ການເຄື່ອນໄຫວງານໃນຄັ້ງນີ້, ໄດ້ລົງເລິກຕິດຕາມກວດກາ ແລະ ຊຸກຍູ້ ການຜະລິດ ເພື່ອທົດແທນການນຳເຂົ້າ ແລະ ເປັນສິນຄ້າສົ່ງອອກ, ການຈັດເກັບລາຍຮັບເຂົ້າງົບປະ ມານແຫ່ງລັດ, ບັນຫາການລົງທຶນຢູ່ເຂດເສດຖະກິດສະເພາະ ພູຂຽວ, ການພັດທະນາເຂດໂລຈິສຕິກ, ການເຮັດທົດລອງຂຸດຄົ້ນແຮ່ເຫລັກ, ການຄຸ້ມຄອງແຮງງານ ແລະ ບັນຫາອື່ນໆທີ່ກ່ຽວຂ້ອງ. ພ້ອມທັງ ໄດ້ຮັບຟັງລາຍງານ ກ່ຽວກັບການຈັດຕັ້ງປະຕິບັດ ບັນດາຄາດໝາຍ ແລະ ເນື້ອໃນ ທີ່ຕິດພັນກັບມະຕິດັ່ງກ່າວ ຈາກພະແນກການທີ່ກ່ຽວຂ້ອງ, ລາຍງານ ບັນຫາໃນການຈັດຕັ້ງປະຕິບັດແຜນໂຄງການ ຂອງເຂດເສດຖະກິດສະເພາະພູຂຽວ ແລະ ສະພາບການຈັດຕັ້ງປະຕິບັດ ຢູ່ດ່ານສາກົນຂົວມິດຕະພາບ 3, ດ່ານສາກົນນາເພົ້າ-ຈໍຫຼໍ່ ແລະ ອື່ນໆ.

ໂອກາດດຽວກັນ, ຄະນະດັ່ງກ່າວ ຍັງໄດ້ຕາງໜ້າກອງທຶນຊ່ວຍເຫລືອສັງຄົມສະພາແຫ່ງຊາດ ມອບເຄື່ອງຊ່ວຍເຫລືອໃຫ້ ພະແນກສາທາລະນະສຸກແຂວງ ເພື່ອມອບຕໍ່ໃຫ້ແພດໝໍ ທີ່ປະຕິບັດໜ້າທີ່ໃນການປ້ອງກັນ, ຄວບຄຸມການແພ່ລະບາດ ແລະ ປິ່ນປົວ ພະຍາດໂຄວິດ-19 ຕື່ມອີກ.