ຜູ້ນໍາກຳປູເຈຍເຕືອນປະຊາຊົນຮັບມືຂາດແຄນໄຟຟ້າ

  ທ່ານ ຮຸນເຊນ ນາຍົກລັດຖະມົນຕີຂອງ ກຳປູເຈຍ ກ່າວໃນວັນທີ 18 ມີນາຜ່ານມາວ່າ ປະເທດກຳລັງປະເຊີນກັບບັນຫາຂາດແຄນໄຟຟ້າ ປະມານ 400 ເມກະວັດໃນໄລຍະລະດູຮ້ອນນີ້.

  ຕາມຂ່າວຕ່າງປະເທດລາຍງານວ່າ ໃນພິທີ ເປີດເທສະການແມ່ນໍ້າຄັ້ງທີ 5 ໃນແຂວງກຳ ປົງຊະນັງຜູ້ນໍາກຳປູເຈຍກ່າວວ່າ ກຳປູເຈຍ ກໍາລັງປະເຊີນກັບໄພແຫ້ງແລ້ງ ແລະຂາດແຄນນໍ້າ ຕັ້ງແຕ່ເດືອນກຸມພາ ແລະມີທ່າອຽງວ່າຈະດຳ ເນີນຕໍ່ໄປຈົນເຖິງເດືອນມິຖຸນາ ຊຶ່ງກະແສໄຟຟ້າ ຈຳນວນຫຼາຍຜະລິດຈາກເຂື່ອນໄຟຟ້າ ແຕ່ເວລາ ນີ້ປະເທດກຳລັງປະເຊີນກັບການຂາດແຄນນໍ້າ ດັ່ງນັ້ນ ເຂື່ອນໄຟຟ້າຈະສາມາດຜະລິດພະລັງ ງານໄດ້ຈຳນວນບໍ່ຫຼາຍ, ທ່ານ ຮຸນເຊນ ກ່າວ ວ່າເຮົາກຳລັງຂາດແຄນໄຟຟ້າປະມານ 400 ເມກະວັດ ແລະກຳລັງຫາທາງແກ້ໄຂບັນຫານີ້, ນອກຈາກນີ້ທ່ານຍັງຮ້ອງຂໍໃຫ້ປະຊາຊົນເຂົ້າ ໃຈເມື່ອໄຟຟ້າມອດໃນໄລຍະເວລາດັ່ງກ່າວ ແລະ ຮຽກຮ້ອງໃຫ້ຜູ້ທີ່ມີເຄື່ອງປັ່ນໄຟຜະລິດໄຟຟ້າໃຊ້ຕາມເຮືອນ, ໂຮງແຮມ ຫຼື ສະຖານທີ່ເຮັດວຽກ ຂອງຕົນເອງເພື່ອແກ້ໄຂບັນຫາຂາດແຄນໄຟຟ້າ.

  ຢ່າງໃດກໍຕາມ ທ່ານຮຸນເຊນກ່າວຕື່ມວ່າ ຂະ ແໜງການຜະລິດ ໂດຍສະເພາະໂຮງສີເຂົ້າບໍ່ໄດ້ຮັບຜົນກະທົບຈາກການຂາດແຄນພະລັງຄັ້ງນີ້, ກະຊວງບໍ່ແຮ່ ແລະພະລັງງານລະບຸວ່າ ປະລິ ມານການຜະລິດໄຟຟ້າໃນກຳປູເຈຍໃນປີ 2018 ຢູ່ທີ 2.650 ເມກະວັດ ໂດຍປະມານ 50% ຂອງການຜະລິດທັງໝົດ ຫຼື 1.329 ເມກະວັດ ເປັນພະລັງງານທີ່ຜະລິດຈາກເຂື່ອນໄຟຟ້າ.

ນສພ ເສດຖະກິດ-ສັງຄົມ

แชร์