ລັດຖະມົນຕີກະຊວງການເງິນ ຊຸກຍູ້ການປະຕິບັດແຜນງົບປະມານ ນວ

ເມື່ອບໍ່ດົນມານີ້, ທ່ານ ບຸນໂຈມ ອຸບົນປະເສີດ ລັດຖະມົນຕີກະຊວງການເງິນພ້ອມດ້ວຍຄະນະ, ໄດ້ເຄື່ອນໄຫວຢ້ຽມຢາມ ແລະເຮັດວຽກຢູ່ນະຄອນຫຼວງວຽງຈັນ (ນວ), ໂດຍການຕ້ອນຮັບຂອງ ທ່ານ ອາດສະ ພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ, ມີບັນດາກົມອ້ອມຂ້າງກະຊວງການເງິນ, ຫົວໜ້າ, ພະແນກການເງິນ ແລະພາກສ່ວນກ່ຽວຂ້ອງເຂົ້າຮ່ວມ.

ທ່ານ ສີລິລາດທົງສິນ ທອງເພັງ ຫົວໜ້າພະແນກການເງິນ ນວ, ໄດ້ລາຍງານກ່ຽວກັບການ ຈັດຕັ້ງປະຕິບັດແຜນງົບປະມານແຫ່ງລັດປີ 2022 ແລະ ບັນດາມາດຕະການຈັດຕັ້ງປະຕິບັດວາລະແຫ່ງຊາດ, ການຈັດຕັ້ງປະຕິບັດແຜນງົບປະມານແຫ່ງລັດ ປີ 2022 ໄລຍະ 3 ເດືອນ ປີ 2022 (ແຕ່ວັນທີ 1 ມັງກອນ ຮອດວັນທີ 19 ເມສາ 2022) ດ້ານລາຍຮັບທັງໝົດ ສາມາດປະຕິບັດໄດ້ 1.200,51 ຕື້ກີບ ເທົ່າກັບ 21,53% ຂອງແຜນການປີ 5.576,34 ຕື້ກີບ (ທຽບໃສ່ໄລຍະດຽວຂອງປີ 2021 ສາມາດປະຕິບັດໄດ້ລື່ນແຜນ 6,94% ເປັນເງິນ 77,92 ຕື້ກີບ).

ໃນນັ້ນ, ລາຍຮັບພູດສູນກາງ (ພາສີ) ສາມາດປະຕິບັດໄດ້ 807,95 ຕື້ກີບ ເທົ່າກັບ 19,71% ຂອງແຜນການປີ 4.100 ຕື້ກີບ (ທຽບໃສ່ໄລຍະດຽວຂອງປີ 2021 ສາມາດປະຕິບັດໄດ້ຫຼຸດ 5,55% ເປັນເງິນ 47,44 ຕື້ກີບ). ລາຍຮັບທ້ອງຖິ່ນ (ນວ) ສາມາດປະຕິບັດໄດ້ 392,55 ຕື້ກີບ ເທົ່າກັບ 26,59% ຂອງແຜນການປີ 1.476,34 ຕື້ກີບ (ທຽບໃສ່ໄລຍະດຽວຂອງປີ 2021 ສາມາດປະຕິບັດໄດ້ລື່ນແຜນ 46,92% ເປັນເງິນ 125,36 ຕື້ກີບ).

ໃນນີ້, ສ່ວຍສາອາກອນສາມາດປະຕິບັດໄດ້ 367,95 ຕື້ກີບ ເທົ່າກັບ 26,28% ຂອງແຜນການປີ 1.400 ຕື້ກີບ (ທຽບໃສ່ໄລຍະດຽວຂອງປີ 2021 ສາມາດປະຕິບັດໄດ້ລື່ນແຜນ 44,40% ເປັນເງິນ 113,13 ຕື້ກີບ) ຊັບສິນຂອງລັດ, ສາມາດປະຕິບັດໄດ້ 24,11 ຕື້ກີບ ເທົ່າກັບ 31,85% ຂອງແຜນການປີ 75,71 ຕື້ກີບ (ທຽບໃສ່ໄລຍະດຽວຂອງປີ 2021 ສາມາດປະຕິບັດໄດ້ລື່ນແຜນ 94,96% ເປັນເງິນ 11,74 ຕື້ກີບ) ວິສາຫະກິດລັດລົງທຶນສາມາດປະຕິບັດໄດ້ 484,53 ລ້ານກີບ ເທົ່າກັບ 76,53% ຂອງແຜນການປີ 633,10 ລ້ານກີບ (ທຽບໃສ່ໄລຍະດຽວຂອງປີ 2021 ສາມາດປະຕິບັດໄດ້ລື່ນແຜນ 100% ເປັນເງິນ 484,53 ລ້ານກີບ) ແລະ ລາຍຮັບອື່ນໆສາມາດປະຕິບັດໄດ້ 5,58 ລ້ານກີບ.

ໂດຍລັດຖະມົນຕີກະຊວງການເງິນ, ໄດ້ມີຄໍາເຫັນຊີ້ນໍາຂະແໜງການເງິນ ນວ ໂດຍເຫັນຄວນໃຫ້ມີການຫັນຫົວໜ່ວຍເຂົ້າລະບົບອາກອນມູນຄ່າເພີ່ມ, ການຖືບັນຊີຂອງຫົວໜ່ວຍທຸລະກິດ, ການຄຸ້ມຄອງການເກັບລາຍຮັບພາສີທີ່ດິນ ແລະຄ່າທໍານຽມທາງຜ່ານລະບົບທະນາຄານ ແລະອື່ນໆ. ເພື່ອໃຫ້ເຫັນໄດ້ຂໍ້ສະດວກ, ຂໍ້ຄົງຂ້າງ ແລະເປັນທິດທາງໃນການຈັດຕັ້ງປະຕິບັດວຽກງານໃນຕໍ່ໜ້າແນໃສ່ໃຫ້ສໍາເລັດໄດ້ຕາມຄາດໝາຍທີ່ວາງໄວ້.

แชร์