ແພດຈີນໃຊ້ 5 ຈີຜ່າຕັດສະໝອງຄົນເຈັບໄກ 3 ພັນກິໂລແມັດ

ແພດຄົນ ສປ ຈີນ ປະສົບ ຄວາມສຳເລັດໃນການຜ່າຕັດສະ ໝອງຄົນເຈັບທີ່ຢູ່ໄກ 3.000 ກິ ໂລແມັດ ໂດຍໃຊ້ລະບົບ 5 ຈີຂອງ ຫົວເຫວີຍເປັນຄົນທຳອິດ.

ຕາມຂ່າວຕ່າງປະເທດລາຍ ງານວ່າແພດຈີນຈາກໂຮງໝໍ  PLA General Hospital ປະຈຳມົນ ທົນໄຫ່ໜານ (ໄຫຫຼໍາ) ໄດ້ຜ່າຕັດ ກະຕຸ້ນສະໝອງສ່ວນເລິກຈາກທາງ ໄກໃຫ້ກັບຄົນເຈັບທີ່ເປັນພະຍາດ ເສັ້ນປະສາດສູນກາງ (ປາກກິນສັນ) ທີ່ປິ່ນປົວຢູ່ໂຮງໝໍນະຄອນຫຼວງປັກກິ່ງ ຊຶ່ງໄກອອກໄປຈາກສູນຜ່າຕັດ ເປັນໄລຍະທາງປະມານ 3.000 ກິໂລແມັດ ໂດຍທີມແພດໃນໂຮງໝໍໄຫ່ໜານຈະເປັນຜູ້ຄວບຄຸມອຸປະກອນໃນ ການຜ່າຕັດຜ່ານລະບົບເຄືອຂ່າຍ 5 ຈີ ແລະສາມາດຜ່າຕັດໄດ້ສຳເລັດໂດຍໃຊ້ເວລາ 3 ຊົ່ວໂມງ ແລະຄົນເຈັບ ມີອາການດີຂຶ້ນຕາມລໍາດັບ.

ແພດຜູ້ຜ່າຕັດກ່າວວ່າ ການຜ່າຕັດເປັນໄປດ້ວຍດີເພາະເຄື່ອຂ່າຍ 5 ຈີ ຊ່ວຍແກ້ໄຂບັນຫາຄວາມຫຼ້າຊ້າຂອງ ວີດີໂອ ພ້ອມທັງສະແດງຄວາມຫວັງວ່າ ຫຼາຍໆໂຮງໝໍຈະສາມາດໃຊ້ປະໂຫຍດຈາກເຕັກໂນໂລຊີລະບົບ 5 ຈີ ໃນ ການຜ່າຕັດທາງໄກໄດ້ຫຼາຍຂຶ້ນໃນອະນາຄົດ ເພື່ອໃຫ້ຄົນເຈັບໄດ້ຮັບບໍລິການປິ່ນປົວທີ່ດີໄດ້ ໂດຍບໍ່ຕ້ອງເດີນທາງໄກ.

ນສພ ເສດຖະກິດ-ສັງຄົມ

แชร์