ການນຳ ປກສ ເຂົ້າອວຍພອນ ນາຍົກລັດຖະມົນຕີ ໂອກາດວັນສ້າງຕັ້ງກຳລັງ ຄົບຮອບ 61 ປີ

 

ການນຳຂັ້ນສູງຂອງກະຊວງ ປ້ອງກັນຄວາມສະຫງົບ (ປກສ) ນໍາໂດຍ ສະຫາຍ ພົອ ວິໄລ ຫຼ້າຄຳຟອງ ກຳມະການກົມການເມືອງສູນກາງພັກ, ລັດຖະມົນຕີກະຊວງ ປກສ, ພ້ອມຄະນະ ໄດ້ເຂົ້າອວຍພອນ ສະຫາຍ ພັນຄຳ ວິພາວັນ ກຳມະການກົມການເມືອງສູນກາງພັກ, ນາຍົກລັກຖະມົນຕີ, ໃນວັນທີ 31 ມີນາຜ່ານມາ, ເນື່ອງໃນໂອກາດ ຂໍ່ານັບຮັບຕ້ອນວັນສ້າງຕັ້ງກຳລັງ ປ້ອງກັນຄວາມສະຫງົບປະຊາຊົນ ຄົບຮອບ 61 ປີ (5 ເມສາ 1961-5 ເມສາ 2022).

ໂອກາດດັ່ງກ່າວ, ສະຫາຍ ພັນຄຳ ວິພາວັນ ໄດ້ສະແດງຄວາມຊົມເຊີຍຕໍ່ການນຳຂັ້ນສູງກະຊວງປ້ອງກັນ ຄວາມສະຫງົບ ກໍຄື ພະນັກງານ-ນັກ ຮົບ ໃນທົ່ວກຳລັງ ປກສ, ທີ່ເວລາໃດກໍ່ເຮັດຫຼ້ອນໜ້າທີ່ ທີ່ໄດ້ຮັບມອບໝາຍ, ສົມເປັນກໍາລັງປະກອບອາວຸດປະຕິວັດອັນແຫຼມຄົມຂອງພັກ. ພ້ອມນັ້ນ, ຍັງໂອ້ລົມໃຫ້ທິດຊີ້ນຳຕໍ່ຄະນະພັກ-ຄະນະນຳຂັ້ນສູງກະຊວງ ປກສ ເພື່ອນຳໄປຈັດຕັ້ງປະຕິບັດເຮັດໃຫ້ກຳລັງປ້ອງ ກັນຄວາມສະຫງົບ ເປັນກຳລັງປະກອບອາວຸດທີ່ເຂັ້ມແຂງຂອງພັກ, ເປັນກໍາລັງທີ່ມີຄວາມທັນສະໄໝຮອບດ້ານ. ເປັນຕົ້ນແມ່ນສືບຕໍ່ວຽກງານສຶກສາອົບຮົມການເມືອງ

ແນວຄິດເປັນກົກ, ຮັກສາ 3 ທາດແທ້ 7 ມູນເຊື້ອກຳລັງປ້ອງກັນຄວາມສະຫງົບ, ມີຄວາມສາມັກຄີພາຍໃນຢ່າງໜັກແໜ້ນ; ເອົາໃຈໃສ່ຈັດຕັ້ງປະຕິບັດ ວຽກງານວິຊາສະເພາະຮັກສາໄດ້ຄວາມສະຫງົບ-ຄວາມເປັນລະບຽບຮຽບຮ້ອຍ ແລະ ປອດໄພໃນທົ່ວສັງຄົມ. ພ້ອມກັນສຸມໃສ່ວຽກງານກໍ່ສ້າງຮາກຖານການເມືອງຢ່າງແຂງແຮງ, ເພື່ອປຸກລະດົມປະຊາຊົນຢູ່ທ້ອງຖິ່ນຮາກຖານໃຫ້ປະກອບສ່ວນເຂົ້າໃນວຽກງານປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ; ເອົາໃຈໃສ່ຈັດຕັ້ງປະຕິບັດສອງວາລະແຫ່ງຊາດ ໂດຍສະເພາະແມ່ນວາລະແຫ່ງຊາດ ວ່າດ້ວຍການແກ້ໄບບັນຫາຢາເສບຕິດ ໃຫ້ມີຜົນສຳເລັດຕາມກຳນົດ ເວລາທີ່ໄດ້ກຳນົດໄວ້; ເອົາໃຈໃສ່ປັບປຸງກໍ່ສ້າງກຳລັງໃຫ້ມີຄວາມເຕີບໃຫຍ່ເຂັ້ມແຂງ ໂດຍສ້າງໃຫ້ມີພະນັກງານສືບທອດປ່ຽນແທນໃນໄລຍະສັ້ນ ແລະ ຍາວນານ, ຊຸກຍູ້ສົ່ງເສີມໃຫ້ນາຍ ແລະ ພົນຕຳຫຼວດໄດ້ມີການຍົກລະດັບຄວາມຮູ້-ຄວາມສາມາດ ເພື່ອຕອບສະໜອງ ໄດ້ກັບຄວາມຮຽກຮ້ອງຕ້ອງການ ຂອງ ໜ້າທີ່ການເມືອງໃນໄລຍະໃໝ່ ແລະ ພ້ອມກັນເອົາໃຈໃສ່ສ້າງພະລາກັບທີ່ ເພື່ອແກ້ໄຂຊີວິດການເປັນຢູ່ຂອງນາຍ ແລະ ພົນຕຳຫຼວດຕາມທິດເພິ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນ ເອງ.

ທັງນີ້, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານກ່ຽວກັບການເຄື່ອນໄຫວ ຊີ້ນຳ-ນຳພາກຳລັງປ້ອງກັນຄວາມສະຫງົບ ໂດຍໄດ້ຮັບການນໍາພາ-ຊີ້ ນຳເດັດຂາດ, ໂດຍກົງ ແລະ ຮອບດ້ານ ຈາກພັກ-ລັດຖະບານ, ໄດ້ຮັບການໃກ້ ຊິດຕິດແທດ, ອູ້ມຊູຊ່ວຍເຫຼືອຈາກການ ຈັດຕັ້ງຂັ້ນເທິງ ໃນການກໍ່ສ້າງກຳລັງ ປ້ອງກັນຄວາມສະຫງົບໄລຍະທີ່ຜ່ານມາ, ຈິ່ງເຮັດໃຫ້ກໍາລັງປ້ອງກັນຄວາມສະຫງົບປະຊາຊົນມີຄວາມເຕີບໃຫຍ່ເຂັ້ມແຂງ, ສາມາດຮັບປະກັນໄດ້ສະຖຽນລະພາບທາງດ້ານການເມືອງ, ປະເທດຊາດມີຄວາມໝັ້ນຄົງ, ສັງຄົມ ມີຄວາມສະຫງົບ, ມີຄວາມເປັນລະບຽບຮຽບຮ້ອຍ, ປະຊາຊົນ ມີຄວາມເຊື່ອໝັ້ນ ແລະ ໃຫ້ການຮ່ວມ ມືອູ້ມຊູຊ່ວຍເຫຼືອກຳລັງປ້ອງກັນຄວາມສະຫງົບດ້ວຍດີຕະຫຼອດມາ ແລະ ຖື ໂອກາດນີ້, ຕາງໜ້າໃຫ້ຄະນະພັກ-ຄະນະນຳກະຊວງປ້ອງກັນຄວາມສະ ຫງົບ ກໍຄື ນາຍ ແລະ ພົນຕຳຫຼວດ ທົ່ວກຳລັງ ປກສ ສະແດງຄວາມກະ ຕັນຍູຮູ້ຄຸນຕໍ່ພັກ-ລັດຖະບານ ໂດຍສະ ເພາະແມ່ນ ສະຫາຍນາຍົກລັດຖະມົນຕີ, ຊຶ່ງຍາມໃດກໍໄດ້ເອົາໃຈໃສ່ໃກ້ຊິດຕິດແທດ ຊີ້ນຳ-ນຳພາກຳລັງປ້ອງກັນ ຄວາມສະຫງົບໃຫ້ມີຄວາມເຕີບໃຫຍ່ ເຂັ້ມແຂງຢ່າງບໍ່ຢຸດຢັ້ງ ແລະ ຂໍອວຍ ພອນໄຊໃຫ້ມີພະລານາໄມສົມບູນແຂງແຮງດີ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ, ມີຜົນສຳເລັດໃນໜ້າທີ່ອັນມີກຽດ, ສືບຕໍ່ຊີ້ນໍາ-ນຳພາກຳ ລັງ ປກສ ໃຫ້ເຕີບໃຫຍ່ເຂັ້ມແຂງ ແລະ ທັນສະໄໝຍິ່ງຂຶ້ນ.

 

แชร์