ເຈົ້າແຂວງຈຳປາສັກ ຕ້ອນຮັບ ຄະນະກອງບັນຊາການປ້ອງກັນຄວາມສະຫງົບ ແລະອົງການໄອຍະການແຂວງ ເຖື່ອທຽນເຫວ້

ເມື່ອວັນທີ 7 ເມສາ 2022 ທີ່​ຫ້ອງວ່າການແຂວງຈຳປາສັກ, ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ ໄດ້ຕ້ອນຮັບການເຂົ້າຢ້ຽມຂໍ່ານັບຂອງຄະນະກອງບັນຊາການປ້ອງກັນຄວາມສະຫງົບແຂວງ ແລະຄະນະອົງການໄອຍະການ ແຂວງເຖື່ອທຽນເຫວ້ ແຫ່ງ ສສ ຫວຽດນາມ. ຊຶ່ງນຳໂດຍ ພັນເອກ. ຫງຽນ ແທ໋ງ ຕ໋ວນ ຄະນະປະຈໍາພັກແຂວງ, ຫົວໜ້າກອງບັນຊາການປ້ອງກັນຄວາມສະຫງົບແຂວງ ເຖື່ອທຽນເຫວ້ ແລະທ່ານ ຫງວຽນ ແທງ ຮ໊າຍ, ກຳມະການພັກແຂວງ, ສສຊ, ຫົວໜ້າອົງການໄອຍະການແຂວງເຖື່ອທຽນເຫວ້.ເນື່ອງໃນໂອກາດປີໃໝ່ລາວ ພສ 2565.

ໂດຍ ພັນເອກ. ຫງຽນ ແທ໋ງ ຕ໋ວນ ຫົວໜ້າກອງບັນຊາການປ້ອງກັນຄວາມສະຫງົບແຂວງ ເຖື່ອທຽນເຫວ້, ໄດ້ຕາງໜ້າທັງຄະນະກ່າວສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ ແລະໄດ້ລາຍງານສະພາບລວມຂອງແຂວງເຖື່ອທຽນເຫວ້ ໃນປີ 2020-2021. ຊຶ່ງຍົກໃຫ້ເຫັນຜົນກະທົບຈາກການລະບາດຂອງພະຍາດໂຄວິດ 19 ຈິ່ງເຮັດໃຫ້ແຂວງ ເຖື່ອທຽນເຫວ້ ມີຜົນສຳເລັດແຕ່ໃນບາງດ້ານ, ສຳລັບວຽກງານປ້ອງກັນຊາດປ້ອງກັນຄວາມສະຫງົບແມ່ນຍັງຮັກສາໄດ້ສະຖຽນລະພາບທາງສັງຄົມ.

ການມາຢ້ຽຢາມໃນຄັ້ງນີ້ກໍ່ເພື່ອເພີ່ມທະວີສາຍພົວພັນມິດຕະພາບຄວາມສາມັກຄີພິເສດ, ການພົວພັນທີ່ເປັນມູນເຊື້ອມິດຕະພາບຂອງສອງປະເທດ ຫວຽດນາມ - ລາວ. ໂດຍສະເພາະກໍແມ່ນການຮ່ວມມືລະຫວ່າງວຽກງານປ້ອງກັນຄວາມສະຫງົບ ແລະວຽກງານໄອຍະການຂອງສອງປະເທດ ແລະສອງແຂວງ ເຖື່ອທຽນເຫວ້ - ຈໍາປາສັກ ໃຫ້ດີຍິ່ງໆຂຶ້ນ.

ໂອກາດນີ້, ທ່ານ ວິໄລວົງ ບຸດດາຄຳ ໄດ້ຕາງໜ້າຄະນະພັກ, ອົງການປົກຄອງ ແລະ ປະຊາຊົນບັນດາເຜົາຊາວແຂວງຈໍາປາສັກ, ກ່າວສະແດງຄວາມຕ້ອນຮັບ ແລະ ຕີລາຄາສູງຕໍ່ການມາຢ້ຽມຢາມ ແລະເຮັດວຽກຂອງຄະນະກອງບັນຊາການປ້ອງກັນຄວາມສະຫງົບແຂວງ ແລະຄະນະອົງການໄອຍະການ ແຂວງເຖື່ອທຽນເຫວ້ ແຫ່ງ ສສ ຫວຽດນາມ. ຊຶ່ງເປັນການປະກອບສ່ວນເຂົ້າໃນການເສີມສ້າງສາຍພົວພັນມິດຕະພາບ, ຄວາມສາມັກຄີພິເສດ ແລະການຮ່ວມມືຮອບດ້ານ ລະຫວ່າງ ສອງຊາດ ລາວ-ຫວຽດນາມ,. ໂດຍສະເພາະກໍແມ່ນວຽກງານປ້ອງກັນຄວາມສະຫງົບ ແລະວຽກງານໄອຍະການຂອງສອງປະເທດ,ກໍ່ຄືສອງແຂວງເຖື່ອທຽນເຫວ້ ແລະຈໍາປາສັກ ໃຫ້ດີຂຶ້ນກ່ວາເກົ່າ.

ຊຶ່ງໃນໂອກາດບຸນປີໃໝ່ລາວ ພສ  2565 , ຄະນະນຳແຂວງຈຳປາສັກ ກໍ່ໄດ້ອວຍພອນໄຊປະເສີດໄປຍັງຄະນະນຳ ແລະປະຊາຊົນບັນດາເຜົ່າລາວ ແລະຫວຽດນາມ, ຈົ່ງມີສຸຂະພາບເຂັ້ມແຂງ, ມີພະລານາໄມສົມບູນ, ມີຄວາມຜາສຸກ, ປະສົບຜົນສໍາເລັດໃໝ່ໃຫ່ຍຫຼວງກວ່າເກົ່າ.

แชร์