງຫຼັກ” ໃນການຜະລິດພະລັງງານໄຟຟ້າໃນ ສປປ ລາວ.

 

ແນວໃດກໍ່ດີ ທັງໝົດນີ້ກໍ່ເປັນອີກແຮງໜຶ່ງໃນການປະກອບສ່ວນແກ້ໄຂບັນຫາຄວາມຫຍຸ້ງຍາກດ້ານເງິນຕາ ແລະຊ່ວຍລົດວິກິດດ້ານການຂາດແຄນນໍ້າມັນໃນຄັ້ງນີ້; ພ້ອມທັງສະໜອງພະລັງງານທີ່ໜ້າເຊື່ອຖື, ສືບຕໍ່ຊຸກຍູ້ການຟື້ນຕົວ ແລະ ພັດທະນາເສດຖະກິດແຫ່ງຊາດຂອງ ສປປ ລາວພາຍຫຼັງການລະບາດຂອງພະຍາດ ໂຄວິດ-19 ນຳອີກ.

 

ສຳລັບປີ 2021 ຜ່ານມາ ສປປ ລາວ ສາມາດສົ່ງອອກກະແສໄຟຟ້າໄປຍັງບັນ ດາປະເທດໃກ້ຄຽງມີມູນຄ່າປະມານ 2.200 ລ້ານໂດລາສະຫະລັດ ໃນນັ້ນສົ່ງ ອອກຫຼາຍກວ່າໝູ່ແມ່ນໄປໄທປະມານ 1.900 ລ້ານໂດລາ, ກຳປູເຈຍ 147 ລ້ານໂດລາ, ຫວຽດນາມ78 ລ້ານໂດລາ ແລະມຽນມາຕາມລຳດັບຊຶ່ງໃນກຸ່ມປະເທດອາຊຽນ ສປປ ລາວ ແມ່ນປະເທດທຳ ອິດທີ່ໄດ້ລິເລີ່ມສົ່ງຂາຍໄຟຟ້າແບບເຊື່ອມໂຍງໃນກຸ່ມປະເທດອາຊຽນຊຶ່ງຜົນງານການສົ່ງອອກກະແສໄຟຟ້າທັງໝົດນັ້ນໂຄງການລົງທຶນສ້າງເຂື່ອນຂອງບໍລິສັດຈາກ ສປປ ຈີນ ແມ່ນຖືໄດ້ວ່າເປັນຜູ້ປະກອບສ່ວນຢ່າງສຳຄັນ.

---

ຂຽນໂດຍ: Ms Tianfujun ຈາກ: ບໍລິສັດຜະລິດໄຟຟ້າ ພະລັງນໍ້າ ນໍ້າອູ ຈຳກັດ.