ກອງປະຊຸມເອກະພາບ ກຳນົດແຜນການ-ກຳນົດເວລາ, ສະຖານທີ່ ຈັດພິທີມອບຮັບອັດຖິທະຫານອາສາສະມັກ ແລະຊ່ຽວຊານຫວຽດນາມກັບຄືນປະເທດ ສົກປີ 2021-2022

ໃນວັນທີ 4 ພຶດສະພາ 2022  ຢູ່ກອງບັນຊາການທະຫານແຂວງສະຫວັນນະເຂດ ຄະນະກໍາມະການປະຕິບັດງານພິເສດສອງແຂວງສະຫວັນະເຂດ-ກວາງຈິ ໄດ້ຈັດກອງປະຊຸມຕີລາຄາສະພາບກາບການ ແລະສະຫຼຸບໝາກຜົນໃນການຈັດຕັ້ງປະຕິບັດແຜນການສຳຫຼວດ,ຊອກຫາ,ຂຸດຄົ້ນ ແລະ ທ້ອນໂຮມອັດຖິທະຫານອາສາສະມັກ ແລະ ຊ່ຽວຊານຫວຽດນາມທີ່ເສຍສະຫລະຊິວິດໃນປາງສົງຄາມ ຢູ່ພຶ້ນທີ່ຂອງແຂວງສະຫວັນນະເຂດໃນລະດູແລ້ງ ປີ 2021-2022 ໂດຍການເຂົ້າຮ່ວມຝ່າຍລາວນຳໂດຍສະຫາຍ ພົນຈັດຕະວາ ສີ ທະວີໄຊ ກຳມະການປະຈຳພັກແຂວງເລຂາຄະນະພັກຫົວໜ້າການເມືອງກອງບັນຊາການທະຫານແຂວງສະຫວັນະເຂດຮອງປະທານຄະນະກຳມະກນປະຕິບັດງານພິເສດຂັ້ນແຂວງສະຫວັນະເຂດ ສປປ ລາວ ແລະຝ່າຍຫວຽດນາມນຳໂດຍສະຫາຍ ພັນເອກ ຫງຽນ ບາ ຢ້ວນ ຫົວໜ້າການເມືອງກອງບັນຊາການທະຫານແຂວງກວາງຈິຮອງປະທານຄະນະກຳມະການປະຕິບັດງານພິເສດແຂວງກວາງຈິພ້ອມດ້ວຍຄະນະ ແລະບັນດາສະຫາຍໃນຄະນະກຳມະການປະຕິບັດງານພິເສດແຂວງສະຫວັນະເຂດ-ກວາງຈິ ເຂົ້າຮ່ວມ..

ໃນການປະຕິບັດວຽກຕົວຈິງຄະນະກໍາມະການປະຕິບັດງານພິເສດສອງຟ່າຍໄດ້ປະສານສົມທົບຊີ້ນໍາອໍານາດການປົກຄອງແຕ່ລະຂັ້ນເຮັດວຽກໂຄສະນາເຜີຍແຜ່, ຂົນ ຂວາຍປະຊາຊົນ, ເຖົ້າແກ່ແນວໂຮມນາຍບ້ານ, ເພື່ອປະສານສົມທົບໃນວຽກງານຊອກຫາ, ສະໜອງຂໍ້ມູນ ແລະນໍາພາທາງໃຫ້ກອງຂຸດຄົ້ນອັດຖິ 584 ລົງຂຸດຄົ້ນທັນເວລາ, ຊັດເຈນມີປະສິດທິຜົນ, ກໍາແໜ້ນສະພາບການໃນພຶ້ນທີ່, ຊີ້ນໍາບັນດາທ້ອງຖິ່ນເພື່ອຮັບປະກັນຄວາມປອດໄພ, ຄວາມສະຫງົບໃຫ້ແກ່ກອງຂຸດຄົ້ນ 584 ໃນໄລຍະຜ່ານມາ. ຊຶ່ງຄະນະປະຕິບັດງານສອງແຂວງກໍ່ໄດ້ເຫັນດີເປັນເອກະພາບເພື່ອຈະຈັດສົ່ງອັດຖິທະຫານອາສາສະມັກ ແລະຊ່ຽວຊານຫວຽດນາມກັບຄືນປະເທດຢ່າງສົມກຽດໃນອີກບໍ່ດົນນີ້, ໝາກຜົນຂອງການຮ່ວມມືໃນການຂຸດຄົ້ນອັດຖິທະຫານອາສາສະມັກ ແລະ ຊ່ຽວຊານຫວຽດນາມທີ່ເສຍສະຫລະຊິວິດໃນປາງສົງຄາມຢູ່ພື້ນທີ່ຂອງແຂວງສະວັນເຂດໃນສົກລະດູແລ້ງ 2021-2022 ນີ້ສອງຝ່າຍໄດ້ຕີລາຄາສູງເຖິງການພົວພັນຮ່ວມມືລະຫວ່າງສອງພັກສອງລັດກໍ່ຄືແຂວງສະຫວັນະເຂດ - ກວາງຈິ ແລະສອງກອງບັນຊາການທະຫານແຂວງສະຫວັນະເຂດ-ກວາງຈິ ທີ່ມີມາແຕ່ດົນນານແລ້ວນັ້ນໄດ້ຈະເລີນງອກງາມຍິ່ງໆຂຶ້ນຈາກນັ້ນທັງສອງຢ່າຍກໍ່ໄດ້ເຊັນ ບົດບັນທຶກມອບ-ຮັບ ຢ່າງເປັນທາງການຕອນທ້າຍຍັງໄດ້ມອບຂອງຂວັນໃຫ້ກັນ ແລະກັນຕື່ມອີກ.

แชร์