ປຸກລະດົມ ຂະບວນການແຂ່ງຂັນບົດປະພັນວັນນະຄະດີສະຫຼອງປີສາມັກຄີ ມິດຕະພາບ ລາວ-ຫວຽດນາມ

ທ່າມກາງບັນຍາກາດ ສະເຫຼີມສະຫຼງວັນປະຫວັດສາດທີ່ສໍາຄັນ ແຫ່ງການພົວພັນມິດຕະ ພາບພິເສດ ລະຫວ່າງ ລາວ-ຫວຽດນາມ ຄື ວັນເຊັນສົນທິສັນຍາມິດຕະພາບ ແລະ ການຮ່ວມມືລາວ-ຫວຽດນາມ ຄົບຮອບ 45 ປີ (18/07/1977-18/07/2022) ແລະ ວັນສ້າງຕັ້ງສາຍພົວພັນການທູດລາວ-ຫວຽດນາມ ຄົບຮອບ 60ປີ (05/09/1962-05/09/2022).

    ໃນວັນທີ 16 ພຶດສະພາ 2022, ຄະນະໂຄສະນາອົບຮົມສູນກາງພັກ ໄດ້ຈັດກອງປະຊຸມປຸກລະດົມຂະບວນການ ຈັດບັ້ນແຂ່ງຂັນກວດສອບບົດປະພັນວັນນະຄະດີ ທົ່ວປະເທດ ໂດຍການເປັນປະທານຂອງທ່ານ ປອ ຄຳພັນ ເຜີຍລະວົງ ເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ, ຮອງປະທານຊີ້ນຳລະດັບຊາດ ເພື່ອສະເຫລີມສະຫລອງປີສາມັກຄີມິດຕະພາບ ລາວ-ຫວຽດນາມ 2022, ມີບັນດາ ປະທານສະມາຄົມນະປະພັນລາວ, ຫົວໜ້າກົມ-ຮອງກົມ, ຜູ້ຕາງໜ້າຈາກສະຖານທູດຫວຽດນາມ, ນັກປະພັນ, ນັກກະວີ, ອາຈານ ແລະ ນ້ອງໆນັກສຶກສາຈາກມະຫາວິທະຍາໄລແຫ່ງຊາດເຂົ້າຮ່ວມ.

     ທ່ານ ປອ ຄໍາພັນ ເຜີຍລະວົງ ໄດ້ກ່າວວ່າ: ເພື່ອຈັດຕັ້ງສະເຫລີມສະຫລອງ ວັນສຳຄັນປະຫວັດ ສາດດັ່ງກ່າວ ໃຫ້ມີຄວາມໝາຍເລິກເຊິ່ງ ມີເນື້ອໃນໜັກແໜ້ນ ສູນກາງພັກ ສປປ ລາວ ຈຶ່ງໄດ້ມີການຊີ້ນຳ ແລະ ມີແຜນການຈັດຕັ້ງສະເຫລີມສະຫລອງ ດ້ວຍຫລາຍກິດຈະກຳທີ່ຫວນຄືນມູນເຊື້ອ ສອງປະເທດລາວ-ຫວຽດນາມ ເພື່ອເປັນບົດຮຽນໃຫ້ແກ່ຄົນຮຸ່ນໃໝ່. ໃນນັ້ນ, ກິດຈະກຳທີ່ຈະຫວນຄືນ ແລະ ລະນຶກເຖິງມູນເຊື້ອສາມັກຄີມິດຕະພາບ ທີ່ສຳຄັນ ແລະ ມີຊີວິດຊີວາ ກໍແມ່ນການບັນທຶກຂຽນຄືນດ້ວຍຮູບແບບວັນນະຄະດີ, ປະເພດບົດເລື່ອງ, ບົດກາບກອນ, ກະວີ. ດັ່ງນັ້ນ, ຫົວຂໍ້ພົບປະໂອ້ລົມໃນມື້ນີ້ ພວກເຮົາຈະໄດ້ເນັ້ນໃສ່ສະເພາະການຂຽນຄືນມູນເຊື້ອຄວາມສາມັກຄີມິດຕະພາບ ແລະ ການຮ່ວມມືຮອບດ້ານ ຂອງລາວ ແລະ ຫວຽດນາມ, ພ້ອມດ້ວຍຂໍ້ຄິດ ຄວາມເຫັນທີ່ກ່ຽວພັນເຖິງການຂຽນ ເພື່ອໃຫ້ບົດ ແລະ ກະວີ ດັ່ງກ່າວ ສະທ້ອນໃຫ້ເຫັນມູນເຊື້ອອັນດີງາມໄດ້ຢ່າງເລິກເຊິ່ງ ແລະ ໜ້າສົນໃຈຂອງຜູ້ອ່ານ.

      ນອກຈາກນີ້, ເພື່ອປະຕິບັດຕາມທິດນຳຂອງພັກເຮົາ ກ່ຽວກັບການເສີມຂະຫຍາຍວັນນະຄະດີຂອງຊາດ, ການສົ່ງບົດປະພັນຂອງຕົນເຂົ້າຮ່ວມ ໃຫ້ສາມາດສ່ອງແສງໄດ້ຄວາມເປັນຈິງ ທີ່ເປັນບົດຮຽນອັນລ້ຳຄ່າ, ຜູ້ຂຽນຄວນໄດ້ຊອກຮູ້, ຄົ້ນຄວ້າຫາຂໍ້ມູນນຳພະນັກງານ, ທະຫານ, ປະຊາຊົນ ທີ່ເຄີຍໄດ້ຜ່ານປະສົບການ ຫລື ຜູ້ທີ່ຮູ້ຈັກການພົວພັນຮ່ວມມື ລາວ-ຫວຽດນາມ ທີ່ກ່ຽວກັບຫົວເລື່ອງທີ່ຕົນຈະຂຽນ. ສຳລັບອົງການຈັດຕັ້ງສະມາຄົມ, ອົງການລັດທີ່ກ່ຽວຂ້ອງ ຕ້ອງໄດ້ສ້າງເງື່ອນໄຂ ແລະ ອຳນວຍຄວາມສະດວກໃຫ້ຜູ້ທີ່ຈະຂຽນ ເພື່ອສາມາດເກັບກຳຂໍ້ມູນ, ເຖິງວ່າບໍ່ໄດ້ຊ່ວຍດ້ານຄ່າໃຊ້ຈ່າຍ ກໍຊ່ວຍໃຫ້ຄຳແນະນຳ, ໃຫ້ຄວາມສະດວກໃນການຕິດຕໍ່ປະສານງານ ຫລື ອອກເອກະສານພົວພັນເກັບກຳຂໍ້ມູນນຳບຸກຄົນ ແລະ ສະ ຖານທີ່ກ່ຽວຂ້ອງ.

      ປະທານກອງປະຊຸມ ໄດ້ສະແດງຄວາມເຊື່ອໝັ້ນວ່າ ດ້ວຍປະສົບການຂຽນຂອງບັນດາທ່ານ ແລະ ຈັນຍາບັນສິລະປິນ ທີ່ມີໃນໂຕຂອງນັກປະພັນແຕ່ລະຄົນ, ບົດຂຽນບົດປະພັນທີ່ຈະຂຽນອອກມາໃນບັ້ນແຂ່ງຂັນກວດສອບ ແລະ ເຂົ້າຮ່ວມພິມປຶ້ມຄັ້ງນີ້ ຈະເປັນການປະກອບສ່ວນໃຫຍ່ຫລວງ ເຂົ້າໃນການເພີ່ມພູນຄູນສ້າງ ສາຍພົວພັນມິດຕະພາບ ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ລາວ-ຫວຽດນາມ ໄດ້ຢ່າງຫ

แชร์