ບໍລິຄຳໄຊ ສ້າງມູນຄ່າເພີ່ມໃຫ້ເຄື່ອງຫັດຖະກຳຈັກສານ

 

ພະແນກອຸດສາຫະກຳ ແລະ ການຄ້າແຂວງບໍລິຄຳໄຊ,ໄດ້ສຳເລັດການຈັດຝຶກອົບຮົມ“ໂຄງການຍົກສູງຄຸນນະພາບສິນຄ້າ,ເພື່ອສ້າງມູນຄ່າເພີ່ມໃຫ້ເຄື່ອງຫັດຖະກຳຈັກສານ” ສຳລັບກຸ່ມຫັດຫະກຳຈັກສານ ບ້ານພຣະບາດໂພນສັນ.

ເຂັ້າຮ່ວມເປັນປະທານໃນບັ້ນຝຶກອົບຮົມຄັ້ງນີ້ ໂດຍທ່ານ ກອນ ຫຼວງພິທັກ ຮອງເຈົ້າເມືອງທ່າພະບາດ, ຜູ້ຮັບຜິດຊອບວຽກງານເສດຖະກິດ. ມີທ່ານ ຄອນສະຫວັນ ສຸກຂະເສີມ ຮອງພະແນກອຸດສາຫະກຳ ແລະ ການຄ້າແຂວງ ,ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ຈຸດປະສົງໃນການຈັດຊຸດຝຶກອົບຮົມ ກໍ່ເພື່ອຕ້ອງການຍົກລະດັບສີໄມ້ລາຍມື ຂອງກຸ່ມຫັດຖະກຳຈັກສານທີ່ມີຢູ່ແລ້ວ ແນໃສ່ພັດທະນາຮູບແບບ ແລະ ສາມາດຜະລິດໄດ້ວ່ອງໄວຂື້ນຕື່ມທັງຂະໜາດ,ລວດລາຍ ແລະ ສີສັນ ເພື່ອໃຫ້ມີຄວາມຫຼາກຫຼາຍ ແລະ ແຕກຕ່າງກັນໄປຕາມຍຸກສະໄໝ ແລະ ເພື່ອພັດທະນາສິນຄ້າໃຫ້ຕອບສະໜອງໄດ້ທັນສະພາບຕະຫຼາດຍຸກໃໝ່,ທັງເປັນການສ້າງມູນຄ່າເພີ່ມໃຫ້ກັບການຜະລິດຕະພັນ ແລະ ເປັນການສ້າງລາຍໄດ້ເພີ່ມຂື້ນໃຫ້ກັບກຸ່ມຈັກສານ, ກໍຄືການສ້າງລາຍຮັບໃຫ້ກັບປະຊາຊົນໃຫ້ດີຂື້ນກວ່າເກົ່າ ແລະ ເພື່ອສ້າງເປັນສິນຄ້າຄຸນນະພາບ,ທັງສາມາດຕອບສະໜອງໄດ້ພຽງພໍກັບຄວາມຕ້ອງການຊົມໃຊ້,ເພື່ອກ່າວຂື້ນໄປເປັນສິນຄ້າສົ່ງອອກໃນອະນາຄົດ.

 

แชร์