ເບ໊ຄເກີຣ໌ ຖືກສານຕັດສິນໃນຄວາມຜິດປົກປິດຊັບສິນ ໂທດຈຳຄຸກ 7 ປີ

ບໍຣິສ ເບ໊ຄເກີຣ໌ ຕຳນານນັກເທນນິສ ຊາວເຢຍຣະມັນ ອາດຕ້ອງຮັບໂທດຈຳຄຸກສູງສຸດເຖິງ 7 ປີ, ຫຼັງຈາກເມື່ອວັນທີ 8 ເມສາ 2022 ນີ້ ສານນະຄອນລອນດອນຂອງປະເທດອັງກິດໄດ້ຕັດສິນວ່າເຂົາມີຄວາມຜິດໃນຄະດີທີ່ພົວພັນກັບການປົກປິດຊັບສິນເພື່ອເປັນບຸກຄົນລົ້ມລະລາຍເມື່ອປີ 2017.

ລາຍງານລະບຸວ່າ ເບ໊ຄເກີຣ໌ ຖືກຂໍ້ກ່າວຫາຊຸກເຊື່ອງຊັບສິນມູນຄ່າຫຼາຍລ້ານປອນດ໌(ສະກຸນເງິນອັງກິດ) ຊຶ່ງໃນຈຳນວນນັ້ນກໍ່ລວມເຖິງ ຂັນແຊມປ໌ແກຣນວະແລມ”ວິມເບີລດັນ”2 ສະໄໝ, ເພື່ອຫຼີກລ່ຽງຈາກການຈ່າຍໜີ້. ທັງນີ້, ເບ໊ຄເກີຣ໌ ຊຶ່ງອາໃສຢູ່ຣາຊອານາຈັກ (ອັງກິດ) ຕັ້ງແຕ່ປີ2012 ໄດ້ອ້າງວ່າ ຊັບສົມບັດທີ່ໄດ້ມາໃນຊ່ວງແຂ່ງຂັນເທນນິສ,ຫຼຸດຫາຍຮວບຮາບເນື່ອງຈາກຕ້ອງຈ່າຍຄ່າລ້ຽງດູພັນລະຍາ ແລະ ລູກໆ, ຫຼັງຈາກການຢ່າຮ້າງເມື່ອປີ 2001.

ຢ່າງໃດກໍຕາມ, ທ້າຍທີ່ສຸດແລ້ວ ເບ໊ຄເກີຣ໌ ກໍ່ຖືກສານຕັດສິນວ່າມີຄວາມຜິດ 4 ກໍລະນີ ແລະ ປົກປິດໜີ້ສິນ. ຊຶ່ງທັງໝົດນີ້ມີໂທດຈຳຄຸກເຖິງ 7 ປີ; ແຕ່ສານກໍ່ອະນຸຍາດໃຫ້ເຂົາໄດ້ປະກັນຕົວຊົ່ວຄາວເພື່ອລໍຄອຍຮັບຟັງຕຳຕັດສິນກ່ຽວກັບບົດລົງໂທດໃນວັນທີ 29 ເມສານີ້.

แชร์