ໂຄວິດໃນ ສ.ເກົາຫຼີ ຍູ້ສະຖິຕິຕິດເຊື້ອທະລຸເກີນ 10 ລ້ານ

ສະຖານະການໂຄວິດ-19 ໃນ ສ.ເກົາຫຼີ ທີ່ຫວນກັບມາລະບາດໜັກອີກຄັ້ງ, ດັນສະຖິຕິຕິດໂຄວິດພຸ່ງທະລຸເຖິງ 10,4 ລ້ານກວ່າຄົນ.

ລາຍງານຂອງສຳນັກຂ່າວຕ່າງປະເທດໃນວັນທີ 24 ມີນາ 2022 ລະບຸວ່າສຳນັກງານຄວບຄຸມ ແລະປ້ອງກັນພະຍາດ ສ.ເກົາຫຼີ (ເຄດີຊີໄດ້ຖະແຫຼ່ງກ່ຽວກັບການຄົ້ນພົບຜູ້ປ່ວຍໃໝ່ໃນໄລຍະ 24 ຊົ່ວໂມງຈຳນວນ 490.881 ຄົນ. ສົ່ງຜົນໃຫ້ ສ.ເກົາຫຼີ ກາຍເປັນປະເທດທີ່ມີຕົວເລກຕິດເຊື້ອລາຍວັນສູງທີ່ສຸດໃນໂລກ ແລະ ຫຼາຍທີ່ສຸດຂອງປະເທດໃນຮອບ 6 ວັນ, ນັບຕັ້ງແຕ່ມີລາຍງານທຸບສະຖິຕິຜູ້ຕິດເຊື້ອລາຍວັນສູງສຸດເປັນປະຫວັດການທີ່ 621.205ຄົນເມື່ອວັນທີ 17 ມີນາຜ່ານມາ. ຊຶ່ງເຮັດໃຫ້ຍອດຜູ້ຕິດເຊື້ອສະສົມທະລຸເຖິງ 10,4 ລ້ານກວ່າຄົນ, ຂຶ້ນແທ່ນໃນຕາຕະລາງປະເທດທີ່ມີຜູ້ຕິດເຊື້ອໂຄວິດ-19 ຫຼາຍທີ່ສຸດເປັນອັນດັບທີ 11 ຂອງໂລກ. ສ່ວນຕົວເລກຜູ້ເສຍຊີວິດກໍລະບຸຢ່າງໜ້ອຍ 13.432 ລາຍ, ດ້ານຜູ້ປ່ວຍອາການສາຫັດລາຍວັນກໍ່ມີເຖິງ 1.084 ຄົນຊຶ່ງນັບເປັນຕົວເລກຜູ້ປ່ວຍໜັກເກີນ 1.000 ຄົນຕິດຕໍ່ກັນ 16 ວັນ.

แชร์