ໄອເອັມເອຟອະນຸມັດເງິນກູ້ໃຫ້ອາກຊັງຕິນເກືອບ 11 ຕື້ໂດລາ

  ກອງທຶນການເງິນສາກົນ (ໄອເອັມເອຟ) ໄດ້ອະນຸມັດເງິນກູ້ໃຫ້ ອາກຊັງຕິນ 10,87 ຕື້ໂດລາສະຫະລັດ ເພື່ອຊ່ວຍສ້າງສະຖຽນລະພາບທາງເສດຖະກິດແລະແນະນໍາໃຫ້ປະຊາຊົນຮັດສາຍແອວໃນການໃຊ້ຈ່າຍ ສາທາລະນະ.

  ຕາມຂ່າວສານຫວຽດນາມລາຍງານວ່າ ໄອເອັມເອຟລະບຸວ່າ ໄດ້ອະ ນຸມັດເງິນຈຳນວນ 10,87 ຕື້ໂດລາໃນໄລຍະເວລາການກູ້ຢືມ 3 ປີເພື່ອ ສ້າງສະຖຽນລະພາບທາງເສດຖະກິດ, ຢ່າງໃດກໍຕາມ ໄອເອັມເອຟເຕືອນ ວ່າ ອັດຕາເງິນເຟີ້ລາຍເດືອນຍັງຢູ່ລະດັບສູງ ແລະອາກຊັງຕິນຈໍາເປັນ ຕ້ອງພະຍາຍາມ ແລະຮ່ວມມືເພື່ອຕ້ານໄພເງິນເຟີ້ ນອກຈາກນີ້ໄອເອັມ ເອຟຍັງແນະນໍາໃຫ້ລັດຖະບານຮັດສາຍແອວໃນການໃຊ້ຈ່າຍດ້ານສາທາ ລະນະ ເພື່ອຫຼີກລຽງການຂາດດຸນງົບປະມານໃນປີນີິ້, ນັບຕັ້ງແຕ່ກາງປີ 2018 ເປັນຕົ້ນມາອາກຊັງຕິນໄດ້ບັນລຸຂໍ້ຕົກລົງກັບໄອເອັມເອຟເພື່ອກູ້ ຢືມເງິນເປັນຈຳນວນ 57,1 ຕື້ໂດລາ ເພື່ອສ້າງສະຖຽນລະພາບທາງເສດ ຖະກິດ ຊຶ່ງໃນຂໍ້ຕົກລົງດັ່ງກ່າວລັດຖະບານອາກຊັງຕິນໃຫ້ຄຳໝັ້ນທີ່ຈະ ບັນລຸຍອດງົບປະມານໃນປີນີ້ກ່ອນທີ່ຈະຈ່າຍດອກເບ້ຍ.

  ຕາມສະຖິຕິອັດຕາເງິນເຟີ້ອາກຊັງຕິນໃນເດືອນກ່ອນໜ້ານີ້ເພີ່ມຂຶ້ນ 3,8% ເມື່ອທຽບກັບເດືອນມັງກອນປີ 2019 ແລະເພີ່ມຂຶ້ນ 51,3% ຈາກເດືອນດຽວກັນຂອງປີກ່ອນໜ້ານີ້.

ນສພ ເສດຖະກິດ-ສັງຄົມ

แชร์